Filipenses 3:8 - Nuevo Testamento Toba Maskoy

⁸ Koka lhamakho qaselha lhta m'a kolhva koka nlhenkek evalhok mankoliennaktema m'a, have kto nak qaselha altaqmelo nak asiekpelkangveiakmo nak Cristo Jesús apveske ehenkok, askelhakhangkek lhamakho qaselha lhta malha basura ntemak ma'a aniem'o lhta asmama takha Cristo,

Filipenses 3:8 Referans Kwoze

Romanos 8:18

Niekhe nellengaiangko ketsek akientalhnema kolhvave nak, mangkolhnok avanhek hato ka m'a aktaqmanma angelloka m'a.

Hechos 20:24

Koka mamma aptaikama evalhok angvetsepok kelhaha, askeltavek ko'o asavhok asmakmekama malha askelpaivasemmalhka aptakha lhta apaivoma Apveske Jesús heiano akieplomo akpaihekha evalhok, apkeltemo lhta apaiaksek ania'a aktaqmanma aplhenammap hengellamelaiam Eniapom Neten.

Filipenses 3:7

Koka lhamakho qaselha lhkek askanemo lhta ko'o akto neten ankek akiaspommalhka m'a, koka mmaskek kolhvave nak aniem'o Cristo.

Juan 17:3

Etlhevangkok hata aliennaktema apnenio'ok aniem'o apkeliekpelkangveiam lheiap apto lhema aphapak aknema apmopvana, apkeliekpelkangveiam na Jesucristo apto lhta apkapaskama lheiap.

Filipenses 3:10

Asmak'ak aiavenkasangkok mokhom asiangveiakmo Cristo, asmak'ak na annangkoho nema akmovana aklhatekhaskeiakmo lhnak Cristo apieseksek apkenmaskengvaiakmo, ntasek na annangkok akientalhnema akvakmo asketsepo aptemo lhta nhan apkaniemhaikama m'a Cristo,

2 Pedro 1:3

Apmopvana nak Eniapom Neten hengeliekpelkeskaskek apto neten apankek nema apmopvana, elanak na qaselha hempelapkeskama, hengellavema lhta kakpota hengellangkok lhamakho qaselha alaimommalhkelha la'a angellanangkok na aktaqmanma.

1 Corintios 2:2

Vanlha lhta mota askeleltennaskamo akietemo nkek aklheianma evalhok ania'a aplhenammap Jesucristo apketsepma neten iamet aktenneskama.

1 Juan 5:20

Nengeliavek na apvai'o lhta Eniapom Neten Apketka, hengellangkongvai'o lhta nhan aknema nengeliamo kakpota angeliekpelkangvomok ma'a apto have niapak anke nak niapom, nelpasmekhek na ennengko'o m'a aniem'o apketka Jesucristo. Koka apto Eniapom Neten, apto nha niapom have niapak anke, hengaikamok na akiennaktema enneniek nkotnengvaianlha nnelha.

Juan 14:20

Netamen akvakmo ta aknem asvaktamo mokhom hengke'e, eliangvakhok hata ketlhengkap ko'o kakpota nhan Tata nelelto enlhema, ko'o kakpota nhan ketlhengkap nelpasmommalhko m'a.

Hebreos 3:14

Ampakhasekha nke lhta mongeliaskeiam ennengko'o Cristo m'a, ka nelvaskapo la nhan akiennaktema mongeliaskeiam akvakmo aktakha nnelha aknem, netamen angelpasmekhak hata ma'a nenlhamakho qaselha apankok Cristo m'a.

2 Corintios 4:6

Aptepkeskangkek nak nanek Eniapom Neten apommatema neksa ienaqtesakha lhma, aptepkeskangkek na apommatema engelvalho'ok anak kakpota nkoltetkesek enenlhet'avok netlheno la'a ania'a aktemakha aplhenammap Cristo, netamen hata nkotlhene ta apvalho'ok Eniapom Neten apto akietnema akiavai'a apmopvana m'a.

Juan 14:7

Koka heliekpelko la apankavek ketlhengkap, eliekpelkok hata nhan ko'o Tata. Apkeliekpelkek koka kolhvave nak ngkanek apkelvet'a ie —lhta aptak Jesús.

Efesios 4:13

akvakmo nenlhamakho nelvanengkaso kakpota angelpasmekhak ma'a aniem'o mongeliaskeiam kakpota nhan neliangveiakmo Eniapom Neten Apketka, akvakmo nhan nentangko aliennaktema nkek engvalho'ok malha Cristo la'a.

2 Pedro 3:18

Ntasek koka elvanengkesek lhamakho aknem nengamelaiam anak kanhan nenianveiakmo apkellaikamo lhta apveske engankok kanhan apto henvonkeskama tep Jesucristo. ¡Angeltakneskasangko toka apvesai'a m'a nenvanlha nak kanhan emanie nak metka nnelha! Amen.

1 Juan 1:3

Hai, netlheianme mota aktemakha lhta nenvetai'a, nellengai'a nhan, kakpota ketlhengkap hengelpasmekhak ennengko'o m'a, ka ktemo nak ennengko'o hengelpasmekho Eniapom kanhan Apketka Jesucristo.

2 Timoteo 4:6

Ko'o koka ketsek nkaimelhkak asketsepmakha, atnek hata kto nak malha nentoskama nak apmatnama nengaikamok la Eniapom Neten,

Juan 20:28

Lhta aptak Tomas: —¡Apveske ehenkok anak lheiap, Eniapom Neten ehenkok nahan! —lhta aptak.

Juan 16:3

Koka nkeniemai'ak mangheliekpelkemak ko'o m'a kakpota nhan Eniapom enenlhet meliamolhma nak ma'a.

1 Juan 2:19

Apkakhangkek nenieseksa ennengko'o m'a apkellammelhmakha nak, koka hengelieniekhek lhta nhan ngkanek have netlhelhma'ak engankavek ma'a. Lhta kto la netlhelhma'ak engankavek ma'a, manghengelieniekhe lhta nhan ma'a, nelvetai'a koka iokhalhmek ankek have aplhamakho netlhelhma'ak ma'a.

1 Pedro 2:7

Ka metaimong anak akto akmennave nkek napaqtavek ketlhengkap meliaskeiakmo nak, koka apkeliaskeiakmo nak ma'a ngkotnek hata apkelvetai'a aktemo nak aktalhesammalhka vakkahak Eniapom Neten apaivoma m'a, ka ntemak heng: «Ka metaimong alhta apkeltakheskamo apkellanekamok pa'at, ntakhek mokhom nema akmaikama aniem'o neten ankek aktaqmanma anmama m'a,

2 Corintios 4:4

apkeliaskakmek na m'a aniem'o aveske hengke'e nalhepop anak nkeltemeskaskek malha ienaqtesa lhma apaqto'ok. Mankonmak'ak elvetak apommatema akto neten anko ie aniem'o m'a ania'a aktaqmanma nak aplhenammap Cristo apto aknema apmopvana, apnemo nhan Eniapom Neten ma'a.

1 Corintios 9:10

koka have vanlha buey ma'a, ennengko'o nhan hengetlheianma kakpota nkoltaqmelek nellaniemhaikama ngkanek lhamakho henganemakha nak aklheianma altemo nkoltaqmelkesek nellaniemhaikama. Hai, apto la apengkaiam lhepop aniep kakpota nhan apto la apkemposkai'a aiempeiok apkanma la aktek, nietavek na m'a elel·halhnek akianmoma m'a.

Juan 20:13

Lhna lhta aptaiangkok apkellanemo: —Ngkelvana, ¿se lha ntak akveno nak ke, he? —lhna lhta aptaiangkok. Ka atemmoiangka lhna lhta ma'a: —Nnek akvo'o aphapak Apveske ehenkok, moihok aknakha akpekkanvanlha' —lhna lhta ntemak ma'a.

Lucas 11:20

Ko'o nhan askelentepkasak kasekapok av'alho'ok aniem'o apmopvana Eniapom Neten, apkelvetak iokhalhmek ankek ketlhengkap akvo'o aktemakha apveske Eniapom Neten hengke'e.

Lucas 1:43

Have ko'o asto neten ankek asiaspommalhka hetno nak amaika'a lheia', lheia ta etnek ngken Apveske ehenkok.

Romanos 8:39

Mamma akmovana aniem'o neten anak kakpota nhan konne ankek nalhepop anak, mamma qaselha apkelentepkeskama lhta Eniapom Neten, mankollavankek na hengelienievkesek hengamelaiam Eniapom Neten aniem'o Apveske engankok Cristo Jesús.

Filipenses 1:1

Ko'o Pablo kakpota nhan Timoteo, nengelelto hengellasennaikama Jesucristo, nketlhenkek engelvalho'ok apkellelto apkelpokkenammap apkakhangko ham akieto natemma Filipos, apkellelto apkelpasmekha Cristo Jesús. Ka nhan nketlhenak na engelvalho'ok ennengko'o apkelemhama apmaniaie ham kakpota nhan diaconos.

Filipenses 3:12

Koka movakmok mokhom aktakha nnelha asavhongvaiakmo qaselha astakha lhkek askellano, mopenesak mokhom askelanekha astakha, koka nheklhek alhengkeskama kakpota alanekhak astakha ngkanek Cristo heliekieske lhta kakpota atnek aspenesammalhka.

2 Pedro 1:2

Askeltavek nkanantangkok altaqmanma apkellangiemhaikama kanhan altaqmelaikama apvalho'ok aniem'o apkeliangveiakmo Eniapom Neten kanhan Jesús Apveske engankok.

2 Pedro 1:8

Nkaimelhkek angellanesangkok akiekangveiakmo engelvalho'ok anak qaselha altaqmelo nak kakpota ngkotnekhak malha allentepekha m'a nkollanangkok qaselha altaqmelo. Koka mantangko la m'a, malha aqhemo ta ngkotnek neliangveiakmoho apveske engankok Jesucristo.