Galatas 4:5 - Nuevo Testamento Toba Maskoy

⁵ Apvai'a lhta m'a apianmongkeskekho akianmoma hengel·hatsoskekho nhan neksa hengenmaikama ley, kakpota hentangkokhak apketkak Eniapom Neten.

Galatas 4:5 Referans Kwoze

Hebreos 9:15

Hai, nietnek ennengko'o alhnankok annemo mo'ok engvalho'ok nemmahai'akha antangkok aniem'o Cristo. Apketsepme lhtoka m'a kakpota envanka'ak ngkolhek hengelpaqnenkasakho qaselha ngkolatsekama nellanekamo mota neksa nellaniemhaikama akietnema amanie nkek annemo mo'ok apvalho'ok lhnak nanek apkenmahai'akha etnangkok ma'a. Kolhva koka nengelelto nak nellavommalhka envanka'ak hata angetlhevangkok qaselha mankonmaskengvaiam apeneskamo lhta apaivoma hengellangkok hata m'a.

Efesios 1:5

ka nkeniemai'ak na hengeltemeskeskamo apketkak aniem'o Jesucristo. Hai, aptema apankek ma'a nkanek avanhek hengellasekhai'o.

Efesios 1:7

Apketsepme lhta Cristo akiangkenammalhko nhan ema apankok kakpota hengel·hatsoskakhak neksa hengenmaikama lhta mongeliamolhma, ka aptemeskesaiangka lhta nha apankek mongeliamolhma nak. Koka m'a apeneskamo lhnak nanek Eniapom Neten apkelanekha aptakha etnek hata aniem'o aktaqmanma nkek hengellanei'o.

Apocalipsis 5:9

Ka apkennekmasengko lhta nhan lhema nennekmaskama alhnankok ma'a, lhta ntemak: —Vanlha lheiap apto akietemo nkek emok, emaiesekhak na nema aliepetkeskama vakkahak anak ngkanek apmatnangke lhta lheiap, apianmongkeskekho lhta ema apankok kakpota hengel·hatsoskakhak neksa hengenmaikama mongeliamolhma, henlaqlekho lhta nhan ma'a napaqtek Eniapom Neten nenlhamakho ennengko'o kakpota nhan apkakhangko natemma lhmankek ham, aknema apkelpasmekhak apketkak kanhan lhamakho aktemakha apkelpaqmeiasma.

Hebreos 9:12

Apsekho nhan ema apankok ma'a apkangkongvekho Eniapom Neten, have ema apankok anak ieta'ai kanhan vakka iama ngkelvana, ema apankok apankek koka apsekhak ma'a. ¡Hai, aptalhnengvekhek ma'a akieto konne akpokkenammalhka nke nak, hengel·hatsoskekho nhan metka aktaiekho mokhom neksa hengenmaikamo lhta mangeliamolhma, mankaimelhkak etalhnengvakhak mokhom ma'a!

Galatas 3:13

Hengel·hatsoskakhe lhta Cristo apianmongkeskekho akianmoma neksa hennaqtevaskama ley, malha nha ntemak apatmekha la nema hennaqtevaskama m'a. Ka ntemak na aklheianma vakkahak Eniapom Neten apaivoma hengke'e: «Nema akiematkeskama apto la apketsepma apiepetkasemmap neten iamet poste».

Romanos 8:23

Nellapentengkek na ennengko'o, niekhe akietnema Espíritu apkelientemongkeskamo lhta amanie hengellaikamok, nkaqhok koka avanhek nellengaiangko nengelel·halhanma ngkolhek hata hengeltemeskesakho Eniapom Neten apketkak akiokho nkoie, ngkolhek hata nhan akiaqmongkasakho mo'ok neniokha alhnankok nkanek neniokha nak anmaikama mota maniamolhma.

Galatas 4:7

Koka kolhvave nak ketlhengkap have nema allasennaikama nema apkelianmoma, apkellelto koka Eniapom Neten apketkak, etlhevangkok hata qaselha apanko'ok aniem'o Eniapom Neten.

Galatas 3:26

nnengkek hengeltemeskeskamo Eniapom Neten apketkak aniem'o mongiaskeiam Cristo Jesús.

Romanos 9:4

Apkellelto aptavana'ak neptamen Israel ma'a, apkeliekieskangkek nak nanek Eniapom Neten ma'a kakpota etnangkok apketkak. Apketlhelhma'ak nak nanek na aptaiangkok apkenmangkolha la amai ma'a, apkelvetaskeskangkek nak nanek na qaselha mongvetai'o. Aknemo mo'ok lhnak nanek apvalho'ok aptaiangkok apkenmahai'akha la etnangkok ma'a, apkellaiangko lhta nhan ley apankok, apketlhekmoseiangko nhan etnangkok eliavenkaskesok Apvesai'a m'a, apkellaiangko lhta nhan lhema apaivoma akmak'ak hata ngkotnek apkellaniemhaikama.

Juan 1:12

Koka apkellelto lhta apkenmaikamok takha kakpota nhan meliaskeiam ma'a, aptaiangke lhta Eniapom Neten apketkak ma'a.

Tito 2:14

apkaiangkave lhta nhan apmatnamo m'a kakpota hengel·hatsoskakhak ennengko'o neksa hengenmaikama mangeliamolhma, hengellalhneskeskamo nhan engelvalho'ok ma'a, hengeltemeskeskamo nhan apkennemolhema apanke', anteniangko angellanangkok aktaqmanma.

Romanos 8:19

Avanhek na alel·halhanma qaselha apkelentepkeskama lhnak na nek, Eniapom Neten eltemeskasekhak ma'a alientalhnemo apkellelto apketkak.

Efesios 5:2

Ellasekho nhan po'ok ka aptemakha nak Cristo hengellasekhai'avek ennengko'o, apkaiangkave panke lhta nhan kakpota hengeltaqmelkeskesek nellaniemhaikama m'a, malha aptemak ma'a qaselha nengaikamok anak Eniapom Neten, kanhan malha nentoskama nak akvanlhemmalhka aktapeiam anak aimes akleklemelha apvalhok Eniapom Neten.

Galatas 4:21

Eltaqmelkaso no apkellailhemo ketlhengkap apkellelto apkenmahai'a elieplavkesek ley Moises ¿Ma nlho ellengai'ak ketlhengkap aktemakha aklheianma ley nak, he?

Lucas 1:68

—Ntasek eliavenkaskesama apvesai'a nak Eniapom Neten Apveske ko Israel, ngkanek aptek amaika'a, el·hatsoskakhak na apkennemolhema neksa nema anmaikama.

Hebreos 1:3

Ka Apketka nak nenganema angvetak ma'a apmopvana kakpota nhan apientalhnemo Eniapom Neten, apnemo pankek nan ma'a, apkeliennakteskai'o nhan lhamakho qaselha aniem'o aknema akmovana apkeliatekama. Hengellalhnaskeskamo lhta nhan engvalho'ok malha akpaiseiam aniem'o nellanekamok ngkollatsekama, netamen ma'a apmeiekho nhan neten, apnekho akiennakha apoktong Eniapom Neten ma'a.

Hechos 20:28

Pastores aptaiangkok ketlhengkap aniem'o Espíritu Santo apkeltemeskeskama apkelemhama apmaniaie, ¡elel·halhnama ta mota ketlhengkap! Eltaqmelkes hata nhan apkellelto iglesia apankok Apveske, apkellelto lhta nhan apkenmama aniem'o ema apankok.

1 Pedro 3:18

Ka ktemo lhta nhan Cristo aplengaiangko aniem'o nellanekamok ngkollatsekama, apmesemmakpo lhta apankek ma'a lhema aktema nhan ma'a, mankaimelhkak mokhom enietsepok ma'a. Mamma lhta niekhe nhan aptemengveiakmo la lhma Cristo, koka aplengaiangke lhta m'a aniem'o hengelpasmoma nengelelto nak nellanekamok ngkollatsekama, apmahai'a nhan henlaqlakhak napaqtek Eniapom Neten ma'a. Apketsepme lhta nhan aptemo nak enenlhet enietsepok hengke'e, koka netamen nnengke lhta aklhatekhaskeiakmo m'a, ka aniemhaiangka lhta nhan apiempek ma'a.

Apocalipsis 14:3

Apkennekmasengke lhta nhan alhnankok nennekmaskama naqtek aptanema apveske, naqtavek na 4 kaselha allaniemhaiangka m'a kakpota nhan napaqtavek metno apketko'ok. Mamma lhta enenlhet eniapvanak nennekmaskama nak ma'a, vanlha lhtoka apkellapvanko 144.000 alhta enenlhet'avok apkellelto nema alvongkeskama tep apieseksek enenlhet takhalhet lhepop.

Romanos 8:14

Aplhamakho apkellelto la apkenmaikama Espíritu apankok Eniapom Neten, koka apkelvesai'a Eniapom Neten apketkak ma'a.

Romanos 8:15

Metlhevangkok ketlhengkap apvalhok anmahai'a nak nkoltemeskesek malha allasennaikama nema apkelianmoma, ka nhan altemeskeskama nak apkellai'a mokhom, apketlhevangkek koka Apvalhok apkeltemeskeskama Eniapom Neten apketkak. Kolhva koka apvanka'ak elteteskakhak Eniapom Neten, apvanka'ak na elpaqmetkesek nalhepe' apkelpaqmeiasma ellanhoho', etnangkok ellana hengke'e: —Ta.

Romanos 10:4

Aplheianmek nak nanek Moises aktemakha antek nempeivomo aniem'o ley, lhnak nanek aptemak: «Enenlhet apto la apkeliehekho ley anak, elloka ta mota aniem'o m'a ley anak», lhna aptemak ma'a. Koka ngvaiakme nnelha m'a apvai'o Cristo, kolhva koka apvanka'ak etnangkok apkelpeivomo meliaskakmo la m'a.