Hebreos 11:8 - Nuevo Testamento Toba Maskoy

⁸ Mang nak nanek na ei'askeiakmok Abraham aktemakha apaivoma Eniapom Neten apkanemo apkeltemo etiepok apnemakha m'a apkeltemo emhangkok mo'ok iokhalhma. Koka aplhengangkek noka apanke' neksa meihamo iokhalhma m'a.

Hebreos 11:8 Referans Kwoze

1 Pedro 1:22

Kolhva koka ketlhengkap malha alalhnai'o apvalho'ok aniem'o apkeleliehekho ania'a akto have niapak anke, apvanka'ak na ellasekhok apkelialheng'a iokhalhmek ankek. Hai, ellasekhakpo mota apankavek ketlhengkap

Romanos 10:16

Koka have aplhamakho apkelleliehekho ania'a aktaqmanma, lhna ntemak na aktalhesammalhka vakkahak Isaias: «Apveske, apkanetek enenlhet aptaikamok meliaskeiam aktemakha netlheianma», lhna aptemak apkeltennasemmap ania'a Isaias.

1 Pedro 4:17

Ngva'ak aknem akientalhnema nkek nemakha aliekpelkemelha nentaiangkolha ennengko'o nengelelto nak Jesucristo apkennemolhema, koka tep ankek hato ka nkotnek ma'a akientalhnema nema aliekpelkemo aptaiangkolha apkellelto nak meleliehekho' ania'a aktaqmanma aniem'o Eniapom Neten.

Hebreos 11:33

Apkel·hatsoskasekhe lhnak nanek lhepop apanko'ok po'ok enenlhet ma'a aniem'o meliaskeiam ma'a, apkellanei'o nhan aptaikamok apkelpeivomo. Apkelienlhanmeiangko mota apteniaiangko apiempeiok akvakmo apkelvetangvakmo qaselha aplheianmo lhnak nanek Eniapom Neten ellangkok hata m'a. Apkennaveskamo lhnak nanek na iama kmeiva kakpota mankotavankek ma'a aniem'o lhnak nanek na meliaskeiam ma'a.

Romanos 6:17

Lhennenga lhta ketlhengkap allasennaikama nema apkelianmoma ankok ngkollatsekama, kolhva koka apvanka'a eleliehekhok hengetlhekmoskama aktaqmanma apketlhevai'a lhta aniem'o apkelpasmoma Eniapom Neten.

1 Pedro 3:1

Ketlhengka' ngkelvana'ak koleliehekho ta mota anakteiangka'a. Apno la atava' metno Jesucristo apnemolhema koliehekho ta nhan ma'a kakpota etnengvomok na Jesucristo apnemolhema aniem'o apvetai'a aktakmelkasemmalhko aptava, mankaimelhkak akiatekamok la enialhok ania'a aktaqmanma,

Hebreos 5:9

Ka nhan aptemo apenesammap apmopvanko nhan aptemo apkelvonkeskama tep mankotnengvaianlha nnelha aplhamakho apkellelto la apkelleliehekho m'a.

2 Corintios 10:5

Apmopvana nhan enaqtevaskesek akpaivoma akmovana ania'a akmahai'a la nkoiennenkesek enenlhet, apmopvana nhan enaqtevaskesek apkelammakpo apankavek enenlhet'avok apkeliasekamo na lhma enenlhet apkenmahai'a nak eliekpelkok Eniapom Neten. Apvankek na eliaqmongkaskesekhak alketamekama apvalho'ok apkellammelhma la Cristo, eltemeskasekhak atlhenaikama apvalho'ok eleliehekhok Cristo m'a.

Romanos 1:5

Jesucristo hetaqmelkeskeskama askaniemhaikama ngkanek hetneskeskamo heiapaskamo mota kakpota apaiaksek ania'a aklhenammalhka apvesai'a apieseksek metnangko nak judios. Ketlhengkap nahan romanos apkelpalhkammap apieseksek anak ham, kakpota meliaskamek, eleliehekhok nahan, etnangkok hata apkennemolhema apkelpokkenammap.