Galatas 2:20 - Nuevo Testamento Toba Maskoy

²⁰ kolhva koka alhelhma mota Cristo, have ehenkok ehenkek askaniemhaikama nak, ka lhamakho qaselha nak askelanai'a neksa askaniemhaikama aniem'o m'a moi'askeiam Eniapom Neten Apketka, heiasekhai'o nhan, apkaiangko akvakmo apmatno aniem'o ko'o.

Galatas 2:20 Referans Kwoze

Galatas 5:24

Nenlhamakho nengelelto nelpasmekha Cristo Jesús malha ntemak neliaqhapkeskekha la neten iamet aktenneskama akiaspongkomakha nak engelvalho'ok akteniai'a na mota nkolanak ngkollatsekama.

2 Corintios 5:15

Apketsepme lhta Cristo apkeliaqmoiekha aplhamakho enenlhet'avok, kolhva apkellava nak mokhom nenvanlha nak ntasek metenia nkek allekkasekama la apvalho'ok apanko'ok apankave, koka ellekkeskasama apvalhok ma'a apto lhta apketsepma, aplhatekhangveiakmo lhta nhan kakpota eltaqmelkeskesek apkellangiemhaikama aplhamakho enenlhet.

Romanos 6:8

Nenlhamakho nengelelto neletsepmo lhemek Cristo, have niapak anke hata ngkotnek ma'a angelloka ta lheme Cristo.

Galatas 6:14

Vanlha koka ko'o anmalhko evalhok aniem'o Apveske engankok Jesucristo apto lhta apketsepma neten iamet aktenneskama, ka nkeniemai'ak astaqnongvekho qaselha ngkollatsekama neniava nak, kanhan hetaqnongvekho m'a neniava nak.

2 Corintios 13:5

Ellanho ta apvalho'ok apankave ketlhengkap nnangke kelha niekhe aliennaktema meliaskeiam, nkotlheianvakhok hatelha nhan apvalho'ok mankolhnaikamok meliaskeiam Jesucristo.

Romanos 6:13

Mellankehek na mokhom apkeliokha nak nkollaneskasangkok ngkollatsekama, ngkanek malha apkeletsepmo lhemek Cristo, mmaskek na anmangka maniamolhma nak. Kolhva koka nnangkok ketlhengkap alhnankok apkellangiemhaikama, ntasek ellangkok apkeliokha m'a Eniapom Neten kakpota nkoliennak apiempeiok ellanangkok qaselha altaqmelo.

1 Tesalonicenses 5:10

apto lhta apketsepma henianmoma ennengko'o kakpota annakhok lhemek ma'a niekhe neksa neletnaikamok nlho ka la nennaqteianma.

Tito 2:14

apkaiangkave lhta nhan apmatnamo m'a kakpota hengel·hatsoskakhak ennengko'o neksa hengenmaikama mangeliamolhma, hengellalhneskeskamo nhan engelvalho'ok ma'a, hengeltemeskeskamo nhan apkennemolhema apanke', anteniangko angellanangkok aktaqmanma.

Galatas 1:4

Apkaiangkave lhta m'a Jesucristo apmatnama aniem'o mongeleliehekho hengaskamakha Eniapom Neten. Hengelpaqnengkasekho nhan ngkolatsekama hengenmaikamok nenvanlha nak aniem'o nhan Eniapom Neten apkeltema m'a.

Juan 17:21

Eniapom, askeltavek na elpasmakpok ma'a ka kto nak ennengko'o malha enlhema, netamen hengelpasmekhak hata nhan ennengko'o m'a kakpota meliaskamek hata enenlhet apto lheiap heiapaskama.

Romanos 8:37

Koka nengeliephongvakmek ma'a aniem'o hengelpasmoma Eniapom Neten apto nhan hengamelaiam.

1 Juan 5:20

Nengeliavek na apvai'o lhta Eniapom Neten Apketka, hengellangkongvai'o lhta nhan aknema nengeliamo kakpota angeliekpelkangvomok ma'a apto have niapak anke nak niapom, nelpasmekhek na ennengko'o m'a aniem'o apketka Jesucristo. Koka apto Eniapom Neten, apto nha niapom have niapak anke, hengaikamok na akiennaktema enneniek nkotnengvaianlha nnelha.

Efesios 5:2

Ellasekho nhan po'ok ka aptemakha nak Cristo hengellasekhai'avek ennengko'o, apkaiangkave panke lhta nhan kakpota hengeltaqmelkeskesek nellaniemhaikama m'a, malha aptemak ma'a qaselha nengaikamok anak Eniapom Neten, kanhan malha nentoskama nak akvanlhemmalhka aktapeiam anak aimes akleklemelha apvalhok Eniapom Neten.

Filipenses 4:13

Evankek koka mota nhan avaskapok aniem'o Cristo heiaikamok asiennaktema,

Efesios 3:17

Askenmalhneskaskek na eltehek meliaskeiam ketlhengkap Cristo kakpota elhek apvalho'ok ketlhengkap ma'a, kakpota eltemeskesek apkeliennaktema aniem'o apkellasekhammakpo.

Galatas 3:11

Ka akto nak ma'a, mankavankek ley nkotneskesek apeivomo lhema la enenlhet, ka ntemak na vakkahak Eniapom Neten apaivoma: «Enenlhet apeivomo ngkoitek hata akiennaktema apneniek aniem'o mei'askeiam».

Juan 3:16

Avanhek ankek apkellamelaiam Eniapom Neten enenlhet'avok alhma nkek ham, ka ngkanek eniapaksek lhema phapak apanke' apketka kakpota melhnanme' apkellelto la meliaskeiam ma'a, ngkoitek hata nhan aliennaktema apnenio'ok mankotnengvaianlha nnelha'.

1 Juan 1:7

Koka nellava la atsak'elha lhma ennengko'o, malha aptonak Eniapom Neten apnek nhan atsak'elha lhma m'a, nentangkek nelpasmekha engankavek nenieseksa ennengko'o m'a, kanhan apketka Jesucristo ema apankok alalhnaskama engelvalho'ok malha alpaiseiam aniem'o qaselha ngkollatsekama nellanekamok.

Colosenses 1:27

Hai, apmahai'o lhta nhan elvetaskesek qaselha akielhammalhka akiavai'a nkek apeneskamo lhnak nanek apmak'akha ta etnek kakpota eltaqmelkeskesek apkellangiemhaikama aplhamakho apkellavakha lhmankek ham, Cristo apvesai'a m'a, apmahai'a lhta Eniapaksek Eniapom Neten hengke'e, apsoiakmo lhta nhan alel·halhnekama nak apvalho'ok ketlhengkap kakpota elloka mota lhemek ma'a.

Romanos 5:2

Kolhva envanka'ak angelteteskakhak na apnakha m'a, angelletsevasama nhan aniem'o m'a. Nkelpaihakhek engelvalho'ok kolhvave nak ngkanek alel·halhnekama engvalho'ok angelvakhak hata apnakha m'a kakpota nhan ma'a ampasmekhak hata qaselha altaqmanma Eniapom Neten apanko'ok.

Romanos 1:17

Ania'a aktaqmanma nak hengeleltennaskek vanlha Eniapom Neten apvankek henteskesangkok nelpeivomo aniem'o mongeliaskeiam Jesucristo, ka ktemo nak aktalhesammalhka nhan Vakkahak Eniapom Neten apaivoma hengke'e: «Enenlhet apto la apeivomo, eloka ta akvanqakhoho» ka ntemak ma'a.

2 Corintios 13:3

Elvetak hata nhan ketlhengkap Cristo heiapaskama kakpota alpaqmetkesek ketlhengkap, metka nkoiennaktema apiempek Cristo neksa apkellanei'o ketlhengkap, akieplomo apmopvana.

Apocalipsis 1:5

Aniem'o nhan ma'a Jesucristo apto apvetaiangko panke, aplhenekho mota nhan akto have niapak ankek, apto lhta nhan aplhatekhangveiam apmanie apieseksek apkenmaskengvaiakmo, aptemo nhan takhaplhet'ok ma'a apkelveskaie lhmankek ham. Avanhek ankek hengellamelaiam Jesucristo, malha hengellalhnaskeskama lhta nhan engelvalho'ok malha alpaiseiam aniem'o nellanekamok ngkollatsekama, aniem'o lhta nhan akiangkenammalhka ema apankok ma'a.

1 Tesalonicenses 1:10

apkelel·halhneiangka lhna lhta nhan Apketka Jesús apto lhta nhan aplhatekhangveiam apieseksek apkenmaskengvaiakmo enielhiemok ma'a neten evatamok mokhom hengke'e kakpota hengelvongkesek tep ennengko'o neksa akvai'a ta apiaqmongkasekha apkeltemakha ngkollatsekama enenlhet'avok halhmankek ham.

Juan 10:11

Ko'o asto nhan apvetep asiamolhma' apanke', ntasek ko'o angvetsepok neksa askellanekama.

Juan 6:57

Eniapom apto alhta heiapaskama nietnek apiennaktema, heiangkek na ko'o apiennaktema m'a, enenlhet aptavo la ehepetek anak, ngkoitek hata nhan apiennaktema.

Apocalipsis 3:20

Asvenema ko akieto atong, heiailho la lhema enenlhet, emaiaksek na atong, aklhek hata m'a antavokhak hata lhemek ma'a.

1 Pedro 1:8

Melvetai'ok ketlhengkap Jesucristo, apkellasekhai'o koka m'a, mang na eliaskeiakmok nahan, avanhek ankek na alpaihekha apvalho'ok aliekangveiakmo

Juan 15:13

Akiav'o la apkasekhai'o aptema po'ok nengaqte, ntasek enietsepok apiaqmoiekha la m'a.

Galatas 2:16

Koka neliavek ennengko'o have hengeltemeskeskama nengelpeivomo m'a aniem'o nelieplavkeskama ley, vanlha koka aniem'o m'a mongeliaskeiam Jesucristo. Ennengko'o nhan mongeliaskakmok Jesucristo ka nkeniemai'ak nemo nak hengeltemeskeskamo nengelpeivomo m'a, have aniem'o m'a nelieplavkeskama ley ngkanek mamma enenlhet aktemeskeskama la apeivomo m'a aniem'o ley anak.

2 Corintios 10:3

Niekhe nellaniemhaikama apieseksek enenlhet apkellelto nak meleliehekhok Eniapom Neten, ennengko'o koka mok aktema nentaiangkolha.

Juan 6:69

Mangeliaskeiakmok na ennengko'o lheiap, neliavek na apto apokkanma Eniapom Neten lheiap —lhta aptak Pedro.

Juan 1:49

Niemaskangkek nak apvalho'ok Natanael aplengai'o m'a, lhnak aptemak apkanemo: —¡Hengetlhekmoskama, lheiap apto Eniapom Neten Apketka, apto nhan apiav'akha apveske Israel! —lhna aptemak.

2 Corintios 1:24

Mankonmahai'ak ennengko'o antangkok malha apkelveskai'e la'a angellelpalhengkasama kakpota etnangkok meliaskeiam ketlhengkap, vanlha koka nengeleltavek angelpasmok kakpota nkolpaihekhak apvalho'ok ketlhengkap ham nkanek melleihaie' aniem'o meliaskeiam.

Hechos 9:20

Apkempai'akha lhnak kolhvavek anke apkeltennaikama Saulo apkaqnekhelha judios Jesús apto Eniapom Neten apketka.

Efesios 5:25

Ketlhengkap aknema nak apnaqteiangka'a ntasek ellamelemma mota apnaqteiangka'a, nnavek na Cristo apkamelaiakmek na m'a iglesia nak, apkaiangkave panke lhta m'a kakpota nkotaqmelek ma'a.

2 Corintios 5:7

Mongapvankek angvetak ma'a, koka mongeliaskeiam anak hengellangkek neliennaktema kakpota angelloka mota,

Juan 3:35

Ka Eniapom anak ma'a apkamelaiam Apketka, apkankek apmopvana takhalhet'ok qaselha lhmankek ham.

1 Juan 4:14

Nelvetai'o lhta ennengko'o m'a, nelpaieskamo mota nhan ania'a aktemakha apkapaskamo lhta Eniapom apketka, kakpota elvongkesek tep aplhamakho enenlhet'avok lhmankek ham.

Hechos 8:36

Apketlhengangkek nak mokhom, apkelvetangvekho lhnak akietnemakha iemmen, lhna aptemak apkanemo enenlhet nema alhakkeskama appopok Felipe: —Ka iemmen hengke'e, ¿ntase nlho helavkesek konne iemmen, he? —lhna aptemak.

Romanos 3:22

Hai, Eniapom Neten hengeltemeskaskek nengelpeivomo nenlhamakho lhmankek ham aniem'o mongeliaskeiam Jesucristo ngkanek nennavek emmo'ok napaqtek ma'a.

Romanos 4:25

Apto lhta nhan ma'a nema ankongvaiam kakpota ematong hengiaqmoiekha ennengko'o aniem'o nellanekamo nkollatsekama. Netamen nemo nhan aklhatekhaskeiakmo kakpota hengeltemeskesek nengelpeivomo m'a.

Romanos 5:6

Mongeliennaktema lhta sekhe lhta ennengko'o, nkaqhok koka apketsepme lhta apankek Cristo henianmoma m'a.

Romanos 5:8

Koka Eniapom Neten hengelvetaskaskek akiavai'a nkek hengellamelaiam ngkanek apkapaskangkek Cristo kakpota enietsepok hengiaqmoiekha ennengko'o neksa nellanekamok ngkollatsekama.

Romanos 8:10

Apno la Cristo apvalho'ok ketlhengkap, nietnek na apvalho'ok alhnankok aniem'o Eniapom Neten apkeltemeskeskama apkelpeivomo, koka apkeliokha nak malha aletsepma aniem'o qaselha ngkollatsekama apkellanekamok.

Romanos 14:7

Mamma ennengko'o enlhema la enganko'ok engankave nelaniemhaikama nak, mamma nhan ennengko'o enganko'ok engankavek neletsepma nak.

1 Corintios 6:17

Ka apkellelto nak apkelpasmekha Apveske, malha lhema ntokhak na apvalho'ok ma'a.

2 Corintios 5:14

Hai, avanhek ankek na hengeliephesekama angellasekhekhok ketlhengkap aniem'o Cristo m'a, ampai'o lhta nhan neliangveiakmo apketsepmo lhta lhema enenlhet apkeliaqmoiekha aplhamakho enenlhet lhmankek ham, ka nkeniemai'ak ma'a malha apkeletsepmo lhemek ma'a.

2 Corintios 11:10

Hai, nkalhkek ko evalhok ehenkok ehenkek ma'a, apkeliavek ketlhengkap have niapak ankek ma'a astakha nak, meltemo Cristo atnama asmopvana ania'a.

Filipenses 1:21

Ka asto la mokhom ehalhnankok, angvasennama ta mota mokhom Cristo, koka asketsepo la'a, ntasek ankek ngkotnek ma'a.

Hebreos 8:3

Lhamakho apkellelto apkeliav'akha sacerdotes apkeliekiesammap kakpota ellangkok qaselha nengaikamok anak, kanhan nengaqhema nak nentoskama Eniapom Neten. Ka nkeniemai'ak na aptemo Jesucristo m'a aimommalhko lhta nhan eniangkok lhema qaselha Eniapom Neten.