Hebreos 11:33 - Nuevo Testamento Toba Maskoy

³³ Apkel·hatsoskasekhe lhnak nanek lhepop apanko'ok po'ok enenlhet ma'a aniem'o meliaskeiam ma'a, apkellanei'o nhan aptaikamok apkelpeivomo. Apkelienlhanmeiangko mota apteniaiangko apiempeiok akvakmo apkelvetangvakmo qaselha aplheianmo lhnak nanek Eniapom Neten ellangkok hata m'a. Apkennaveskamo lhnak nanek na iama kmeiva kakpota mankotavankek ma'a aniem'o lhnak nanek na meliaskeiam ma'a.

Hebreos 11:33 Referans Kwoze

Hebreos 10:36

Elel·halhen hata metka apkelpekheskama ellanangko mota nhan apkellanemakha etnangkok Eniapom Neten, netamen etlhevangkok hata qaselha apeneskamo lhta aplheianma ellangkok hata m'a.

Galatas 3:16

Lhnak nanek na aptemak Eniapom Neten ma'a apeneskamo aplheianma lhema apaivoma nkovak hata takhaplhet Abraham kanhan aptaven neptamen, have aplheianmo m'a aplhamakho aptavana'ak anak, vanlha lhema, lhna aptemak: «Lheiap aptaven», lhna aptemak ma'a. Koka m'a Cristo.

1 Pedro 5:8

Amanie la apkenmahai'a ellanangkok qaselhaha, nkaimelhkek nkolketmok apvalho'ok sekhe, elketnamok hata nhan ngkanek mankotno emmo'ok aveske keliaqhameio' nloka motaha malha aktonak akmeiva la'a akielhaivekamaha akteniai'a mota akmak'akha la nkotvok akiokho nkoie.

Hebreos 11:17

Mang nak nanek na ei'askeiakmok Abraham lhna nkeniemai'ak apiantamo apketka Isaak kakpota eniaqhe niekhe m'a, eniangkok na Eniapom Neten neksa apiepkonma m'a. Hai, apkeltemavek nak nanek eniangkok apketka lhema aphapak apankek Abraham Eniapom Neten ma'a neksa apiamo lhnak nanek niekhe Abraham Eniapom Neten eniangkok hata qaselha apeneskamo lhnak nanek apaivoma m'a,

2 Timoteo 4:17

Apveske lhtoka hepasmoma, heiaiangko nhan asiennaktema kakpota apaiaksek aklhamakho nkek ania'a aktaqmanma napaqtavek na aplhamakho metnangko nak judios, hevongkeskanke lhta nhan tep malha lhta ntemak iama akmeiva nak akmahai'a heiaqhek ma'a.

Santiago 2:18

Kelha etnek la lhema enenlhet hengke'e: "Nietnek ko'o moi'askeiam". Kelha etnek na po'ok heng: "Ko'o koka askelan'ak qaselha altaqmelo". Ko'o koka stak askellano: "Mangellanengko la qaselha altaqmelo, man na nkoietnak mongeliaskeiam ma'a ngkanek ngvetalhkek mangiaskeiam anak neksa nellanai'a la qaselha altaqmelo".