Galatas 4:4 - Nuevo Testamento Toba Maskoy

⁴ Koka nietemavek akvai'o aknem Eniapom Neten aplheianmakha, apkapaskamo apketka apanke', malha lhta aptemak enenlhet apankek apteiaiakmo m'a, neksa alhta nhan akientalhnema ley.

Galatas 4:4 Referans Kwoze

Romanos 1:3

Ka ania'a aktaqmanma nak aplhenammap ma'a apketka Jesucristo, apto nhan Apveske enganko'ok, aptaiekho lhnak enenlhet apankek ma'a, apto nhan aptaven neptamen apveske David annenga. Apketsepke lhta m'a Jesucristo, netamen aplhatekhaskeiakmo aniem'o apmopvana Espíritu Santo. Apkelpeivesekho lhta nhan ma'a enenlhet'avok apto have niapak anke Eniapom neten apketka m'a.

Juan 1:14

Apaivoma nak aktaiekho lhnak enenlhet apanke, apnengke lhta nhan nenieseksa ennengko'o m'a. Nelvetai'a lhta nhan apmopvana ka nhan apientalhnemo ngkanek apto lhta vanlha lhema Eniapom Neten Apketka m'a, akiavai'a nke lhta hengamelaiakmo kanhan akto iokhalhmek ankek ma'a.

Marcos 1:15

Lhna aptemak: —Ngva'ak aknem aklhenammalhko lhnak nane mota, nkanketva'ak na etnekhak hata apveske Eniapom Neten. ¡Eliaqmongkasekha ta mo'ok apvalho'ok, meliaskam ankek na ania'a aktaqmanma nak! —lhna aptemak Jesús ma'a.

Juan 3:16

Avanhek ankek apkellamelaiam Eniapom Neten enenlhet'avok alhma nkek ham, ka ngkanek eniapaksek lhema phapak apanke' apketka kakpota melhnanme' apkellelto la meliaskeiam ma'a, ngkoitek hata nhan aliennaktema apnenio'ok mankotnengvaianlha nnelha'.

1 Juan 4:14

Nelvetai'o lhta ennengko'o m'a, nelpaieskamo mota nhan ania'a aktemakha apkapaskamo lhta Eniapom apketka, kakpota elvongkesek tep aplhamakho enenlhet'avok lhmankek ham.

Efesios 1:10

Apeneskamo lhnak nanek apkelanekha aptakha, nkovak hata aknem akietemo nkek aplheianmakha aptemeskeskama apveske Jesús halhma nkek ham neten kakpota nhan nalhepop anak.

Lucas 2:7

Mamma lhnoka nkakhengvomok apkakhaiangkolha la amaika'a kakpota nkotengkesek atka m'a, vanlha lhnak alvetangveiakmo aktoiangkelha nema aknaqtoskama. Ka apteiaiakmo lhnak ma'a apmanie pankek apteiam atka, akpelhketmo lhnak na ietamopai'a, akpekkanmo nhan konne aptoiangkolha nema aknaktoskama.

Romanos 8:3

Ley anak Moises mmahai'a lhta niekhe hengelvongkesek tep, ma lhtoka nkomovanak ma'a aniem'o ennengko'o mangeleliehekho m'a, aniem'o mongeliennaktema. Ka nkeniemai'ak Eniapom Neten eniapaksek apketka aptemeskasekho enenlhet apanke. Aptemengvai'o nhan meiennaktema m'a kakpota enietsepok hengeliaqmoiekha ennengko'o, niekhe aptemongvai'a enenlhet apanke, meiennaktema nhan, nkaqhok koka ntevaskangkek ngkollatsekama nak.

Lucas 1:35

Koka lhna aptemak mokhom ángel: —Evaiventak hata takhalhet Espíritu Santo lheia', nkapvetak hata nhan apmopvana Apto m'a apnema netne kanke nak. Ka ngkanek nematka nak apiamolhma ta kakpota nhan ngkolhek altangko Eniapom Neten apketka.

Juan 6:38

Asvaivantanie lhta ko'o koneng anak have asmak'akha atnehek ehenkok ehenke, vanlha asma aliehekho Eniapom apto lhta heiapaskama.

Hebreos 2:14

Ka Eniapom Neten apketkak anak enenlhet apankavek ma'a, nietnek aphapetek kanhan ema apanko'ok ka nkeniemai'ak na aptaiekho lhta enenlhet apankek Jesús ma'a, ka apketsepmo nhan ma'a, aptemeskesekho lhta nhan koneng aveske netsepma akvesai'a nak aveske keliaqhameio'.

Juan 10:36

¿Se lha ntak hetlheno nak astevaskama apvesai'a Eniapom Neten aniem'o lhkek askeltammalhko nhan apketka apankek ma'a, he? Have niapak anke Eniapom apto hepokkanma, heiapaskama nhan ma'a.

1 Timoteo 3:16

Have niapak, qaselha akiemaskama engvalhok anak, nientelhek ankek aniangvomhok ma'a mongiaskeiam anak, ka aktonak ma'a Cristo nemo apaskamo nalhepop anak aptaiekho enenlhet apanke, netamen aplheianmo aktaqmanma aptemakha m'a Espíritu, apkelvetai'o nhan ángeles, nemo aleltennaseiangka nhan apvesai'a apieseksek metnangko nak judios, meliaskeiakmo nhan enenlhet'avok lhmankek ham, netamen na m'a apmammakpo takha neten akieplomo nemo ai'o kanhan nema aktaqmelkeskamo apvai'a.

Romanos 15:8

Asmak'ak aleltennaksek ketlhengkap lhema qaselha, apvai'a lhta Cristo kakpota etnek apkellasennaikama apkellelto nak apkelieplavkeskama aliaqtemenammalhka nekhatko'ok apkellammelhakha. Apieplavkeskamo nhan aptemakha lhnak nanek apeneskamo apaivoma Eniapom Neten aplheianma apkeleltennaskamo nelieihengka'a kakpota elvetaskesek na iokhalhmek ankek aplheianmo lhnak nanek Eniapom Neten.

Hechos 1:7

Lhna aptema Jesús apkellatemmoiangka m'a: —Eniapom koka apekkenkek ma'a aknem aniem'o apientalhnemo, mankaimelhkak eliohok ketlhengkap ma'a.

Lucas 1:31

Nlosek hata ngkotnek lheia', nkotak hata atka, kotneskes hata nhan apvesai'a Jesús ma'a.

1 Juan 4:2

Asmak'ak aleltennaksek ketlhengkap kakpota eliohok apietnema la Espíritu apankok Eniapom Neten. Koka enenlhet apto la aplheianma napaqtavek enenlhet'avok Jesucristo aptaiekho lhta enenlhet apanke, apvai'o lhta nhan nalhepop anak, koka enenlhet ma'a apietnema Espíritu apankok Eniapom Neten.

Hebreos 9:10

Hai, koka lhamakho henganemakha ankok anak ma'a aktemakha hengaskama anto'ok lhema qaselha la'a, kanhan neniama, nelienieskama qaselha la'a, akteniai'a lhna lhtoka niekhe alalhnasekha la engvalho'ok ma'a, koka akietkesammalhka niekhe m'a. Nkovak hato ka aktemongvaiam annelha m'a, ngkolhek hata akiaqmongkasakho mo'ok akto aktaqmanma nkoie.

Colosenses 2:14

Nietnengkek nak nanek lhennenga lhema vakkahak henganemakha aktalhesammalhka aknaikamok malha neliaqmoikamok la'a, koka Eniapom Neten alhta malha apiaqlhakvekha neten iamet aktenneskama m'a, aptevasekho nhan ma'a.

Romanos 9:5

Apkellelto nhan aptavana'ak neptamen nelieihengka'a judios aptaiangko lhnak nanek neten apankavek, Cristo nhan apto aptavana'ak neptamen ma'a, apnemo nhan Eniapom Neten, aptek apveske takhalhet'ok qaselha lhma nkek ham. Hai', ntasek ankek aniavenkaskesama mota apvesai'a m'a. Amen.

Juan 8:42

Ka apkatemmongka lhta Jesús, lhta aptak: —Have apiapma'ak ketlhengkap Eniapom Neten ngkanek heltaknevakke mota, Eniapom Neten apto heiapaskama, have asvai'a ehenko ie'.

Romanos 5:6

Mongeliennaktema lhta sekhe lhta ennengko'o, nkaqhok koka apketsepme lhta apankek Cristo henianmoma m'a.

1 Timoteo 2:6

apkaiangkave lhta nhan apmatnamo kakpota hengel·hatsoskakhak neksa hengenmaikamok maniamolhma nenlhamakho. Ka ania'a nak akvetammalhko m'a, apkelientemongkeskeskamo lhta nhan aplheianma Eniapom Neten ngkotnek hata aktaqmanma aknem aklheianmakha nhan apvalhok ma'a etnehek.

Lucas 20:44

Apveske David aplheianmek nak Cristo apto apveske apankok, ¿etnekha nalhmok la apveske apankok aptaven neptamen, he? —lhna aptemak Jesús.