Hebreos 2:4 - Nuevo Testamento Toba Maskoy

⁴ Apkelan'a lhta nhan Eniapom Neten qaselha mongenatkeskama, qaselha hempelapkeskama kanhan qaselha aktaqmelo mongvetai'o kakpota nhan apkellaiangko lhta Espíritu Santo apmak'akha la ellangkok kakpota ngkotnek iokhalhmek ma'a ania'a apketlheianma.

Hebreos 2:4 Referans Kwoze

Hechos 14:3

Koka nheklhek nak apkakhaikamok Pablo ka nhan Bernabe m'a akieto Iconio, apkeleltennaseiangka lhnak na ania'a hengamelaiam Apveske enenlhet'avok ma'a metka apkellai'a, ngkanek apkeliamavek nak apkeltakmelkeskamo m'a. Apkellaiangkek nak na m'a apkenmopvanka'a kakpota ellanangkok qaselha mongenatkeskama kakpota nhan qaselha hempelapkeskama.

Efesios 1:5

ka nkeniemai'ak na hengeltemeskeskamo apketkak aniem'o Jesucristo. Hai, aptema apankek ma'a nkanek avanhek hengellasekhai'o.

Marcos 16:20

Ka apketlhengamo lhnak apkeltamesaikamok, apkeleltennaseiangka lhnak ania'a aktaqmanma lhma nkek ham, apkelpasmongkek nak na Apveske ma'a, apkellaiangkek nak apkenmopvanka'a kakpota ellanangkok qaselha mongenatkeskama. Apkeltemeskeskamo nhan iokhalhmek ankek apkellengai'a ania'a enenlhet'avok ma'a.

Juan 4:48

Lhta aptak Jesús: —Lheiap kakpota nhan apkennemolhema nak vanlha apkeleltemo elvetak qaselha mongenatkeskama, qaselha hempelapkeskama nhan kakpota meliaskame —lhta aptak apkano m'a.

Juan 15:26

Ko'o ta allapaskesek apto Hengiatekho niapom ketlhengkap, Espíritu apto have niapak anke niapom apkeniem'o nhan ma'a Eniapom, hata etlhekmoksek lhamakho qaselha aniem'o ko'o.

Efesios 1:9

kakpota angeliangvomhok ma'a apeneskamo lhnak nanek apmak'akha ta etnek aniem'o apiamolhma hengellanei'o, malha aposkama la qaselha apmahai'akha etneskesek apkelanei'o Cristo.

Hechos 4:10

Aleltennasangko ta ketlhengkap kakpota nhan aplhamakho enenlhet'avok ko Israel, ka enenlhet alhta aptaqmalveiam aniem'o koka m'a apvesai'a Jesús ko Nazaret, apkellaqhema lhta ketlhengkap neten iamet aktenneskama, Eniapom Neten alhta nhan aplhatekhaskakmok ma'a.

Marcos 6:14

Netamen aplengai'o lhnak na apiav'akha apveske Herodes ania'a aplhenammap Jesús ma'a, lhamakho aktemakha qaselha hempelapkeskama apkellanai'a m'a. Moklhem'a enenlhet nak aptaiangkok apkelpaqmeiasma: —Juan annenga apkellavkeskama iemmen na aniapom ma'a, aplhatekhangveiakmek apieseksek apkenmaskengvaiakmo m'a ka ngkanek ngkolhek apmopvana m'a —lhna aptaiangkok.

Hechos 5:32

Ennengko'o nhan nelvetaiangko m'a lhamakho qaselha nak, apvetaiangkek na Espíritu Santo m'a apkellaiangko lhta Eniapom Neten aplhamakho enenlhet apkelleliehekho la'a —lhna aptaiangkok nema alapaskamo m'a.

Efesios 4:7

Koka Cristo hengellangkek alpalhkammalhka nenmopvanka'a nenmakmekama moklhem'a ennengko'o aniem'o metka apkenmeiavkesammakpo qaselha m'a.

Hebreos 6:4

Ketlhengkap apketlhevaiangkek malha apommatema la'a, apkeliangveiakmek nahan, apkeliepkonme lhta sekhe lhta qaselha altaqmanma metka akianmoma aniemai'o Eniapom Neten, apketlhevaiangko lhta nhan Espíritu Santo.