Hebreos 11:35 - Nuevo Testamento Toba Maskoy

³⁵ Moklhem'a ngkelvana'ak lhnak nanek na nketlhevekhak atkak apkeletsepma m'a apnaklhatekhangveiam aniem'o lhnak nanek na nkoliaskeiam. Moklhem'a lhnak nanek na nnemak aknaqtevaskamo m'a aniem'o meliaskeiam, mang nak nanek na eleltemo niekhe ngkolhek al·hatsoskakho m'a ngkanek apkeliamavek niekhe eletsepok hata kakpota enaklhatekhangvomok mokhom elvetangvomok na aktaqmanma apkellangiemhaikama m'a, mankolhno hengke'e nalhepop anak.

Hebreos 11:35 Referans Kwoze

Filipenses 3:11

netamen hata nhan ma'a alhatekhangvomok mokhom ko'o m'a, koka moihok aktemakha ta m'a.

Hechos 9:41

Ka apmamo lhnak amek Pedro m'a, apkenengkasekho lhnak neten, apkellaveiangka nhan apkellelto apkelpokkenammap ma'a kakpota nhan lhentampak'ak, apkelvetaskeso aktaiekha alhnankok mokhom Tabita.

Hechos 24:15

Al·halhnekama evalhok atak hata Eniapom Neten enaklhatekhaskamok enenlhet'avok apieseksek apkenmaskengvaiakmo, apkellelto nak apkelpeivomo kanha melpeivomo. Ka enenlhet'avok anak fariseos meliaskeiakmok na alheno nak.

Hechos 23:6

Nlheianvekhek na lhta apvalhok Pablo apieseksek apkelemhama apmaniaie' apkakhaiangko m'a moklhem'a saduceos kakpota nhan fariseos. Ka apiennakteskamo lhna lhta apaivoma Pablo m'a akieto apkaknaiankolha apkelientalhnakha apkelveskaie, lhna lhta aptemak: —Elialheng'a, ko'o asto nhan Fariseo akvakho askellokha nemmalhka, apkenmak'a mota hetlhenek aselhnanemmalhka ngkanek al·halhnekama evalhok atak hata nennaklhatekhangveianlha apieseksek apkenmaskengvaiakmo —lhna lhta aptemak.

Hechos 22:29

Apkellengai'ak nak ania'a apkellelto lhna lhta apkenmahai'a eltekpoma Pablo, ka apkelieniekho nhan ma'a. Apkenmenai'ak na lhta nhan apveske ngkanek apkeltemo lhna lhta ngkolhek aknakteto apmeiok nonemaie cadenas Pablo m'a, ngkanek apto romano m'a.

Hechos 4:19

Koka apkellatemmoiangka lhnak Pedro kakpota nhan Juan, lhna aptaiangkok: —¿Se lha atlheno apvalho'ok ketlhengkap aktaqmanma angelanak napaqtek Eniapom Neten? ¿Ntase ie angeleliehekho ketlhengkap, nlho ka la Eniapom Neten, he?

Juan 5:29

enaklhatekhangvomok hata nhan ma'a. Koka apkellelto lhta apkellanekamok qaselha altaqmelo neksa aptaikamo lhta aphalhnanko'ok, etlhevangkok hata aliennaktema apnenio'ok ma'a. Koka apkellelto lhta apkellanekamok ngkolatsekama, ngkolhek hata akiaqmongkasakho apkeltemakha m'a.

Lucas 14:14

Ka enenlhet'avok anak ma'a mankollapvankek eliaqmongkasekha lheiap apkellanema la'a eltasemok, koka aktaqmelakho nke ta nkotnek lheiap akvo'o ta aknem apnaklhatekhangveianlha apieseksek apkenmaskengvaiakmo apkellelto apkelpeivomo, hata nhan nkotaqmelek lheiap ma'a —lhnak aptemak Jesús apkanemo apto apankok ma'a.

Marcos 12:25

Hata akvo'o ta aknem nennaklhatekhangveianlha apkelennava'ak, ngkelvana'ak, mankoliemhapokhek hata m'a, malha ángeles hata etnangkokhak ma'a.