Hebreos 13:1 - Nuevo Testamento Toba Maskoy

¹ Etlhengkes hata mota apkellasekhammakpo apankavek apieseksek anak ketlhengkap ham, malha aptonak apkelialheng'a apankavek la'a.

Hebreos 13:1 Referans Kwoze

1 Juan 4:20

Apto la enenlhet aplheianma mota apkasekhai'o Eniapom Neten, koka aptaqnevakke mota enialheng la'a, apmopvana ania'a m'a. Apto la enenlhet apvetai'a mota enialheng man koka eniasekhak ma'a, mankapvankek na eniasekhok Eniapom Neten ma'a nkanek meta'ak ma'a.

1 Pedro 3:8

Hai', ka m'a, ¡mellaskesap ankek ame' apieseksek anak ketlhengkap! Elhneso ta mota nhan atlhenaikama apvalho'ok po'ok la'a, ellasekhakpo malha apkelialheng'a apankavek la'a, etnamok hata nhan apkeliamolhma kanhan nalhep'avek apvalho'ok.

1 Pedro 1:22

Kolhva koka ketlhengkap malha alalhnai'o apvalho'ok aniem'o apkeleliehekho ania'a akto have niapak anke, apvanka'ak na ellasekhok apkelialheng'a iokhalhmek ankek. Hai, ellasekhakpo mota apankavek ketlhengkap

1 Pedro 2:17

Eltaqmelkaso ta apkellanei'o po'ok, ellasekhakpo nhan apieseksek la apkelialheng'a, ellaho ta nhan Eniapom Neten, kanhan apiav'akha apveske la'a.

Hebreos 10:24

Angeliatalhkak nelasekhammalhko kakpota angellanangkok qaselha altaqmelo.

2 Tesalonicenses 1:3

Ketlhengkap Elialheng'a, nietavek antangko mota gracias Eniapom Neten ngkanek ngvaneniek meliaskeiam anak ketlhengkap lhamakho aknem, ngvaneniek na apkellasekhammakpo apieseksek anak ketlhengkap ham.

1 Pedro 4:8

Ellasekhakpo ta mota apankavek apieseksek anak ketlhengkap, enenlhet apto la m'a apkasekhekho po'ok, melan'ok na aptakha po'ok aptevaskai'a la m'a.

Galatas 5:22

Koka qaselha aptepkeskama Espíritu alvesai'a nengasekhai'o, akpaihekha engvalhok, aktaqmelaikama engvalhok, have nav'a envahek nelloma, antangkok akmomhape engvalhok, neniamolhma, mongiaskeiam,

Galatas 5:13

Apkellavekama lhta Eniapom Neten ketlhengkap elialheng'a kakpota etnokhak metka apkenmammap, koka menmamankek metka apkenmammap anak kakpota ellanangkok qaselha ngkollatsekama mokhom, ntasek koka elpasmo mota po'ok la'a aniem'o apkellasekhai'o.

Apocalipsis 2:4

Lhema qaselha koka mankoleklemo evalhok apkelanai'a lheiap, apkelvateskakmek heiamelaiam mangkolhnok ma'a sekhe anke lhta.

1 Juan 3:23

Ka hengke'e apkanemakha nak antangkok Eniapom Neten: Mangeliaskamek apvesai'a Apketka Jesucristo, kakpota nhan angellasekhalhkok na nenieseksa nak ennengko'o ngkanek apkanemakha antangkok ma'a.

Galatas 5:6

Koka apkelpasmakho la Cristo Jesús, mmaskek aktaqmelo m'a akiaqtemenammalhka nak nekhatkok nengammelhakha nlho ka la m'a, vanlha nkaimelhkak nkoitek mongiaskeiam anak kakpota nkotepkesek nengasekhai'o nak emmo'ok ma'a.

Juan 15:17

Alhenekhok hata mokhom, ¡ellasekhakpo ta mota apieseksek anak ketlhengkap! —lhta aptak Jesús.

Efesios 5:2

Ellasekho nhan po'ok ka aptemakha nak Cristo hengellasekhai'avek ennengko'o, apkaiangkave panke lhta nhan kakpota hengeltaqmelkeskesek nellaniemhaikama m'a, malha aptemak ma'a qaselha nengaikamok anak Eniapom Neten, kanhan malha nentoskama nak akvanlhemmalhka aktapeiam anak aimes akleklemelha apvalhok Eniapom Neten.

Efesios 4:3

Elienlhanmamok hata mota aptaikamok apkelpasmommakpo aniem'o Espíritu aniem'o nhan altaqmeliakama apvalho'ok anak.

Hechos 4:32

Apkelpasmekhek nak lhamakho qaselha apanko'ok apkellelto meliaskeiam, mamma lhnak na atlheianma la apvalho'ok qaselha apanko'ok apankavek la'a, aknemo mo'ok nak na apvalho'ok ma'a.

Hechos 2:1

Ngvaiakmek nak aknem aktaqmelaiangkelha lhma akvesai'a Pentecostes ma'a, apkaqnekhek nak aplhamakho apasmekho m'a.