Filipenses 4:9 - Nuevo Testamento Toba Maskoy

⁹ Ellanamok hata mota lhamakho astemakha lhta mota asketlhekmoskama apkelvetai'o lhta askellanai'a, elvanamok hata mota astemakha nak, netamen Eniapom Neten apto nak aktaqmelaikama envalhok aniapom etnangkok hata mota apketlhelhma'ak ma'a.

Filipenses 4:9 Referans Kwoze

Santiago 1:22

Apkeliennengkasekpek apankavek napokha ketlhengkap nketlhenke mota apvalho'ok ntasek etnangko mota vanlha apkellailhemo ania'a aktaqmanma. ¡Have koka niekhe nentemakha m'a, nkaimelhkek koka nhan ngkoitek apkelleliehekho ania'a apkelleng'o la'a!

Filipenses 3:17

Ketlhengkap elialheng'a, elieplavkes hata astemakha nak ko'o, ellanhok na napokha aptaiangkolha apketlhengkeskama nak aktaqmanma, apkellelto nak apkelieplavkeskama nentaiangkolha nak ennengko'o.

2 Pedro 1:10

Ketlhengkap elialheng'a, apkellavema lhta Eniapom Neten, apkeliekiesaikamo lhta nhan ma'a, ntasek enmeivo mota m'a qaselha altaqmelo nak apvalho'ok kakpota mepallemmek.

Juan 13:17

Apkellelto la apkenmaikamok takha asketlhekmoskama nak, aptangko la nhan, etnangkok hata nhan aktaqmelakho nkek ma'a.

Filipenses 4:7

Netamen ellangkok hata nhan Eniapom Neten akiavai'a nkek manvaiam annelha altaqmelaikama apvalho'ok, eltaqmelkeskesek hata nhan apvalho'ok kakpota nhan alketansema apvalho'ok aniem'o nhan Cristo Jesús ma'a.

Romanos 16:20

Ketse nkaimelhka Eniapom Neten apto aktaqmelaikama engvalho'ok aniapom apteiokmek apaieskamo Satanas, epekkanvetak hata nhan koneng apmangkok ketlhengkap ham. Hai', askeltavek ko'o Apveske engankok Jesucristo eltaqmelkeskesek apkellaniemhaikama ketlhengkap ham.

2 Corintios 13:11

Hai, ka m'a, askeltavek ko'o nkolpaihekha mota apvalho'ok ketlhengkap elialheng'a ham, elienlhanmamok hata mota apkenmahai'a eletsavhongvomhok apkeliangveiakmo, eliatamo ta mota po'ok, elloka ta lhemek aknemo mo'ok apvalho'ok kanhan metka akmaska nak apieseksek anak ketlhengkap ham. Eniapom Neten apto niapom aktaqmelaikama engvalho'ok anak kanhan nengamelaiam, etnangkok apketlhelhma'ak amota ham.

Lucas 6:46

Lhnak aptemak mokhom Jesús: —Ketlhengkap heleltangko mota, "¡Apveske, Apveske!" Koka aqhemo m'a, mangheleliehekhoho.

2 Tesalonicenses 3:4

Nengeliavek ennengko'o ketlhengkap apkelleliahakhave mota nengetlhekmosekamo lhta, etlhengkesek hata nhan mokhom ma'a nengetlhekmosekamo lhta aniem'o Apveske engankok.

1 Tesalonicenses 1:6

Apketlhengkeskangkek ketlhengkap hengelvanekamo nentaiangkolha ennengko'o kakpota nhan aptemakha lhta Apveske, avanhe lhta niekhe apkellengaiangko akientalhnema ketlhengkap ham, nkaqho lhtoka apkenmaiangkek takha ania'a aktaqmanma akieplomo alpaihekha apvalho'ok aniem'o Espíritu Santo m'a.

1 Tesalonicenses 5:23

Nengeleltavek na Eniapom Neten apto aktaqmelaikama engvalhok etnek na apkelpokkanma ketlhengkap, eltaqmelkesek apvalho'ok, apkelvanmongkoma kanhan apkeliokha kakpota etnangkok metka apkeltemengveiakmo lhma akvakmo apvaktamo ta apveske engankok Jesucristo.

Romanos 15:33

Hai, askeltavek ko'o Eniapom Neten apto niapom aktaqmelaikama engvalho'ok, etnangkok hata mota nhan apketlhelhma'ak moklhem'a ketlhengkap ham. Amen.

Juan 2:5

Koka lhta ntak ngken Jesús alpaqmetkaso nema allennengkasekama: —Etlheng nak hengke'e, etnamok hata apkeltakha la etnangkok Jesús —lhta ntak.

Lucas 8:21

Ka apkatemmoiangka lhnak Jesús ma'a, lhna aptemak: —Enenlhet apkellelto apkellailhemo ania'a aktaqmanma, apkellasekhai'o nhan Eniapom Neten, koka elialheng'a m'a ka nhan meme' —lhna aptemak.

1 Tesalonicenses 2:14

Apaivomolhema apankave lhta nhan apkenmenlhenaikama ketlhengkap ma'a, lhta nhan ntemak ma'a iglesia apankok Eniapom Neten akieto m'a Judea aniem'o meliaskeiam Cristo, apaivomo lhema apankave lhta judios apkenmenlhenaikama m'a.

1 Corintios 10:31

Ntasek ellaho Eniapom Neten neksa apkenmahai'a etavangkok, einangkok, kanhan lhamakho qaselha apkenmak'akha la ellanangkok.

Hechos 9:6

etnemekha neten, etalhnengvom hata ha'e apnakha natemma, hata ngkolhek altennaso ania'a lheiap ma'a —lhna aptemak ma'a.

2 Timoteo 4:22

Askeltave ko'o Apveske Jesucristo etnek aplhelhma mota lheiap, kanhan Eniapom Neten eltaqmelkeskesek apkellaniemhaikama aplhamakho apketlhelhma'ak lheiap ham.

1 Corintios 14:33

ngkanek mankolkok apvalhok Eniapom Neten neksa akiennoma lhma la'a, koka akleklemo apvalhok ma'a altaqmelaikama engvalho'ok anak. Ntasek elieplavkesek nentaiangkolha na mota aplhamakho iglesias apkellelto apkelpokkenammap,

Juan 15:14

Heleliahakho la ketlhengkap, atneskesangkok hata askeltema emo'ok nengaqte.

1 Juan 3:22

Hengellangkok hata nhan ma'a qaselha nenmalhnengkolha la m'a ngkanek neleliehekhave mota m'a apkanemakha antangkok, nellaneiangkek na akleklemelha la apvalhok ma'a.

1 Corintios 4:16

ka nkanek askeltavek helieplo'ok amai astemakha nak ko'o.