Hebreos 13:4 - Nuevo Testamento Toba Maskoy

⁴ Eleliehekho ta mota apnaqteiangka'a, etlhengkes hata mota aktaqmanma nkek apkelpathetaikamo mota apnaqteiangka'a ngkanek eiekpelkok hata apkeltemakha Eniapom Neten apkellelto la apkellanaktema kanhan aptevaskama la aliemhapma.

Hebreos 13:4 Referans Kwoze

Galatas 5:19

Alhnakho nkek nenvetai'a qaselha aniem'o akiaspongkomakha nak engvalhok, ka kto nak nelanaktema, nenmensangveiam alhma', nelanai'a qaselha ngkolatsekama lhamakho.

Galatas 5:21

Neniasepkeskama emmo'ok, nentema anmen ato', nenpasenvaiam enenlhet'avok meliamolhma apienaikamok, melleskama etavangkok aptekamok, nlhaniek ankek qaselha ngkollatsekama alleniem'o m'a aliaspongkomakha nak engelvalho'ok. ¡Ellaho ta ketlhengkap, metlhokiek hata m'a aptemakha nak apveske Eniapom Neten apto la enenlhet apkelanai'a m'a qaselha ngkollatsekama nak!

1 Corintios 6:9

¡Ellaho ta m'a melietehek aptangkolha! Enenlhet la apkeltemengveiakmo lhma metnangkek hata apkennemolhema akieto nak aptemakha Apveske Eniapom Neten, apkellelto la apkellanaktema, apkeltakneskasekamok qaselha akiokha alanemmalhka, apnaqtevaskamo la aliemhapekamok, aptaikamok iama ngkelvana'ak, apkenmekha apkenno lheme', apkenmenielhaikamok, apkenmasmo qaselha apanko'ok, anmen ato'ok, apkeltaknevaikamaha, apkenmopvanka'a eliennengkesek po'ok. Ka lhamakho nak hengke'e metnangkek hata apkennemolhema akieto nak ma'a aptemakha Apveske Eniapom Neten.

Efesios 5:5

Koka apkellelto nak apkenmensangveiam alhma, apkelanai'a qaselha malha akpaiseiam, apvannaikamok na qaselha apanko'ok apteniai'a, apkeltakneskasekamok na qaselha akiokha allanemmalhka', metnangkek hata m'a apkennemolhema akieto nak aptaiangkelha apkelveskai'e Cristo kakpota nhan Eniapom Neten, have niapak anek astakha nak alheianma.

1 Timoteo 3:12

Lhema diacono ntasek etnek lhema aptava, eniapvanak na ellanama apketkak kakpota nhan apkennemolhema apankavek apnemakha.

1 Timoteo 3:4

Ntasek na etnek apmopvana ellanama apketkak kakpota nkotnangkok aleliehekho m'a,

1 Corintios 7:38

Apto la apmahai'a etenia aptava, ntasek na m'a, koka tep ankek na aktaqmanma enenlhet metka aptava nak.

Apocalipsis 22:15

Koka melentelhek hata m'a malha aptangko nak semheng, apkellelto nak na apkeliatmekama la apkeliolhma mellatsekama, apkenmensangveiam alhma, ntekioma niapma'ak, kanhan apkellelto nak apkelteklheikamok aptapno'ok naqtek qaselha akiokha alanemmalhka, alleklemo mota nhan apvalho'ok eliennengkesek po'ok.

Tito 1:6

Lhema metno apketkok la'a nkaimelhkek etnek metka la aplhenammap, kanhan lhema apak aptava, kanhan apketkak nkotnangkok mankoliaskeiam Eniapom Neten, altakmelkasemmalhkoho kakpota nhan mankotnangkek mankoleliehekho'.

1 Timoteo 5:14

Askeltavek ko'o atko'ok la lhentampak'a nkoliemhapekhak mokhom, nkolvetekhak atkak, nkollavanak na nkoltaqmelkesek nahan, netamen nkotno emmo'ok mankoimatkesama ta m'a lhentampak'a nak,

1 Timoteo 4:3

Ellaksek hata eteniangkok apnaqteiangka'a enenlhet'avok, ellaksek hata nhan etavangkok aptekamok moklhem'a nentomakha la'a, koka Eniapom Neten alhta niekhe apkellanai'a m'a lhamakho nentoma nak kakpota etavangkok apkellelto nak meliaskeiam, apkelioho nak akto have niapak anke, etnangkok na gracias Eniapom Neten.

2 Corintios 5:10

Hai, nenlhamakho ta lhma nkek ham angelanvakhak ma'a akieto m'a apkeliekpelkemelha nentaiangkolha Cristo, moklhem'a ta angetlhevangkok akianmoma aktemakha la nellanai'a ngkolatsekama, nlho ka la aktaqmanma neksa nellaniemhaikama hengke'e nalhepop anak.

1 Corintios 9:5

Nietavek na angeliantemok entava la Jesucristo aknemolhema nemmankolha la'a, ka aptaiangkolha lhta nha mota po'ok nema allapaskamo, kakpota nhan apkelialheng'a Apveske, ka nhan Cefas.

1 Timoteo 3:2

Ntasek etnek aktaqmanma aptemakha aplhengkeskama kakpota mankollapvankek enenlhet etlhenek apvesai'a m'a, vanlha nhan ntasek etnek lhema aptava, ntasek na eniapvanak enavaksek apvalhok apankek la'a, nkaimelhkek na nkolhenek apvalhok amanie apmak'akha la etnehek, etaqmelkasakpok nahan, emok na takha amaika'a la'a akieplomo akpaihekha apvalhok, apmopvana nhan etlhekmoksek po'ok.

Hebreos 12:16

Mellanamo nkek apkellanaktema ketlhengkap, melvannamankek na aktemakha nak apkellaikamok Eniapom Neten, malha aptemakha lhnak nanek ma'a Esaú apiaqmongkasekho lhnak nanek aptoma aptema m'a apteiam apmanie'.

1 Corintios 6:18

Enieniamo ta m'a naqtek nelanaktema nak, ngkanek apnaqtevaskama apankek apkeliokha aniem'o m'a, mangkolhnok aklhamakha nak ngkollatsekama apkellanekamok mankonaqtevaskasak apkeliokha nak ma'a.

1 Tesalonicenses 4:6

Menaqtevaskamanke lhma, meliennengkes na po'ok aktemakha m'a qaselha ngkolatsekama lhkek, nellaskangke lhta ennengko'o m'a akiavai'a nkek la apiaqmongkasekhak Apveske.