Galatas 4:11 - Nuevo Testamento Toba Maskoy

¹¹ ¡Ntaikama evalhok malha aqhemo ntemak akientalhnema alhta asketlhekmosekamok ham!

Galatas 4:11 Referans Kwoze

1 Tesalonicenses 3:5

Nlhenaikama evalhok nketlhengkaske lhta mankolianmolhkek asleng'o ania'a apkellengaiangko akientalhnema ketlhengkap ham, ka nkeniemai'ak askapaskamo lhta Timoteo kakpota hesantengkesek ania'a, asmahai'a aihok ania'a aktemakha meliaskeiam ketlhengkap ham. Avanhe lhta ko askai'a hengel·hanmo ngken anak nkolpalesemma ketlhengkap ham, lhta akto la m'a, akhemo lhta ngkotnek nengetlhekmosekamok ketlhengkap ham.

Galatas 2:2

Eniapom Neten alhta heteskeskama apkeltemo aniakhak ma'a, nengaqnakhe lhta m'a mok engankavek ennengko'o m'a apkelientalhnakha apkelemhama apmaniaie nemakha allai'o m'a, askeleltennasema lhta ania'a aktaqmanma aktemakha askeleltennasekama mota apieseksek ma'a metnangko nak judios kakpota elvetak iokhalhmek ankek ma'a nkotno aqhemo m'a asmakmekama.

2 Juan 1:8

¡Ellaho ta m'a kakpota menaqtevasekhek qaselha altaqmanma apketlhevaikamo lhta aniem'o nenmakmekama lhta nhan ennengko'o m'a! Kakpota etlhevangkok hata nhan aksavhommalhko nkek nema akianmongkeskama akianmoma.

Filipenses 2:16

melieniav ankek na ania'a aktaqmanma akto nak hengaikamok neniennaktema, netamen nkaqhama ta evalhok ko'o m'a apvaktamo ta Cristo ngkanek have aqhemo akientalhnema asmakmekama apieseksek ketlhengkap ham.

Galatas 4:20

Avanhe skeltemo mota alhek niekhe ham kakpota alpaqmetkesama metka askeliennai'oho, niemaskangkek koka evalhok aslengai'o ania'a apkeltemakha ketlhengkap.

1 Corintios 15:58

Ka nkanek na ntasek ketlhengkap elialheng'a askellamelaiam, elienna ta metka apkelvatesaikamok na apkenmakmesaikama Apveske engankok anak, have aqhemo nhan apkenmakmesaikama ketlhengkap ma'a.

Hechos 16:6

Pablo kakpota nhan apketlhelhma'ak apkenmahai'avek na niekhe elpaiaksek ania'a aktaqmanma iokhalhma Asia, koka Espíritu Santo lhnak meltemok ma'a. Ka apkeliekai'o lhnak konne iokhalhma Frigia kakpota nhan Galacia,

Galatas 4:10

Apketlhengkaskek mokhom aknem ankok apkelpokkenkeskama, pelten, aknem kanhan iantelhkapa.

Galatas 4:12

Ketlhengkap elialheng'a askeltavek etnangkok astemakha nak ko'o, ka stemak ko'o aptaiangkolha nak ketlhengkap. Ma lhta henaqtevaskamak ko'o