Hebreos 4:11 - Nuevo Testamento Toba Maskoy

¹¹ Hai, ntasek koka mota anteniangkok eniempeiok kakpota angelentalhnengvomok ma'a neniamposammalhkelha, montangkek ma'a aptaiangkolha lhnak nanek enenlhet'avok apkeliaskeiakmek nak nanek ma'a.

Hebreos 4:11 Referans Kwoze

Hebreos 3:18

¿Se lha nhan enenlhet'avok m'a ie apkellaiangko lhnak nanek apaivoma akto have niapak ankek Eniapom Neten melentelhek hata iokhalhma neniamposammalhkelha, he? Koka vanlha m'a apkellelto nak meleliehekhok ma'a.

Lucas 13:24

—Elienlhanmamok ketlhengkap elentalhnengvom atong atkok, mang hata nte niekhe enenlhet'avok apkenmahai'a niekhe elentalhnengvomok ma'a, koka mankollapvankek hata m'a.

Hebreos 6:11

¡Ntasek etlhengkese mota mokhom ketlhengkap ma'a metka akpensangveiam, metka nhan apkeliamasangveiam alleklemo apvalho'ok! Netamen etlhevangkok hata qaselha altaqmelo apkelel·halhanmo mota nkovak hata.

Efesios 5:6

Mellanko nkek eliennengkeskak enenlhet'avok anak aktaikama nkek ania'a apketsoiam, nkanek Eniapom Neten hata eliaqmongkaskesekhak apkeltemakha meleliehekho m'a.

Hebreos 3:12

¡Ellaho ta elialheng'a! Metnamo nkek na ngkollatsekama apvalho'ok nkeltemeskaskek na apkeliaskeiam ma'a kakpota nkolienieskasekhak na Eniapom Neten apto mangkotnengvaiam annelha apkaniemhaikama.

Tito 1:16

apketlhengke pankek apkeliangveiakmo aptemakha Eniapom Neten koka apkellanengke mota qaselha apkammelhmakha antek Eniapom neten ma'a, neten ankek meliamolhma m'a kanhan meleliehekhok, mankonmahai'a nha mota ellanangkok qaselha altaqmelo.

Filipenses 2:12

Ketlhengkap elialheng'a heleliehekhave lhta mota asnemo lhta apieseksek ham, ntasek na heleliehekhok kolhvave nak neksa asnema mokhe, ellanamok hata lhamakho qaselha aimommalhkelha la'a kakpota ngkolhek alvongkaso tep akieplomo neksa apkellai'a kakpota nhan neksa apkelelpelhiennoma allai'o apnenio'ok ma'a.

Tito 3:3

Ennengko'o lhta nhan malha nengelelto metka enqatko'ok la'a, mangeleliehekho nhan ma'a, malha lhta nhan neltaiangko netlheneiam la'a, hengenmaikama lhta nhan lhamakho aktemakha aletsepma ennenio'ok anak, nkelleklemave lhta nhan engelvalho'ok nellanengko la qaselha ngkollatsekama. Neten anke lhta mongeliamolhma, neliasepkeskama nhan, neltaqnongvekhe lhta emmo'ok engankave nenieseksa m'a, kanhan hengeltaknongkongke lhta nhan enenlhet.

Colosenses 3:6

Nkanek eiaqmongkasekhak hata Eniapom Neten takhaplhet'ok meleliehekho nak,

Hechos 26:19

Lhta ntak akvetai'a ehaqtek aniem'o neten Apveske Agripa, netamen askeliahakhave lhta nhan ma'a.

Lucas 16:16

—Ngvai'ak aknem aktema nnelha m'a ley kanhan ania'a apankok apkeleltennasemmap ania'a apvai'o m'a Juan. Netamen na m'a ampai'o ania'a aktaqmanma aklhenammalhka aknem aptaiekha apveske Eniapom Neten, mantek enenlhet'avok apteniaiangko apiempeiok apkenmahai'a etnangkok apkennemolhema m'a.

Efesios 2:2

Apkellaneiangke lhta nhan ngkollatsekama ketlhengkap aptaiangkolha nak enenlhet'avok lhmankek ham, apkeleliehekhave lhta ketlhengkap kasekapo av'alho'ok aveske alloma nak ma'a neten, anmaikama aplhamakho apkellelto nak meleliehekho Eniapom Neten.

Juan 6:27

Moltama nkek apkelvalho'ok apteniaikamok aptekamok, nkosavhalhka mota m'a. Koka ntase eliavenkaso apkelketansema mo'ok aktemakha nentoma akto mankosavhommalhka, allaikamok na apkeliennaktema mankotnengveianlha nnelha apkellangiemhaikama. Koka Enenlhet Apketka nak apvankek ellangkok ma'a qaselha nak, ngkanek nietnek apmopvana m'a aniem'o Eniapom Neten —lhta aptak Jesús apkellano m'a.

Hebreos 4:6

Moklhem'a enenlhet apkelaimekpok elentelhek hata mokhom ma'a iokhalhma neniamposammalhkelha, kanhan ma'a mang nak nanek elentalhnema apmaniaie apkellengai'a ania'a aktaqmanma ngkanek mang nak nanek eleliehekhok ma'a.

2 Pedro 2:6

Apnaqtevasekho lhnak nanek na Eniapom Neten apiav'akha temma Sodoma kanhan Gomorra, apvanlhekho akvakmo aptangkokho tahap ma'a kakpota elvetak enenlhet'avok ma'a aktemakha apkelvetai'a enenlhet'avok apkellanekamok ngkollatsekama.