Hebreos 2:14 - Nuevo Testamento Toba Maskoy

¹⁴ Ka Eniapom Neten apketkak anak enenlhet apankavek ma'a, nietnek aphapetek kanhan ema apanko'ok ka nkeniemai'ak na aptaiekho lhta enenlhet apankek Jesús ma'a, ka apketsepmo nhan ma'a, aptemeskesekho lhta nhan koneng aveske netsepma akvesai'a nak aveske keliaqhameio'.

Hebreos 2:14 Referans Kwoze

2 Timoteo 1:10

Kolhva koka nelvetai'o nhan apiamolhma apankek Eniapom Neten aniem'o apvai'o m'a Cristo Jesús apto hengelvonkeskama tep, aptevaskamo nhan akmovana nengetsepma nak, hengellaiangko m'a aliennaktema ennenio'ok nkotnengvaianlha nnelha aniem'o nhan ania'a aktaqmanma nak nellengai'a.

Romanos 8:3

Ley anak Moises mmahai'a lhta niekhe hengelvongkesek tep, ma lhtoka nkomovanak ma'a aniem'o ennengko'o mangeleliehekho m'a, aniem'o mongeliennaktema. Ka nkeniemai'ak Eniapom Neten eniapaksek apketka aptemeskasekho enenlhet apanke. Aptemengvai'o nhan meiennaktema m'a kakpota enietsepok hengeliaqmoiekha ennengko'o, niekhe aptemongvai'a enenlhet apanke, meiennaktema nhan, nkaqhok koka ntevaskangkek ngkollatsekama nak.

Colosenses 2:15

Apkel·hatsoskeskekho nhan anmovanka'a kanhan alientalhnemo kasekapo' av'alho'ok, akietnema nhan alientalhnemo, aptemeskesekho nhan koneng ankavek napaqtavek enenlhet'avok aniem'o nhan ma'a Cristo, apkeiveseikokho nhan atlhengama napaqtavek enenlhet malha anmammalhka la'a.

Juan 1:14

Apaivoma nak aktaiekho lhnak enenlhet apanke, apnengke lhta nhan nenieseksa ennengko'o m'a. Nelvetai'a lhta nhan apmopvana ka nhan apientalhnemo ngkanek apto lhta vanlha lhema Eniapom Neten Apketka m'a, akiavai'a nke lhta hengamelaiakmo kanhan akto iokhalhmek ankek ma'a.

Hebreos 9:15

Hai, nietnek ennengko'o alhnankok annemo mo'ok engvalho'ok nemmahai'akha antangkok aniem'o Cristo. Apketsepme lhtoka m'a kakpota envanka'ak ngkolhek hengelpaqnenkasakho qaselha ngkolatsekama nellanekamo mota neksa nellaniemhaikama akietnema amanie nkek annemo mo'ok apvalho'ok lhnak nanek apkenmahai'akha etnangkok ma'a. Kolhva koka nengelelto nak nellavommalhka envanka'ak hata angetlhevangkok qaselha mankonmaskengvaiam apeneskamo lhta apaivoma hengellangkok hata m'a.

1 Corintios 15:50

Asmak'ak atnek allana ketlhengkap elialheng'a, enenlhet akietnema nak aphapetek kanhan ema apankok mankolpalhakvomek hata ma' aktemakha nak Aveske apmopvana Eniapom Neten. Qaselha nak akmovana nkokpelkalhka' mankavankek nkopalhkekha Qaselha nak mankokpelkammalhka.

Apocalipsis 1:18

Asto ehalhnankok, asketsepme lhta ko'o sekhe lhta, kolhva koka astakhek ehalhnankok metka akvaiam annelha ta aliekaikamok iantelhkapa, nietnek na llave ankok ngkolatsenkolha apkeletsepma.

Romanos 14:9

Ngkanek apketsepke lhta Cristo kakpota nhan aplhatekhangvakme lhta apieseksek apkenmaskengvaiakmo, aptaiekho nhan apveske takhaplhet'ok apkellelto nak apkeletsepma kakpota nhan aphalhnanko'ok anak.

Hebreos 2:18

Hai', aplengaiangke lhta nhan akientalhnema hengke'e, apvetai'a lhta nhan akiepkonma. Ka nkeniemai'ak apmopvanko nak elpasmok apkellelto nak apkelvetai'a aliepkonma la'a.

Apocalipsis 2:10

Koka meniaga nkek akmak'o ta nkovak aplengaiangko lheiap. Moklhem'a ta apieseksek anak ketlhengkap ngkolhek hata allaklhengkaso nemmammalhkelha aniem'o aveske keliaqhameio' kakpota nhan ngkolhek aliepkono m'a, ellengangkok hata akvakmo 10 aknem. Ka apvaskapo ta lheiap m'a akvakmo apketsepo niekhe, ko'o ta angvangkok akianmoma apnaksepma akvesai'a akiennaktema apneniek mokhom".

Hebreos 4:15

Ka apiav'akha sacerdote nak ma'a apvankek elietnahok nengaqta'a ennengko'o neksa mongeliennaktema la'a, ngkanek apvetai'a lhta apmanie akiepkonma m'a, nnavek ennengko'o kolhvave nak, koka m'a melanai'ak qaselha ngkolatsekama la m'a.

Galatas 4:4

Koka nietemavek akvai'o aknem Eniapom Neten aplheianmakha, apkapaskamo apketka apanke', malha lhta aptemak enenlhet apankek apteiaiakmo m'a, neksa alhta nhan akientalhnema ley.

Juan 12:24

Have niapak ankek lhema aktek anak analhko la konne lhepop, nkaimelhkek sekhe malha atsepma la'a kakpota nkotektepok nkolhamekhak na akielhna, koka mangkotno la malha atsepma m'a, mankotalhkek na akielhna.

Apocalipsis 20:2

Apathetke lhta m'a menasma akiavai'a lhta akvaneiam akvesai'a aveske keliaqhameio', mo'ok nema ltema Satanas. Apkelpelhketo lhta nhan cadena aliavai'a lhta, apienievo nhan malhek konne kankek. Ka aptaqmelkaso lhta nhan apkapekha atong ma'a akvaiakmo ta m'a 1.000 anio kakpota mankoliennenkasama enenlhet'avok lhmankek ham. Netamen hato ka m'a ngkolhek hata akpaqnemakho mokhom ma'a, akiakvatakho nkek hato ka m'a.

Apocalipsis 12:9

Nne lhta nhan akieniantamo koneng menasma akiavai'a kanhan ángeles atlhelhma'ak akieto takhalhet lhepop. Tep nak nanek akietnemo m'a menasma nak, akvesai'a nhan aveske keliaqhameiok, mo'ok akvesai'a Satanas, aliennengkaseiangka mota enenlhet'avok alhmankek ham.

1 Timoteo 3:16

Have niapak, qaselha akiemaskama engvalhok anak, nientelhek ankek aniangvomhok ma'a mongiaskeiam anak, ka aktonak ma'a Cristo nemo apaskamo nalhepop anak aptaiekho enenlhet apanke, netamen aplheianmo aktaqmanma aptemakha m'a Espíritu, apkelvetai'o nhan ángeles, nemo aleltennaseiangka nhan apvesai'a apieseksek metnangko nak judios, meliaskeiakmo nhan enenlhet'avok lhmankek ham, netamen na m'a apmammakpo takha neten akieplomo nemo ai'o kanhan nema aktaqmelkeskamo apvai'a.

1 Corintios 1:28

Apkeliekieskek Eniapom Neten enenlhet apkeltaknommap anak, apketlhenammap anak na metnaikamok neten, metka nhan apkeliaspommap la'a, nkaqhok koka apkeliekieskek kakpota eltemeskasokhak koneng apkellelto nak apketlhenammap amota neten apankavek,

Hebreos 2:17

Nkaimommalhke lhtoka etnekhak sekhek enenlhet apankek elhnesakpok na apkelialheng'a, nkaimommalhke lhta nhan enietsepok apkeliaqmoiekha la m'a kakpota etnek apiav'akha sacerdote. Apkelietnai'o lhta nhan napaqta'a enenlhet'avok, apkeliehekho nhan Eniapom Neten neksa apkasennaikama m'a. Apiephongveiakmo nhan kakpota nkolhek na altemeskesangkankek apkellanekamok ngkollatsekama enenlhet'avok lhmankek ham.

Hebreos 10:5

Ka ngkanek Cristo aptemo lhta mota aplheianma neksa apvai'a lhta hengke'e nalhepop anak, lhta aptemak: «Meltemok lheiap ellangkok apnaqtoskama apkennapekamok enenlhet kanhan qaselha nengaikamok anak, vanlha koka apkeltemo allangkok asiokha nak.

Hebreos 10:10

Hai, apmahai'a etnek hengelpokkanma Eniapom Neten kakpota antangkok apkennemolhema m'a aniem'o Jesucristo apkaiangko lhta apankek apiokha kakpota ematong lhema aktema koka m'a.

1 Pedro 1:20

Tep nak nek Eniapom Neten apeneskamo aklhenaikama apvalhok eniapaksek hata Cristo, mellaneiakha lhnak lhamakho qaselha lhmankek ham, koka nenvanlha nak apvai'ak ma'a kakpota hengeltaqmelkeskesek nellaniemhaikama, ketsek na nkaimelhkak aknem aktemakha ta nnelha.