Hebreos 13:2 - Nuevo Testamento Toba Maskoy

² Eltaqmelkaso ta nhan apkenmaikamok takha aptaikamok la amaika'a apkakhaiangkelha. Kotlheianvakho ta mota apvalho'ok moklhem'a lhnak apkenmaiangkok takha ángeles neksa meliamo m'a.

Hebreos 13:2 Referans Kwoze

Romanos 12:13

Etnamo ta mota apkenmahai'o elpasmok apkelpokkenammap metka nak apkelletsekama, enmamok hata mota takha amaika'a apankok la'a.

1 Pedro 4:9

Eniaqhes hata nhan akiakvatakho apkakhaiangkolha apieseksek anak ketlhengkap amaika apankok la'a metka nhan aptepkesaikama apvesai'a m'a.

Tito 1:8

Koka ntasek etne mota apmama takha amaika'a apankok la'a apnemakha, elanak na qaselha altaqmelo, apmopvana akietnaikama apaqtek, apeivomo, apiamolhma apanke' kakpota nhan aptaqmelkasemmakpo apanko ie'.

1 Timoteo 5:10

kanhan apketlheianma la enenlhet alanai'a qaselha altaqmelo, ka kto nak altakmelkeskama la atkak, kanhan aktaqmanma mota anmaikamok takha amaika'a, alienieskeskama nhan apmanko'ok apkellelto nak apkelpokkenammap, alpasmoma mota apkellengaiangko akientalhnema, allelto lhta nhan allanekamok lhamakho aktemakha qaselha altaqmelo.

1 Timoteo 3:2

Ntasek etnek aktaqmanma aptemakha aplhengkeskama kakpota mankollapvankek enenlhet etlhenek apvesai'a m'a, vanlha nhan ntasek etnek lhema aptava, ntasek na eniapvanak enavaksek apvalhok apankek la'a, nkaimelhkek na nkolhenek apvalhok amanie apmak'akha la etnehek, etaqmelkasakpok nahan, emok na takha amaika'a la'a akieplomo akpaihekha apvalhok, apmopvana nhan etlhekmoksek po'ok.

Romanos 16:23

Nlhenkek apvalhok ketlhengkap hengke'e Gayo apto apnemakha asnema, apkaqnekhelha nha mota iglesia hengke'e. Nlhenkek na apvalhok ketlhengkap apto apkeltakmelkeskama patakkom apkellavakha nak hengke'e apvesai'a Erasto. Ka nhan apkapasak aklheianma apvalhok hengke'e enialheng anak apvesai'a Cuarto.

Hechos 16:15

Netamen alhta akno aklavkeso konne iemmen kakpota nhan lhamakho aknemolhema, lhta ntak hengellano aioselhko m'a: —Atlheno la apvalho'ok ketlhengkap asto ko'o have niapak moi'askeiam Apveske, ntasek eniakhengvakhak asnemakha —lhta ntak hengellano. Hengelienlhanakmave lhta ngkelvana lhta m'a akvakmo lhta nellasekhangvakmo nhan ennengko'o.

3 Juan 1:5

Eialheng askasekhai'o, ntasek ankek aptemakha nak lheiap apasmoma mota apkelialheng'a, neten aktaqmanma nhan ma'a apasmomo apkelleniem'o mo'ok nekha.