Galatas 6:16 - Nuevo Testamento Toba Maskoy

¹⁶ Askeltavek ko'o nkovaiventak altaqmelaikama engvalhok kanhan nenietnai'o nenga'at takhaplhet'ok apkellelto apkeleliehekho m'a aspaioma lhkek, kanhan takhaplhet'ok Eniapom Neten apkennemolhema Israel.

Galatas 6:16 Referans Kwoze

Galatas 3:29

Hai, apkelpasmakhek ketlhengkap Cristo ka ngkanek etnangkok na aptavana'ak neptamen Abraham, etlhevangkok hata nhan qaselha apeneskamo apaivoma Eniapom Neten ellangkok hata.

Filipenses 3:3

ngkanek aplhamakho apkellelto nak apkellasennaikama Eniapom Neten aniem'o nhan Espíritu, malha nhan nema aliaqtemanma nekhatkok apkellammelhakha m'a ntak napaqtek ma'a. Koka akto nhan neten ankek akiaspommalhka m'a mangkolhnok ma'a aliaqtemenammalhka nekhatkok apkellammelhakha judios apankave'. Nkellaqhama ennengko'o engelvalho'ok aniem'o mongeliaskeiam Cristo Jesús, mongelleltemo ennengko'o ngkolhek hengelleltaqmelkeskaso aniem'o nelieplavkeskama aptaiangkolha nak judios.

Romanos 4:12

Abraham na apkeliapom apkellelto nak nema aliaqtemanma nekhatko'ok apkellammelhakha, meliaskeiam anak, kakpota nhan apkelleliehekho nak Eniapom Neten, ka aptemo lhnak nanek na Abraham ma'a amanie apmahai'a ngkolhek aktemeskeso akiaqtemenammalhka nekhatkok apkammelhakha m'a.

Juan 1:47

Ka apketlhengamo lhnak ma'a, apvetai'o lhnak Jesús aplheiakmo Natanael, lhnak aptemak Jesús: —Ka enenlhet aplhekmo nak ha'e apto Israelita apanke, mamma aptaikama nhan apmopvana ania'a —lhna aptemak Jesús.

Filipenses 3:16

Ntasek angelloka mota aktakha la akietnema mongiaskeiam.

Galatas 5:25

Koka nellaniemhangka la aniem'o Epiritu, ntasek angankoho heniantemama akmak'akha la heniantemok ma'a.

Galatas 5:16

Asmak'ak alleltennaksek ketlhengkap mokhom, eleliehekho ta Espíritu kakpota meleliehekhek hata aliaspongkomakha nak apvalho'ok.

Juan 16:33

Nkollengaskesangkok hata akientalhnema ketlhengkap hengke'e nalhepop anak aniem'o maniamolhma nak, koka mellaga nkoie ngkanek astemeskesakhek ko koneng aveske nalhepop anak, elvetak hata nhan altaqmelaikama apvalho'ok aptangko la helpasmekha mota —lhta aptak Jesús.

Juan 14:27

Askellangkek altaqmelaikama apvalho'ok ketlhengkap, mankapvankek enenlhet elanak ma'a, vanlha koka ko'o evanke'. Moltama nkek apvalho'ok ketlhengkap, mellaga nkek nahan akmak'o ta nkova.

Filipenses 4:7

Netamen ellangkok hata nhan Eniapom Neten akiavai'a nkek manvaiam annelha altaqmelaikama apvalho'ok, eltaqmelkeskesek hata nhan apvalho'ok kakpota nhan alketansema apvalho'ok aniem'o nhan Cristo Jesús ma'a.

Galatas 1:3

Askeltavek ko Eniapom Neten kanhan Apveske engankok Jesucristo eltaqmelkeskesek apkellaniemhaikama, ellangkok na altaqmelaikama apvalho'ok ketlhengkap ham.

Romanos 1:7

Hai, nketlhenkek evalhok ketlhengkap ko romanos apkellelto apkellamelaiam kakpota nhan apkelleliekieskama Eniapom Neten etnangkok hata nhan apkelpokkanma m'a. Hai, askeltave ko'o Eniapom Neten kakpota nhan Jesucristo apveske engankok eltaqmelkeskesek apkellaniemhaikama, ellangkok na altaqmelaikama apvalho'ok.

Efesios 6:23

Hai, ntase', avanhek askeltemo Eniapom Neten kakpota nhan Jesucristo evaivesentak altaqmelaikama envalhok anak, nengasekhai'o kakpota nhan moniaskeiam takhaplhet'ok engelialheng'a ham.

1 Pedro 1:3

Angeliavenkaskesama ta apvesai'a Eniapom Neten apto apiapom apveske engankok Jesucristo ngkanek apietnai'avek nengaqta'a ennengko'o m'a, hengeltemeskesekho nhan malha la nempalleiam alhnankok aniem'o nhan aplhatekhangveiam Jesucristo. Kolhva nhan nnaiangkok ennengko'o alel·halhnekama engelvalho'ok have niapak anke

Judas 1:2

Askeltavek na evaivesentak takhaplhet'ok akiavai'a nke nenietnai'o nenga'at anak, aktaqmelaikama envalhok kanhan nengasekhai'o nak ham.