Galatas 6:8 - Nuevo Testamento Toba Maskoy

⁸ Malha apkenekha apankek apvalhok la aktek akvesai'a akiaspongkomakha nak engvalhok, enaklhek hata akielhna akvesai'a nengetsepma, koka apkenakho la aktek apvesai'a Espíritu, enaklhek hata akielhna akvesai'a akiennaktema enneniek mankotnengvaianlha nnelha.

Galatas 6:8 Referans Kwoze

Santiago 3:18

Ka apkellelto la aptengiaikamo mota aktaqmelaikama envalhok, malha nhan ma'a enenlhet apkanma la mota aktek akvesai'a koka aktaqmelaikama envalhok, netamen ma'a enaklhek hata malha akielhna akvesai'a koka nhan akpeivomo.

2 Pedro 2:19

Apkeleltennaskek niekhe nhan lhema apaivoma have niapak ankek etnangkokhak hata metka anmaikama mokhom meliamolhma, koka anmaikama niekhe nhan mangiamolhma m'a, nenlhamakho nengelelto nema allasennaikama nema apkelianmoma anko nak qaselhaha akto nhan hengenmaikama m'a.

Galatas 6:7

Mamma enenlhet eiennengkasama Eniapom Neten, meliennengkasakpo nkek na ketlhengkap ngkanek apkenokho la lhema aktek, enaklhangkok hata nhan akielhna aniem'o m'a aktek lhek apkenaikamok.

Romanos 13:14

Alpeivekha koka etnamok, eleliehekhok koka mota Apveske engankok Jesucristo, mellanko nkek nkonmama altakha la apvalho'ok aliaspongkomakha nak.

Apocalipsis 22:11

Eniangko ta enenlhet meihamolhma la'a elhengkese pankek aptemakha m'a, eniangko ta nhan enenlhet akpaiseiam la apvalhok elhengkese pankek na m'a. Eniangko ta nhan enenlhet apto la apeivomo elhengkese apankek aptema apeivomo m'a, kanhan enenlhet apto la apokkenammap eniangko nhan elhengkese pankek aptema apokkenammap ma'a —lhta aptak heiano m'a ángel.

Juan 4:36

Etlhevangkok hata akianmoma apkellelto la apkenmakmekama apnaklhekamok akielhna. Ka akielhna nak enenlhet ma'a ngkoitek hata aliennaktema apnenio'ok nkotnengvaianlha nnelha m'a. Nkolpaihekhak hata apvalho'ok lhemek ma'a apkellelto apkenaikamok kakpota nhan apnaklhekamok.

Judas 1:21

Etlhengkes hata mota apkellamelaiam Eniapom Neten, elel·halhen hata aknem nkovak hengellaikamok aliennaktema ennenio'ok nkotnengvaianlha nnelha aniem'o m'a apveske engankok Jesucristo apmapiose nhan hengellanhok ma'a.

Juan 6:27

Moltama nkek apkelvalho'ok apteniaikamok aptekamok, nkosavhalhka mota m'a. Koka ntase eliavenkaso apkelketansema mo'ok aktemakha nentoma akto mankosavhommalhka, allaikamok na apkeliennaktema mankotnengveianlha nnelha apkellangiemhaikama. Koka Enenlhet Apketka nak apvankek ellangkok ma'a qaselha nak, ngkanek nietnek apmopvana m'a aniem'o Eniapom Neten —lhta aptak Jesús apkellano m'a.

Romanos 6:13

Mellankehek na mokhom apkeliokha nak nkollaneskasangkok ngkollatsekama, ngkanek malha apkeletsepmo lhemek Cristo, mmaskek na anmangka maniamolhma nak. Kolhva koka nnangkok ketlhengkap alhnankok apkellangiemhaikama, ntasek ellangkok apkeliokha m'a Eniapom Neten kakpota nkoliennak apiempeiok ellanangkok qaselha altaqmelo.

Tito 3:7

hengeltemeskeskamo lhta nhan nengelpeivomo aniem'o aktaqmanma nke nak hengellanei'o. Kolhva nnankek alel·halhnekama engelvalho'ok angetlhevangkok hata aliennaktema ennenio'ok nkotnengvaianlha nnelha m'a.

Juan 4:14

Koka enenlhet apiama nak iemmen askaikamok anak ko'o, meimakiek hata mokhom. Nkotepangkok hata mota iemmen konne apvalhok, ngkankok hata nhan akiennaktema apneniek mankotnengvaianlha nnelha —lhna lhta aptemak Jesús.

Lucas 18:30

Elhkak hata qaselha tep ankek mokhom hengke'e, netamen hata m'a emanie nak elhkak hata nhan akiennaktema apneniek ma'a —lhna aptemak Jesús.

2 Pedro 2:12

Koka enenlhet'avok anak meliamolhma mankollapvanka'ak nkolketmok apvalho'ok, mankolatsema nhan apkelpakmeiasma apkellan'o neksa meliamo qaselhaha, ka ngkanek nkonnapekhok hata nkavek meliamolhma apankavek ma'a, malha kaselha nevhak la'a akieploma nak aktekhanekamok akmangkolha la'a ngvakmek ma'a al·hanemmalhkelha, mmatnek na m'a.

1 Timoteo 1:16

Koka apietnai'ave lhta neha'at Eniapom Neten, apkapaskamo lhta Jesucristo kakpota elvetaskesek enenlhet'avok apiamolhma apanko ie helanei'o, metka hepekheskama kakpota eiaqmongkasekhak astemakha. Hata nha ngkotnek apkellanei'o aplhamakho enenlhet'avok apkellelto la meliaskeiam kakpota etlhevangkok aliennaktema apnenio'ok ma'a mangkotnengvaiam annelha.

Romanos 6:23

Nelan'o la ngkollatsekama nak, ngva'ak na nengetsepma nak. Koka Eniapom Neten na hengellangkok aliennaktema ennenio'ok mankotnengvaianlha nnelha metka akianmoma aniem'o Apveske engankok Cristo Jesús.

Romanos 8:6

Apkellelto nak apkellanekamok qaselha ngkollatsekama, nnek aliaqmongkasakho apkeletsepma, koka apkellelto la apkellanekamok qaselha akleklemelha nak apvalhok Espíritu Santo, nnek akiaqmongkasakho aliennaktema apnenio'ok kakpota nhan altaqmelaikama apvalho'ok.

Romanos 8:11

Apno la apvalho'ok ketlhengkap Espíritu apankok Eniapom Neten apto lhta nhan aptemeskasekha aphalhnankok Cristo Jesús, ellangkok hata m'a alhnankok apkeliokha aniem'o m'a Espíritu apankok Eniapom Neten apno apvalho'ok ketlhengkap, koka apkeliokha nak akmovana nkomaskengvomok.

1 Corintios 15:42

Hata ngkotnek ma'a apiokha enenlhet aplhatekhangvakmo ta neksa apketsepma. Nkokpelkalhkak koka apiokha atonnammalhka m'a, koka aplhatekhangvakmo la'a, mankokpelkalhkek metka aktemongvaiam annelha.