Biblia Todo Logo
Bib sou entènèt

- Piblisite -




Hebreos 6:11 - Nuevo Testamento Toba Maskoy

11 ¡Ntasek etlhengkese mota mokhom ketlhengkap ma'a metka akpensangveiam, metka nhan apkeliamasangveiam alleklemo apvalho'ok! Netamen etlhevangkok hata qaselha altaqmelo apkelel·halhanmo mota nkovak hata.

Gade chapit la Kopi




Hebreos 6:11
36 Referans Kwoze  

Cristo koka apto Apketka, apiamolhma apkeltakmelkeskamo mota pa'at apanko'ok Eniapom Neten, ennengko'o m'a malha pa'at netlhengkaso la mota nentaikamok mongeliaskeiam metka nengelvateskaiam, kanhan nkolel·halhnama engelvalho'ok qaselha altaqmelo nkolvak hata.


Ketlhengkap elialheng'a, apkellavema lhta Eniapom Neten, apkeliekiesaikamo lhta nhan ma'a, ntasek enmeivo mota m'a qaselha altaqmelo nak apvalho'ok kakpota mepallemmek.


Ampakhasekha nke lhta mongeliaskeiam ennengko'o Cristo m'a, ka nelvaskapo la nhan akiennaktema mongeliaskeiam akvakmo aktakha nnelha aknem, netamen angelpasmekhak hata ma'a nenlhamakho qaselha apankok Cristo m'a.


Ntasek angelteteskakhok Eniapom Neten engvalhok iokhalhmek ankek, mongeliaskamek nahan akiokho nkoie' ngkanek malha alalhnai'o engelvalho'ok, alalhnai'o nhan eniempeiok aniem'o m'a iemmen aktaqmanma nkoie.


Apkellelto ta apkeliephongveiakmo, apketlhengkaso la nhan askellanemakha etnangkok metka nnelha, allangkok hata aptaikamok apkelientalhnemo apieseksek lhamakho apkellavakha,


Ennengko'o lhennenga nellomaka lhta malha neletsepma, kolhva koka neliavek nentaikokhok mokhom enhalhnanko'ok ngkanek nellasekhavek engelialheng'a. Enenlhet meniasekhai'o la po'ok, malha apketsepma ntak m'a.


Ketlhengkap elialheng'a askellamelaiam, neksa apkelel·halhanma nkovak aknem anak ma'a, eteniamok hata apiempeiok elloka metka akmaska, kanhan metka apkeltemengveiakmo lhma kakpota elvetangvetak Eniapom Neten apvaktamo ta m'a.


Eniapom Neten aplhatekhaskeiam Cristo, aptemeskeskamo nhan neten apankek ma'a, ka meliaskeiakmo nhan ketlhengkap Eniapom Neten aniem'o nhan apkeltemeskeskama Cristo, nnankek na alel·halhnekama apvalho'ok eltaqmelkeskeskamok hata apkellangiemhaikama m'a Eniapom Neten.


Koka ketlhengkap engelialheng'a nengeleltavek ellanangko mota qaselha altaqmelo.


Hai, Eniapom Neten apto niapom al·halhnekama engvalho'ok angvetak aktaqmanma, ellangkok hata alpaihekha apvalho'ok kakpota nhan altaqmelaikama apvalho'ok apkellelto nak meliaskeiam apvesai'a m'a, ellaneskasangkok hata nhan apvalho'ok alel·halhnekama elvetak hata aktaqmanma aniem'o Espíritu Santo apmopvana.


apkellasekhai'avek na aplhamakho apkelialheng'a apkellava nak ma'a akieto Macedonia. Vanlha nengelelto elienlhanmankok lhamakho aknem apkellasekhai'o po'ok.


Have vanlha mo'ok engatno'ok alhta nentangkok neksa neleltennaskama lhta ania'a aktaqmanma apieseksek ketlhengkap ham, nellan'a lhta nhan qaselha hempelapkeskama aniem'o apmopvana Eniapom Neten kakpota nhan Espíritu Santo. Ka alpekhesangka lhta ketlhengkap metka apkaimommap akto have niapak ankek ania'a nengeltennaikama ennengko'o. Hai, apkeliavek ketlhengkap vanlha lhta mota nengeleltemo nkoltaqmelek apkakhaikamok neksa nengakhengveiam alhta ham.


Nnaiangkek nak na apkelvaskapma m'a aniem'o alel·halhnekama apvalho'ok etlhevangkok hata lhema qaselha nema alpokkenkeskama m'a neten, apkellengai'a lhta ketlhengkap aklhenammalhka ania'a nak


Hai, nengelelto la aliennaktema mongeliaskeiam ntasek hata nkotnangkok atlhenaikama engelvalho'ok ma'a astakha lhkek alheianma, koka napokha enenlhet nketlhenkek apvalho'ok mok aktemakha m'a, Eniapom Neten hato ka elvetaskesek lhema qaselha alhnakho nkek ma'a.


Ka ngkanek na ketlhengkap mel·halhiengvomek apkellanekamok qaselha altaqmelo netamen hata m'a akieto la aktaqmelakha aknem avanhek hata ngkotnek apnaklhekamok akielhna altakmanma metko la alvannammalhka apvalho'ok.


Ka nkanek na ntasek ketlhengkap elialheng'a askellamelaiam, elienna ta metka apkelvatesaikamok na apkenmakmesaikama Apveske engankok anak, have aqhemo nhan apkenmakmesaikama ketlhengkap ma'a.


Nietnek koka hanetolhem'a qaselha allelto mankonmaskengvaiam, ka kto nak alvesai'a mongiaskeiam, al·halhnekama engvalhok angvetak aktaqmanma kakpota nhan nengasekhai'o, koka aktema neten ankek ma'a nengasekhai'o nak.


Ka nelpasmo la mota emmo'ok, nkotlheianvakhok hata mota engelvalho'ok nengelelto nelpasmekha Eniapom Neten apto haveniapak ma'a. Envanka'ak hata nhan angelteteskakhok napaqtek ma'a metka altaikama engelvalho'ok.


Avanhek na asteniai'o eiempehek askeliatekhoho aplhamakho m'a askeltemo etlhengkesek apkelpasmommakpo, ellasekhakpoho kakpota nkovak akiokho nkek apkeliekpelkangveiam kanhan apkeliangveiakmo qaselha akielhammalhka nak apeneskamo lhnak nanek Eniapom Neten aplheianmo lhnak nanek eniapaksek Cristo,


Nkaimelhkek eliennakteksek meliaskeiam anak, metka apkelieniekha m'a alel·halhnekama apvalho'ok elvetak hata aktaqmanma aniem'o ania'a aktaqmanma apkellengai'a lhta, nema aleltennaskamo mota lhmankek ham. Ko'o nhan askeleltennaskama ania'a nak aniem'o lhta heiapaskama Eniapom Neten.


Enenlhet apto lhta nhan aplhevai'a apmopvana eiatekhok po'ok, ntasek na eieplavkesek ma'a. Enenlhet apto la hengaiangko niapom qaselha apankok, ntasek etnek metka apkenmeiavkesammakpo panke' qaselhaha. Enenlhet apto lhta nhan aplhevai'a apmopvana la malha apveske, ntasek etnek apiamo, aptaqmelkeskamo nhan. Apto lhta nhan aplhevai'a apmopvana epasmok apkellelto nak metka apkelletsekama, ntasek etnek akpaihekha mota apvalhok ma'a.


Ennengko'o koka alel·halhnekama engelvalho'ok aniem'o Espíritu ngkolhek hata hengeltemeskaso nengelpeivomo aniem'o mongiaskeiam, have niapak ma'a.


Askeltavek altennaksek ania'a lheiap aktemakha lhta hengellanei'o Eniapom Neten nenieseksa ennengko'o. Mantek na enenlhet apnaktalhesaikamok aktemakha ania'a nak ma'a,


Swiv nou:

Piblisite


Piblisite