Hebreos 11:16 - Nuevo Testamento Toba Maskoy

¹⁶ Koka apkelleltemavek nak nanek elvetak mo'ok apkellavakha akieto m'a neten, ka ngkanek akhaiangka lhnak nanek na apvalhok Eniapom Neten ma'a aptemo apveske apanko'ok, apkelpeneskeskamo nhan lhema apkellavakha m'a.

Hebreos 11:16 Referans Kwoze

Hebreos 13:14

Ngkanek nengavakha nak hengke'e nalhepop anak nkomaskengvomok hata m'a, nkelatseskaskek engelvalhok ennengko'o apiav'akha temma ta m'a.

Hebreos 11:10

Koka apiamavek nak na noka Abraham eloka ta m'a apiav'akha temma apto koka Eniapom Neten apeneskamo aklhenaikama apvalhok, apkelanei'ak koka m'a temma nak takhalhet avhok aliennaktema nkoie'.

Filipenses 3:20

Ennengko'o koka nellavakha neten, avanhek ankek hata ngkotnek nelel·halhanma neltemo elhiemok apto hengelvongkeskama ta tep, apto nhan apveske engankok Jesucristo.

Juan 14:2

Avanhe lhma apnakha Tata, aniakhak hata ko'o m'a alpeneskasok hata apkakhaiangkelha ketlhengkap ma'a, have niapak ankek ma'a. Netamen avatamok hato ka mokhom kakpota alaqlosengvatak ketlhengkap ham, hata angaqhengvakhak ma'a.

Hebreos 2:11

Aplhamakho apkellelto nak apkelpokkenammap, kanhan apto lhta nhan apkelanai'a apkelpokkanma, vanlha nhan lhema apkeliapom apkelpasmekha, ka ngkanek Eniapom Neten Apketka memangkek eleltangkok apkelialheng'a.

Hebreos 12:22

Ketlhengkap koka mok aktema apkelvetai'a m'a, apkelteteskaiakmo nalhma akhaiam Sion, apiav'akha temma apankok Eniapom Neten apto menietsepma, apvesai'a Jerusalen apkeniem'o neten. Apkaqnekhe mota apentalhnema ángeles ma'a kakpota eltakneskasangkok Eniapom Neten.

Hebreos 11:14

Hai, have niapak ankek apketlheianmek nak nane mota m'a malha amaika'a ngkanek apkelleliaikama lhnak nane mota apkellavakha apanko'ok apankavek la'a.

2 Timoteo 4:18

Hevongkesek hata nhan tep emanie nak neksa akvai'a maniamolhma, heiantemekhak hata nhan ma'a akieto neten aptemakha nak Apveske m'a. ¡Antangko ta mota gloria Apvesai'a m'a metka akvaiam annelha aliekaikamok iantelhkapa! Amen.

Marcos 8:38

¡Ellailhono! Menmangkankek hetlhenek ko'o apkelvakho ta napaqtavek enenlhet apkellanekamok anak ngkollatsekama kanhan apkelleliasepkasekama nak. Koka apkenmangko la hetlhenek asvesai'a ko'o, Enenlhet Apketka nak emangkak hata nhan etlhenek apkelvesai'a ketlhengkap apvaktamo ta akieplomo apmopvana apkaikamok aniem'o Apiapom ma'a, ángeles apkelpokkanma hato ka apketlhelhma'ak ma'a —lhna aptemak.

Hechos 7:32

"Ko'o asto nak Eniapom Neten apanko'ok apkelieihengka'a lheiap, Abraham, Isaak, kakpota nha Jacob", lhna aptemak. Apkelpelhiennongkek nak apkai'a Moises ma'a, man na nkomahai'ak elhengkesek apkelanei'o m'a.

Lucas 12:32

—Mankoliet ankek apkellai'a ketlhengkap apkellelto nak helieplekama, apkanet apanke niekhe ketlhengkap, koka Apkeliapom anak hata eltemeskesek apkelveskai'e apkelpasmekha m'a aniem'o apiamolhma m'a.

Marcos 12:26

Kolhva smak'ak alpeiveskasekha aktemakha nennaklhatekhangveiam neletsepo la'a. Kotlheianvakho ta nhan apvalho'ok ania'a aktalhesammalhka vakkahak apankok Moises, aktemakha alaivomo lhnak nanek iamet atkok ma'a, ka apaqmetkeskamo lhnak na nek na Eniapom Neten Moises ma'a: «Ko'o asto apiapma'ak apkelieihengka lheiap Abraham, Isaak kakpota nhan Jacob», lhnak na nek aptemak.

Lucas 20:37

Kotlheianvakho no apvalho'ok ania'a iamet atkok lhnak nanek aleivomo, aplheianmo lhnak nanek Eniapom Neten apto apveske apankok Abraham, Isaak kakpota nhan Jacob annenga. Koka hengka ntasek nkotlheianvakho mota engelvalho'ok have niapak ankek nennaklhatekhangveiam hata apieseksek apkenmaskengvaiakmo.

Hebreos 10:34

Apkelietnai'ave lhta nhan napaqta'a aplhatmommap la'a, nkelpaihekhe lhta nhan apvalho'ok neksa nemo al·hatsoskeskama qaselha apanko'ok ngkanek apkeliavek ketlhengkap nnaiangkek qaselha apanko'o metka akmaskengvaiam ma'a neten.

Hebreos 11:40

ngkanek nietnengkek nak nanek ma'a lhema aklheianma apvalhok elanak hata m'a. Aplheianmo lhnak nanek na apvalhok elailhek sekhe kakpota eltemeskesek apkeliamolhma apankavek m'a nelpasmekha ennengko'o lha.

Apocalipsis 21:2

Asvet'a lhta nhan akvaivantamo natemma akpokkenammalhka aniem'o neten, akietnemo lhta m'a napokha Eniapom Neten, alhnankok Jerusalen alhto ka akvesai'a m'a. Apkeltase lhta aktalhnema kanhan annatanma malha kto nak ngkelvana alailhema akmahai'akha la'a.