Hebreos 1:9 - Nuevo Testamento Toba Maskoy

⁹ Lheiap akleklemo apvalhok qaselha altaqmelo, aptaqnongkoma koka qaselha ngkollatsekama nak. Ka nkeniemai'ak apkeliekieskamo Eniapom Neten apto apveske apankok lheiap apieseksek apkeltemo lhemek la'a, apiangkanmo nhan apietseksek aceite akto aikamok akpaihekha apvalhok, koneng ankavek ma'a apkeltemo lheme nak».

Hebreos 1:9 Referans Kwoze

Galatas 5:22

Koka qaselha aptepkeskama Espíritu alvesai'a nengasekhai'o, akpaihekha engvalhok, aktaqmelaikama engvalhok, have nav'a envahek nelloma, antangkok akmomhape engvalhok, neniamolhma, mongiaskeiam,

Romanos 15:13

Hai, Eniapom Neten apto niapom al·halhnekama engvalho'ok angvetak aktaqmanma, ellangkok hata alpaihekha apvalho'ok kakpota nhan altaqmelaikama apvalho'ok apkellelto nak meliaskeiam apvesai'a m'a, ellaneskasangkok hata nhan apvalho'ok alel·halhnekama elvetak hata aktaqmanma aniem'o Espíritu Santo apmopvana.

Lucas 4:18

«Espíritu apankok Apveske apnak tekhelhet ko'o, apiangkenkek aceite ankok epatek ko'o heliekieskama kakpota atsavkesek ma'a ania'a aktaqmanma metka nak apkeletsekama. Heiapaskek na kakpota altaqmelkeskamok apkellelto nak aknaqtevasekha nkek apvalho'ok. Kanhan aleltennaksek ania'a aktemakha nema alpaqnemekha apkellelto nak apkenmammap, altaqmelkasekhak na metka nak apaqto'ok, al·hatsoskakhak na apkellengaiangko nak akientalhnema.

1 Juan 1:3

Hai, netlheianme mota aktemakha lhta nenvetai'a, nellengai'a nhan, kakpota ketlhengkap hengelpasmekhak ennengko'o m'a, ka ktemo nak ennengko'o hengelpasmekho Eniapom kanhan Apketka Jesucristo.

1 Pedro 1:3

Angeliavenkaskesama ta apvesai'a Eniapom Neten apto apiapom apveske engankok Jesucristo ngkanek apietnai'avek nengaqta'a ennengko'o m'a, hengeltemeskesekho nhan malha la nempalleiam alhnankok aniem'o nhan aplhatekhangveiam Jesucristo. Kolhva nhan nnaiangkok ennengko'o alel·halhnekama engelvalho'ok have niapak anke

Hebreos 7:26

Nietavek ankek ma'a Jesús apto apiav'akha sacerdote apkaimommakpo mota ennengko'o. Apto nhan apokkenammap, metka aptemengveiakmo lhma, apkalhnai'o nhan napaqtek Eniapom Neten, mevhanekho apkellanekamok ngkollatsekama enenlhet'avok, nemo akneskekho m'a netne kankoie neten.

Filipenses 2:9

Ka nkeniemai'ak etneskesek Eniapom Neten neten apankek ma'a, apteniaskeskamo nhan apvesai'a neten ankek apiaspommap ma'a apieseksek aplhamakho enenlhet'avok,

Efesios 1:3

Asiavenkaskesama mota apvesai'a Eniapom Neten apto Apiapom Apveske engankok Jesucristo, ngkanek apkellaiangko ngkeskama qaselha altaqmelo aniem'o Espíritu aniem'o nhan neten kakpota hengeltaqmelkeskesek engvalho'ok aniem'o nelpasmekha mota Cristo.

1 Corintios 1:9

Eniapom Neten apto apkeliekieskama ketlhengkap kakpota etnangkok apkelpasmekha apketka Jesucristo apveske engankok, apieplavkaske mota nhan aktakha la apaivoma aplheianma m'a.

Juan 20:17

koka Jesús lhna lhta aptemak apkanemo: —Mma', manghemangva', movakhak mokhom ko'o apnakha Tata. Koniakha koka koleltennaskakha askeltamesaikamok alhta, aniakhak hata apnakha Tata, ka Apiapma'ak na m'a, Eniapom Neten ehenkok, Eniapom Neten apanko'ok na m'a —lhna lhta aptemak.

Juan 1:41

Apkelientemongkasave lhta apmeiekha Andres apiantengvakho nhan apialheng Simon, lhta aptak apkano: —¡Nelvet'ak lhek Mesias ha'e, mo'ok nema altema koka Cristo! —lhta aptak.

Apocalipsis 2:15

Kanhan mankoleklemok evalhok apkenmamo takha lheiap apkellelto nak mankonmahai'ak elvatesangkok hengetlhekmoskama Nicolaitas, astaqnevakkek ko'o m'a hengetlhekmoskama nak.

2 Corintios 11:31

Eniapom Neten apto apiapom Apveske engankok Jesús, nietavek aniavenkaskesama apvesai'a m'a, apiavek na motnema asmopvana ania'a alheno lhkek.

Romanos 12:9

Ellasekhakpo metka apkeliennengkeskama po'ok, eltakneva' qaselha ngkolatsekama, elelieplavkes koka mota ellanangkok qaselha altaqmelo.

Hechos 10:38

Ka aptemo lhta malha apiangkanma Eniapom Neten takhaplhet Jesús ko Nazaret Espíritu Santo m'a kanhan apmopvana. Apto lhta nhan apkeltakmelkeskaiam apkellelto anmaikama aveske keliaqhameio', apkelanei'o lhta nhan aktaqmanma aniem'o aplhelhma mota Eniapom Neten.

Hechos 4:27

Hai, nelvetai'ak alhta ennengko'o m'a Herodes, Poncio Pilato, metnangko nak judios kakpota nhan israelitas apkakhaiangko nak hengke'e temma nak apkellammelhma m'a apkasennaikama lheiap apvesai'a Jesús, apto apokkanma lheiap, apto lhta nhan apkeliekieskama lheiap.

Juan 3:34

Apto apkapaskama Eniapom Neten aplhengke mota aptakha apaivoma m'a, ngkanek apkankek na aplanei'o apvalhok Espíritu m'a.

Hebreos 2:11

Aplhamakho apkellelto nak apkelpokkenammap, kanhan apto lhta nhan apkelanai'a apkelpokkanma, vanlha nhan lhema apkeliapom apkelpasmekha, ka ngkanek Eniapom Neten Apketka memangkek eleltangkok apkelialheng'a.

Juan 10:17

Heiamelaiam Eniapom ngkanek aieniok hata asiennaktema kakpota netamen amekhok mokhom ma'a.

Hechos 4:26

Apkaknekho nhan ma'a apkeliav'akha apkelveskaie lhma nkek ham kakpota nhan gobernadores, apkelmaleniosemmakpo apkenmahai'a elammelhek Apveske kakpota nhan apto apkeliekieskama Cristo».

Hebreos 2:9

Nne lhta nhan aktepkeso Jesús hengke'e ketse lhtoka nhan koneng apientalhnemo melhnemok ángeles, iakvatakho lhtoka m'a. Kolhva koka neliavek ma'a nlanei'avek apientalhnemo kanhan nemo ai'o aniem'o lhta apketsepma. Hai, apkeliekieskek Eniapom Neten kakpota enietsepok ennengko'o hengeliaqmoiekha aniem'o aktaqmanma nkek hengellanei'o.