Hebreos 1:2 - Nuevo Testamento Toba Maskoy

² Koka apkaktengaikamok nenvanlha nak, ketse nkaimelhkak aktemongvaianlha ta nnelha aknem lhmankek ham, aplheianmo nhan ma'a aniem'o Apketka apanke', apto lhnak nanek na apmaikama apkelanei'o lhamakho qaselha lhmankek ham, apkellaikokho aptemeskeskamo nhan apanko'ok lhamakho qaselha lhmankek ham.

Hebreos 1:2 Referans Kwoze

1 Corintios 8:6

Koka neliavek ennengko'o vanlha lhema aphapak Eniapom Neten, apto nhan apkelentepkeskama lhamakho qaselha alhma nkek ham, nelloka nhan ennengko'o aniem'o apmopvana m'a. Neliavek na apnek lhema Apveske engankok apvesai'a Jesucristo, apto apmaikama Eniapom Neten apkellanei'o lhamakho qaselha alhma nkek ham, ennengko'o nhan,

Juan 1:3

Apkellanei'akhasekha lhnak na nek lhamakho qaselha Eniapom Neten apmaikama lhnak ma'a Apaivoma kakpota elanak na m'a. Man nak elanai'a qaselha Eniapom Neten metko nlho apmaikama Apaivoma nak ma'a.

Juan 1:14

Apaivoma nak aktaiekho lhnak enenlhet apanke, apnengke lhta nhan nenieseksa ennengko'o m'a. Nelvetai'a lhta nhan apmopvana ka nhan apientalhnemo ngkanek apto lhta vanlha lhema Eniapom Neten Apketka m'a, akiavai'a nke lhta hengamelaiakmo kanhan akto iokhalhmek ankek ma'a.

1 Pedro 1:20

Tep nak nek Eniapom Neten apeneskamo aklhenaikama apvalhok eniapaksek hata Cristo, mellaneiakha lhnak lhamakho qaselha lhmankek ham, koka nenvanlha nak apvai'ak ma'a kakpota hengeltaqmelkeskesek nellaniemhaikama, ketsek na nkaimelhkak aknem aktemakha ta nnelha.

Hebreos 11:3

Aniem'o nhan mongiaskeiam anak neliangveiakmo ennengko'o apkellanei'o Eniapom Neten qaselha lhmankek ham aniem'o apaivoma alentepkeskama, lhamakho qaselha nelvetai'o nak alleniemai'o m'a mongelvetai'akha.

Juan 3:16

Avanhek ankek apkellamelaiam Eniapom Neten enenlhet'avok alhma nkek ham, ka ngkanek eniapaksek lhema phapak apanke' apketka kakpota melhnanme' apkellelto la meliaskeiam ma'a, ngkoitek hata nhan aliennaktema apnenio'ok mankotnengvaianlha nnelha'.

Hebreos 5:8

Niekhe aptema Apketka apankek ma'a nkaqhok koka aplengaiangkek akientalhnema, ka nkeniemai'ak aptemo apkeliehekho mota Eniapom Neten.

Efesios 1:10

Apeneskamo lhnak nanek apkelanekha aptakha, nkovak hata aknem akietemo nkek aplheianmakha aptemeskeskama apveske Jesús halhma nkek ham neten kakpota nhan nalhepop anak.

Hebreos 7:3

Mang nak nanek na akiamo apiapom ma'a, kanhan ngken, mang na akiamo apkelieihengka'a. Mang na akiamo akieto akietemelha apteiaianlha m'a, mang na akiamo apketsepmek kelhaha nlho ka la mma'. Ka nkeniemai'ak aptemo sacerdote mangkotnengvaiam annelha malha niekhe aptonak Eniapom Neten apketka.

Hebreos 1:5

Mang nak nanek na etnemak enianak Eniapom Neten lhema aphapak la ángel hengke'e: «Lheiap apto eietka, astepkeskama lheiap aknem anak», mang nak nanek etnemak ma'a. Mang nak nanek na etnemak mokhom hengke'e: «Atnek hata apiapom ha'e, atnek hata eietka ha'e», man nak etnemak ma'a.

Efesios 3:9

Heiapaskangkek na kakpota aliangveskeskamhok enenlhet'avok qaselha akposemmalhka nak aptaqmelkeskama lhnak nanek Eniapom Neten apto apkelentepkeskama lhamakho qaselha lhmankek ham, tep nak nane mota aptaqmelkeskamo m'a ania'a akielhammalhka nak.

Galatas 4:4

Koka nietemavek akvai'o aknem Eniapom Neten aplheianmakha, apkapaskamo apketka apanke', malha lhta aptemak enenlhet apankek apteiaiakmo m'a, neksa alhta nhan akientalhnema ley.

Hechos 10:36

Apkapaske lhta Jesucristo apto Apveske alhma nkek ham kakpota epaiaksek ania'a hengaikamok altaqmelaikama engvalho'ok apieseksek Israel.

Juan 15:15

Nkomaskok hata nhan aptaikamok nema allasennaikama nak nema apkelianmoma, ka allasennaikama nak have nengaqtek apveske apankok ma'a. Ketlhengkap koka apkellelto askeltema emo'ok nengaqtek, askeleltennaskek na aktakha Tata apaivoma.

Judas 1:18

Neksa akmahai'a lhna lhta nkovak ma'a aptemongvanlha ta nnelha aknem, elvak hata enenlhet'avok apkeliematkesaikama mota, nkonmama ta nhan aliaspongkomakha nak apvalho'ok ma'a.

Hechos 2:17

«Lhke aptak Eniapom Neten, hata akvakmo ta nnelha aknem lhmankek ham, aiangkenek hata Espíritu ehenkok takhaplhet'ok aplhamakho enenlhet'avok lhmankek ham, apketkak apkelennava'ak kakpota nhan ngkelvana'ak nkotlhenek hata ania'a apankok aniem'o Eniapom Neten. Apketko'ok ngkoitek hata alvetai'a apaqto'ok, kakpota nhan apkelvaneiam apkelvanmongkoma.

Juan 17:2

Lheiap apkaikamok apientalhnema Apketka takhaplhet'ok aplhamakho enenlhet'avok kakpota ellangkok aliennaktema apnenio'ok mankotnengvaianlha nnelha apkellelto lhta apkellaikamok lheiap kakpota eltaqmelkeskesek ma'a Apketka nak.

Juan 16:15

Lhamakho apanko'ok anak Eniapom, ko'o nhan ehenko'ok ma'a, ka ngkanek ko'o asto lhkek aspaivoma aplengai'a ta Espíritu astakha ta alheianma, netamen na eleltennaksek hata nhan ketlhengkap ma'a.

Marcos 12:6

Netamen nak ma'a, aklheianmo lhnak apvalhok akto apankok aniep, lhna ntemak: "Angvapakse ta ko'o lhema aphapak apanke' eietka, asto askamelaiam, hatelha ellasekhok ma'a", lhna ntemak.

Marcos 1:1

Asmak'ak altennama aktemakha ampai'akhasekha nkek nak ania'a aktaqmanma aplhenammap Jesucristo, apto nhan Eniapom Neten Apketka.

2 Pedro 3:3

Eltaqmelkaso ta apkellailhemo asmak'akha atnek alheianma, hata aimelhko ta ketsek aktemongvanlha nnelha aknem elvak hata enenlhet anmaikama aliaspongkomakha nak apvalho'ok meliamolhma, eliematkesama ta ketlhengkap ma'a,

Hebreos 1:8

Koka aptemak aplheianmo aptemakha apketka hengke'e: «Lheiap Eniapom Neten, etnek hata apveske metka akvaiam annelha aliekaikamok iantelhkapa, elanak hata mota akto akpeivomo.

Hebreos 9:26

Lhta apto la Cristo malha apveske sacerdote, lhamakho anio lhta nha ngkotnek aplengaiangko akientalhnema nkompa lhta m'a alanemmalhko sekha lhmankek ham nkovomo lhta nhan nenvanlha nak. Koka apkaiangkavek apmesemmakpo apankek apmatnama nenvanlha nak nkanketvakmek aktemongvanlha nnelha aknem, kakpota hengel·hatsoskesek ngkollatsekama nellanekamok.

Juan 3:25

Apkelempai'o lhnak apkellatemommap moklhem'a apkeltamesaikamok Juan lhema judio m'a apkeltemakha lhta mota elalhnasekhak apiempeiok.

Marcos 12:7

Apkellanentamek nak apkenmakmekama lhkek aniep apkelhiaiakmo apketka apankek apto apankok aniep, ka apkelpaqmetkesammakpo lhnak mok apankave, lhna aptaiangkok: "Hata etnekhak apankok aniep ha'e, ¡angaqhe ta kakpota ngkotnekhak engankok ennengko'o aniep anak!", lhna aptaiangkok.

Juan 1:10

Nnengkek nak nanek tep nak nanek hengke'e nalhepop anak, nkelanei'ak nak nanek lhamakho qaselha nalhepop anak aniem'o Eniapom Neten apmaikama m'a, koka menmaiangkok na takha enenlhet'avok lhmankek ham.

Juan 5:26

Eniapom anak nietnek apmopvana kakpota ellangkok aliennaktema apnenio'ok enenlhet'avok, apkanke lhta nhan Apketka apmopvana kakpota ellangkok hata aliennaktema apnenio'ok enenlhet.

Juan 5:27

Apkankek na Apketka apientalhnemo kakpota eliekpelkok apkellanekamok ngkollatsekama, nlho ka la aktaqmanma enenlhet'avok lhmankek ham ngkanek Apketka nak apto Enenlhet Apketka.

Juan 9:29

Nengeliavek ennengko'o apakmetkeskangkek nak nanek Eniapom Neten Moises, koka mangeliohok ko la apkeniem'akha enenlhet anak ma'a —lhna lhta aptaiangkok.

1 Corintios 2:7

Asketlhekmoskek ko'o asiangveiakmo aniem'o Eniapom Neten, nenianveiakmo nak malha lhnak nanek akposemmalhka ntemak tep nak nanek, amanie nema alentepkeskama qaselha lhmankek ham kakpota alhaiek hengeltemeskesek hata neten engankavek ennengko'o.

Hebreos 3:6

Cristo koka apto Apketka, apiamolhma apkeltakmelkeskamo mota pa'at apanko'ok Eniapom Neten, ennengko'o m'a malha pa'at netlhengkaso la mota nentaikamok mongeliaskeiam metka nengelvateskaiam, kanhan nkolel·halhnama engelvalho'ok qaselha altaqmelo nkolvak hata.

Hebreos 4:14

Apnek ennengko'o apiav'akha sacerdote engankok apiekai'o lhta m'a neten, apvesai'a Jesús apto nhan Eniapom Neten apketka. Ka ngkanek ma'a ntasek angetlhengkesek nentaikamok mongeliaskeiam akieplomo nenteniaikamok eniempeiok.

Hebreos 7:28

Ka ley anak vanlha mota aliekieskama enenlhet meliennaktema kakpota etnek apiav'akha sacerdote, koka netamen ley anak akvai'o nhan lhema apaivoma lhnak nanek akto have niapak ankek aplheianma Eniapom Neten, aptemeskeskamo apiav'akha sacerdote Apketka apankek ma'a, aptemeskeskamo nhan apiamolhma apanke metka nnelha.