Hebreos 2:10 - Nuevo Testamento Toba Maskoy

¹⁰ Koka lhamakho qaselha nelvetai'o nak allomaha, nietnek aliennaktema aniem'o Eniapom Neten apkelentepkeskama, apanko'ok apankavek nahan. Apkeltemavek na Eniapom Neten aplhamakho apketkak elpasmakpo lhamakho qaselha apanko'ok anak altaqmelo. Ka nkeniemai'ak apkeltemo ennangkok akientalhnema Jesucristo aptemo nhan apenesammap, apmopvanko nhan aptemo apkelvonkeskama tep aplhamakho enenlhet'avok ma'a.

Hebreos 2:10 Referans Kwoze

Romanos 11:36

Nkanek Eniapom Neten apto apkellanai'a lhamakho qaselha lhmankek ham, apanko'ok apankavek ma'a, apkellaikamok na aliennaktema m'a qaselha lhta apkelentepkeskama kakpota nkollokaha. Hai', ntasek ma'a ngkolhek aktakneskasengko apvesai'a lhma nkek ham. Amen.

Hebreos 12:2

Ntasek antangkok malha nengammelhmo apnakha Jesús apto hengellaikamok nentaikamok mongeliaskeiam ma'a, apto nhan apsavheskeskaiakmo akvanekamok mongiaskeiam anak. Apvaskapme lhta m'a neksa akientalhnema neten iamet aktenneskama, niekhe qaselha henmankaskama m'a, koka apvaskapme lhta aniem'o nietnek akietnaikama apaqtek akpaihekha ta apvalhok apmanie, netamen koka m'a apnekho napokha akiennakha aptanema Eniapom Neten.

Hebreos 6:20

Aptalhnengvekho lhta nhan Jesús ma'a kakpota hengenmaieskeskakhak ma'a, aptemengvekho lhta nhan apiav'akha sacerdote malha aptemo lhnak nanek Melquisedec.

Hechos 5:31

Ka nhan aptemeskeskamo apto neten apankek ma'a, apneskekho nhan akieto akiennakha apoktong, kakpota nhan etneskesek apto Aplaqlekama niapom kakpota nhan Elvongkesek tep enenlhet'avok ko Israel. Kakpota eliaqmongkasekhak na mo'ok apvalho'ok, etneskesama apankek na meleliehekho apkellaskamakha m'a.

Lucas 24:46

lhnak aptemak: —Ka ntemak aklheianma Eniapom Neten apaivoma enietsepok hata Cristo, koka hanetolhem'a aknem hata ngkotnek apketsepma m'a, elhatekhangvomok hata mokhom, ka ntemak ania'a m'a.

Lucas 24:26

nkaimommalhkek na lhta Cristo ennangkoho akientalhnema amanie nema aktemeskeskama ta apientalhnemo pankek ma'a —lhnak aptemak ma'a.

1 Pedro 5:10

Koka apkelvaskapo la akiakvatakho nkek apkellengaiangko akientalhnema, eltemeskesek hata nhan apkelpeivomo Eniapom neten ma'a, eliennakteksek hata nhan, elteniaskesek hata nhan apiempeiok, ellangkok hata nhan apkeliangveiakmo aktemakha apkelvetai'a. Hai, etnek hata Eniapom Neten ma'a ngkanek avanhek apkellamelaiam ketlhengkap ma'a, apkeliekieskek na kakpota elpasengvomok aktakmelakha nkek nkotnengvaiam annelha apkelpasmekha Jesucristo.

1 Corintios 8:6

Koka neliavek ennengko'o vanlha lhema aphapak Eniapom Neten, apto nhan apkelentepkeskama lhamakho qaselha alhma nkek ham, nelloka nhan ennengko'o aniem'o apmopvana m'a. Neliavek na apnek lhema Apveske engankok apvesai'a Jesucristo, apto apmaikama Eniapom Neten apkellanei'o lhamakho qaselha alhma nkek ham, ennengko'o nhan,

Hebreos 7:28

Ka ley anak vanlha mota aliekieskama enenlhet meliennaktema kakpota etnek apiav'akha sacerdote, koka netamen ley anak akvai'o nhan lhema apaivoma lhnak nanek akto have niapak ankek aplheianma Eniapom Neten, aptemeskeskamo apiav'akha sacerdote Apketka apankek ma'a, aptemeskeskamo nhan apiamolhma apanke metka nnelha.

Efesios 3:10

Kolhva aniem'o iglesia alanai'a qaselha, nkolvetak hata kasekapo av'alho'ok alientalhnemo nke nak, aknema nak anmovanka'a, kanhan alveskaie, nkolvetak hata nema apiamo Eniapom Neten.

Apocalipsis 4:11

—Apveske kanhan Eniapom Neten engankok, nietavek ankek angeliavenkaskesok apvesai'a lheiap, ngkolhek na ak'o mota. Ietavek na elhkak apmopvana lheiap ngkanek apkelentepkeskama lhamakho qaselha aknaiangko nak lhma nkek ham, ngkanek apmahai'akha lhta etnek lheiap ma'a —lhta aptangkok metno apketko'ok ma'a.

2 Timoteo 2:10

Koka asvaskapmek neksa aslengaiangko akientalhnema kakpota nkoltaqmelek apkellangiemhaikama apkellelto nak apkeliekieskama Eniapom Neten, apkelvonkasemmap hata nhan tep, elvetak hata nhan qaselha altaqmelo m'a metka anmaskengvaiam aniem'o meliaskeiam Cristo Jesús.

Colosenses 3:4

Hai, Cristo apto apkeliennakteskama apnenio'ok ketlhengkap, hata apvaktamo ta mokhom hengke'e nkoieplevhok hata apkapommatema, apientalhnemo, ellangkongvatak hata nhan ketlhengkap ma'a.

Galatas 3:26

nnengkek hengeltemeskeskamo Eniapom Neten apketkak aniem'o mongiaskeiam Cristo Jesús.

2 Corintios 3:18

Ennengko'o nhan nnengkek hengel·hatsoskeskamo malha ietamopai'a nengelapma nengaqta'ak, malha nhan ennengko'o akto nak ieiam appok nelanei'o nak nenga'at, apkelvet'o la ieiam appok lhaiek apkelvet'ak na apiavai'a apankek Eniapom Neten ma'a, niavengkek na aklhamakho aknem nennekho m'a aniem'o Espíritu.

Romanos 9:23

Kanhan apmak'ak elvetaskesek akiavai'a nkek apkellamelaiam ietangvalhva apkelpeneskama lhta apkellanai'a lhennenga kakpota eniapiosek elanhoho.

Hechos 3:15

Alleniemai'o lhtoka ketlhengkap apmatnamo m'a apto niekhe apkelanai'a neniennaktema nak, Eniapom Neten koka nhan aplhatekhaskeiakmok ma'a, ennengko'o nhan nelvetaiangko m'a.

Apocalipsis 7:9

Netamen na m'a asvet'o lhta apentalhnema apanke enenlhet lhmankek ham, lhamakho aptemakha apkellavakha, aknema apkelpasmekha apketkak neptamen, natemma kanhan lhamakho aktemakha apkelpaqmeiasma. Aplhanie panke lhta enenlhet ma'a, mammopvana angelietsete lhta m'a, apkelanvakhe lhta m'a akieto naqtek aptanema apveske kanhan napaqtek Nepkesek Apketkok. Apkenmopai'a panke lhta nhan apkelentalhnema, kakpota nhan ietapa'ang apva'a apmeio'ok.

1 Pedro 5:1

Kolhva asmak'ak aleltennaksek metno apketko'ok anak apketlhengkeskeskama na mota apkaqnekha apieseksek anak ketlhengkap, ko'o nhan asto motno apketkok, asvetaiangko lhta nhan aplengaiangko Cristo, alhkak hata nhan qaselha altaqmelo akmo'o ta nkovak emanie nak.

1 Pedro 1:12

nkelvetaskeskangkek nak nanek ma'a mang koka elvetaiangkok ma'a, ennengko'o koka nenvanlha nak nelvet'a ie ania'a aktaqmanma nengvaiam tep anak. Hai, apkellengai'o nak ketlhengkap ania'a nak apkeleltennaikama aknema apkenmopvanka'a aniem'o Espíritu Santo nema apaskama aniem'o neten. ¡Ka nenvanlha nak akto aktaqmanma nkoie qaselha apkelvetaiangko nak ketlhengkap, akvakho niekhe nhan ángeles apkenmahai'a elpalhakvak ma'a!

Hebreos 7:26

Nietavek ankek ma'a Jesús apto apiav'akha sacerdote apkaimommakpo mota ennengko'o. Apto nhan apokkenammap, metka aptemengveiakmo lhma, apkalhnai'o nhan napaqtek Eniapom Neten, mevhanekho apkellanekamok ngkollatsekama enenlhet'avok, nemo akneskekho m'a netne kankoie neten.

Efesios 2:7

kakpota elvetak hata aplhamakho enenlhet'avok aktaqmanma nkek apkellanei'o Eniapom Neten, akiavai'a nkek apkelpasmoma apkellelto nak apkelpasmekha Cristo Jesús.

2 Corintios 6:18

atnekhak hata apiapma'ak ketlhengkap, etnangkok na ketlhengkap eietkak apkelennava'ak kanhan ngkelvana'ak», lhnak nanek aptemak Apveske apto vanlha lhema aphapak aknema apmopvana apanke'.

2 Corintios 5:18

aniem'o Eniapom Neten, apkapaskamo nhan apketka kakpota ellasekhaskesekhok mokhom ma'a. Netamen na hengellapaskama ennengko'o kakpota angellasekhaskesekhok enenlhet'avok kanhan Eniapom Neten.

2 Corintios 4:17

Nkomaskengvomok hata m'a nellengaiangko akientalhnema hengke'e nalhepop anak, nnek koka hengelpeneskaso kakpota ngkoitek akiennaktema enneniek akiav'akha nkek qaselha altakmanma m'a mankotnengvaianlha nnelha.

1 Corintios 2:7

Asketlhekmoskek ko'o asiangveiakmo aniem'o Eniapom Neten, nenianveiakmo nak malha lhnak nanek akposemmalhka ntemak tep nak nanek, amanie nema alentepkeskama qaselha lhmankek ham kakpota alhaiek hengeltemeskesek hata neten engankavek ennengko'o.

Juan 11:52

Have koka nhan vanlha enietsepok Jesús akiaqmoiekha apkennemolhema apankavek judios, koka nhan ma'a enietsepok kakpota eniankesekhok aplhamakho apkellelto Eniapom Neten apketkak apkakhangko lhma nkek ham.

Lucas 13:32

Apkatemmoikama lhnak Jesús ma'a: —Maleng ma'a Herodes, eleltennaskakha ta alentepkesek hata kasekapok av'alho'ok, altakmelkasekhak hata nhan anmaska apiempeiok aknem anak, sosekha kanhan mo'ok sosekha, netamen apenaksek hata asmakmekama. Alhong mokhom alhengama akieto Jerusalen, koka m'a aptekiomakha lhna mota apkeleltennasemmap ania'a m'a.

Lucas 2:14

—¡Eleltamok apientalhnemo Eniapom Neten akieto m'a neten! ¡Elvetak hata altaqmelaikama apvalho'ok apkellelto apkellamelaiam la m'a nalhepop anak! —lhna aptaiangkok ma'a.