Hebreos 4:12 - Nuevo Testamento Toba Maskoy

¹² Ka Eniapom Neten anak apaivoma nietnek akmovana, hengaikamok na akiennaktema ennenio'ok, malha aktonak pelettav akvenaktema akmovana nkoiaqtemenek neten ankek koka m'a, aselhtek ma'a pelettav anak hanet nekha'ak la anmalhnemmalhka. Nkoklhek akvakmo konne kankek engvalhok kanhan akvakho eniempehek. Akvakmo konne kankek apvalho'ok la enenlhet, kanhan akiekpelkemo alketamekama apvalho'ok kanhan apkenmak'akha la ellanangkok.

Hebreos 4:12 Referans Kwoze

Efesios 6:17

Eletsavekha ta nhan alapma apqatko'ok akvesai'a nak nenvongkasemmalhka tep, enmama ta nhan apmeio'ok malha pelettav akvenaktema nak akvesai'a Eniapom Neten apaivoma, aniem'o nhan Espíritu.

1 Pedro 1:23

ngkanek malha apalleiam la alhnankok mokhom, have aktonak ma'a engken anak hentengkeskama, ketlhengkap koka apalleiam aniem'o Eniapom Neten apaivoma nak akto akietnema aktema alhnankok, mangkotnengvaiam na nnelha.

Apocalipsis 1:16

7 iav'a lhta apmaikama apmek akiennakha, apatong alhta ntepak pelettav akpeivoma hanet nekha nema anmalhnongkoma ahanto'ok, apommatma lhta napa'at malha lhta aknem katelho nak.

1 Tesalonicenses 2:13

Hai, nengeleltangke mota ennengko'o gracias Eniapom Neten aniem'o apkellengai'a, apkenmaikamok na takha ania'a aplhenammap Eniapom Neten netsavkeskama lhta ham. Apkeliangveiakme lhta ania'a aktaqmanma have aniemai'o enenlhet apanke, koka aniemai'o m'a Eniapom Neten. Hai, have niapak ankek ma'a aniemai'o Eniapom Neten ania'a aktaqmanma nak nkelentepkeskaske mota akiavai'a qaselha altaqmelo apkellelto nak meliaskeiam.

Romanos 1:16

Momankek ko alhenek ania'a aktaqmanma ngkanek akto aknema akmovana aniem'o Eniapom Neten kakpota nkolvongkesek tep enenlhet'avok apkellelto la meliaskeiam, apmaniaie' judios, kakpota nhan griegos.

Apocalipsis 19:15

Ntepke lhta apatong ma'a apveske pelettav hanet nekha'a ahanto'ok kakpota eliensasangkok lhamakho apkellavakha lhmankek ham. Etnek hata apveske apiennaktema apankek ma'a, elteianmok hata apankek na uva malha apkelietsemongama apkelanai'a vino. Koka akietkesammalhka akiavai'a nkek aploma Eniapom Neten apto vanlha lhema aphapak aknema apmopvana apankek ma'a.

Efesios 5:13

Koka apommatema nak avankek nkolvetaskesek iokhalhmek ankek qaselha ienaqtesakha lhma alposemmalhka.

Lucas 8:11

Hai', kolhva smak'ak alpeiveskasekhak asietkeskama lhkek. Ka aktek anak akietkesammalhka Eniapom Neten apaivoma.

Juan 6:51

Ko'o asto nak pan apkeliennakteskama apnenio'ok apkeniem'o neten. Aptavengko la moklhem'a, nkolhnangkok hata aliennaktema apnenio'ok mangkotnengvaiam annelha. Asiokha nak askellaikamok malha pan kakpota nkolhnangkok aliennaktema apnenio'ok aplhamakho enenlhet'avok lhmankek ham —lhta aptak Jesús.

Apocalipsis 19:21

Netamen ma'a apvo'o lhta apto apkanantema etanlheng, apkennapke lhta aplhamakho kempokhakme ankok ma'a akieplomo pelettav akvenaktema hanet ahanto'ok akteiapma lhta apatong. Nkellempave lhta anata aktekamok enghapak aktavengko aphapavok akvakmo aliapqanakmo lhta m'a.

Apocalipsis 2:16

¡Eiaqmongkasekha toka mo'ok apvalhok! Koka melanakho ta heng, avatak hata ham kolhvave nak, annapalhkak hata enenlhet'avok anak akieplomo pelettav akvenaktema akteiapma ehetong anak".

Hebreos 13:7

Kotlheianvakho ta mota apvalho'ok ketlhengkap apkeltemakha lhta apkelemhama apmaniaie apanko'ok apkellelto lhta apkelpaieskama ania'a aktaqmanma ham aniem'o Eniapom Neten, kotlhen hata nhan apvalho'ok ma'a ko la lhta aptaiangkolha apkellangiemhaikama, elvanamok hata nhan ketlhengkap aptaiangkolha lhta meliaskeiam ma'a.

Hechos 4:31

Ka akvaiakmo lhnak nnelha apkelelmalhnongkoma m'a, akievheiangka lhnak akietemelha apkaqnekhelha m'a, apkellapvai'o lhnak Espíritu Santo aplhamakho m'a, apkelteniaiavek nak na apiempeiok apketlheianma Eniapom Neten apaivoma m'a.

Hechos 2:37

Avanhek ankek nak altaikama apvalho'ok apkellengai'o m'a, ka apkelelmalhnengvekho lhnak Pedro kakpota nhan apketlhelhma'ak nema allapaskamo, lhna aptaiangkok: —Elialheng'a, ¿ko la antemeskesangkok ennengko'o m'a, he? —lhna aptaiangkok.

Apocalipsis 2:23

Annapkesek hata nhan atkak, netamen ma'a aplhamakho iglesias nkotlhenek hata apvalho'ok asto asiekpelkemo alhnakho nkek alietnaikama apaqto'ok kanhan apvalho'ok ma'a, allangkok hata akietemo aktemakha la apkellanekamok akiaqmoiekha ngkolatsekama kanhan aktaqmanma.

Apocalipsis 20:4

Asvet'o lhta mokhom apkelveskai'e apkakhangko apkeltanema apkelveskai'e m'a neten, nne lhta allangko apkenmopvanka'a kakpota eliekpelkok apkeltemakha enenlhet'avok lhamakho aiempek lhmankek ham. Asvet'o nhan apkel·hangok ma'a nema aliaqtemanma lhta apiaspok aniem'o mota apkelpaieskama ania'a aplhenammap Jesús kakpota nhan apkeleltennaikama Eniapom Neten apaivoma. Ma lhta nhan elteklheiangkok aptapno'ok naqtavek qaselha nevhak alhta nengai'o kakpota nhan nema akietkeskamo akiokha nke alanemmalhka m'a. Meleltemo lhta nhan ngkolhek apnaqtalheso akvesai'a alpaihakha napaqta'a, apmeio'ok nahan. Koka apnaklhatekhangvakme lhta nhan ma'a apieseksek apkenmaskengvaiakmo enenlhet'avok alhta m'a, aptangkokho lhta nhan apkelveskai'e apkelpasmekha Cristo akvakmo ta 1.000 anio.

1 Tesalonicenses 5:23

Nengeleltavek na Eniapom Neten apto aktaqmelaikama engvalhok etnek na apkelpokkanma ketlhengkap, eltaqmelkesek apvalho'ok, apkelvanmongkoma kanhan apkeliokha kakpota etnangkok metka apkeltemengveiakmo lhma akvakmo apvaktamo ta apveske engankok Jesucristo.

2 Corintios 4:2

Man na angellanengkok qaselha la nelielhaskeskamo henmankaskama nak, man na nteniangkok na neliennengkeskama la'a, mangeliaqmongkasekhak na mo'ok aktemakha ania'a aktaqmanma nak netlheianma hengellaikamo lhta nhan Eniapom Neten ma'a. Apiavek koka nhan Eniapom Neten akto netlheianma iokhalhmek, apkeliavek na enenlhet'avok ka ngkeniemai'ak manghengeliaskamek ma'a.

Santiago 1:18

Hengeltemeskeskangke lhta malha alhnankok nelpalleiam Eniapom Neten aniem'o ania'a aktaqmanma nak akto have niapak ankek akvakmo nentangko malha qaselha apankok la allelto neten ankavek altakmanma aiseksek ma'a lhamakho qaselha apkelentepkeskama lhta.

2 Corintios 2:17

Moklhem'a enenlhet apkeleltennama ania'a aktaqmanma apkeleltema nkoltaqmelkeskesek apkellangiemhaikama apanko'ok apankavek, ennengko'o koka mantangkok ma'a. Eniapom Neten hengellapaskama, apiavek nahan metka nenteniaikamok enganko'ok engankavek qaselha altakmelkeskama la nellaniemhaikama, netlhenke mota qaselha have niapak ankek aniem'o nelpasmekha mota Cristo.

1 Corintios 1:24

Koka nengelelto nak hengellavekama Eniapom Neten, judios kanhan griegos, neliavek aktaqmanma nke nak apeneskamo lhta apmak'akha etnek Eniapom Neten, apkapaskama Cristo kakpota enietsepok neten iamet aktenneskama, ntemenke lhta m'a aniem'o apmopvana m'a.

Hechos 5:33

Nkennatheskangkek nak apkelemhama apmaniaie apkellengai'o m'a, apkenmahai'ak nak ennapok ma'a.

Juan 12:48

Hato ka enaqtevasakpok ma'a meleliehekho la aspaioma akvakmo ta nnelha aknem.

Hechos 7:38

Koka m'a Moises apaqmetkeskangkek nak nanek lhema ángel akieto metaimong akhaiam Sinai, ka apkelletsantengkeskamo nhan nema akpaivoma akmovana nkoltaqmelkeskesek apkellaniemhaikama nelieihengka nnenga apkellelto apkaknaikama m'a akieto iokhalhma metkelha temma, hengellangkongvai'o nhan ennengko'o.

Efesios 5:26

Kakpota etnek apokkanma apankek ma'a. Malha nhan apkalhnaskama aniem'o apaivoma malha aktonak iemmen akmovana nak nkalhnaksek ma'a.

Hebreos 6:5

Apkeliepkonme lhta nhan Eniapom Neten apaivoma aktaqmanma nak, apkeliepkonme lhta nhan akmovana nak ngkotnek hata akmakmekama emanie nak mo'ok nengavakha ta.