Filipenses 3:1 - Nuevo Testamento Toba Maskoy

¹ Ketlhengkap elialheng'a, kolpaihekha apvalho'ok aniem'o apkelpasmekha Apveske. Smak'ak altakhengveskakhak mokhom asnaktalheskeskama sekhe lhta, mangheiastengak askeltakhengveskekha astalheskama nak ngkanek nkelpasmek ketlhengkap kakpota metlhenmek.

Filipenses 3:1 Referans Kwoze

Filipenses 4:4

¡Kolpaihekha ta mota apvalho'ok aniem'o apkelpasmekha Apveske, hai, kolpaihekha ta mota apvalho'ok!

Romanos 5:11

Nkelpaihekhavek koka engelvalho'ok kolhvave nak ngkanek hengenmekho mokhom takha Eniapom Neten aniem'o Apveske engankok Jesucristo.

Santiago 1:2

Ketlhengkap elialheng'a, nkolpaihekha ta apvalho'ok neksa akvai'a la akientalhnema koka akmahai'a nkoiepkonek

1 Pedro 4:13

Kolpaihekha toka mota apvalho'ok apkelvet'o la apkellengaiangko, ka aktemo lhta nhan Cristo m'a, netamen nkolpaihekhak hata nhan apvalho'ok apkelhiakmo ta m'a akieplomo akiavai'a apientalhnemo.

1 Tesalonicenses 5:16

Kolpaihekha koka mota apvalho'ok,

Filipenses 4:8

Ketlhengkap elialheng'a, asmak'ak aleltennaksek mokhom aktakha nnelha, kotlhen hata apkelvalho'ok lhamakho qaselha akto nak have niapak anke, nentemakha nhan akto akietemo nkek nengai'o emmo'ok anak, qaselha akpeivomo, qaselha alhnai'o nkek, qaselha akleklema engvalhok, kanhan aklhenammalhka nak qaselha altaqmelo. Hai, lhamakho qaselha lhkek altaqmanma alheianma, qaselha aklhenammalhkak altaqmelo, ntasek nkotnangkok hata mota atlhenaikama apvalho'ok ma'a.

1 Pedro 3:8

Hai', ka m'a, ¡mellaskesap ankek ame' apieseksek anak ketlhengkap! Elhneso ta mota nhan atlhenaikama apvalho'ok po'ok la'a, ellasekhakpo malha apkelialheng'a apankavek la'a, etnamok hata nhan apkeliamolhma kanhan nalhep'avek apvalho'ok.

2 Corintios 13:11

Hai, ka m'a, askeltavek ko'o nkolpaihekha mota apvalho'ok ketlhengkap elialheng'a ham, elienlhanmamok hata mota apkenmahai'a eletsavhongvomhok apkeliangveiakmo, eliatamo ta mota po'ok, elloka ta lhemek aknemo mo'ok apvalho'ok kanhan metka akmaska nak apieseksek anak ketlhengkap ham. Eniapom Neten apto niapom aktaqmelaikama engvalho'ok anak kanhan nengamelaiam, etnangkok apketlhelhma'ak amota ham.

2 Pedro 3:1

Elialheng'a askellamelaiam, hanet astalhesekho ntak vakkahak anak asmahai'a aleltennasangkok kakpota nkolketamangkok apvalho'ok akto akpeivomo nke.

Efesios 6:10

Hai, ka m'a elialheng'a, eteniamok hata mota Apveske kakpota ellangkok apkeliennaktema m'a, nietnek akiavai'a nkek apmopvana m'a.

Lucas 1:47

Mpaihakhek evalhok aniem'o Eniapom Neten apto hevongkeskama tep.

Filipenses 3:3

ngkanek aplhamakho apkellelto nak apkellasennaikama Eniapom Neten aniem'o nhan Espíritu, malha nhan nema aliaqtemanma nekhatkok apkellammelhakha m'a ntak napaqtek ma'a. Koka akto nhan neten ankek akiaspommalhka m'a mangkolhnok ma'a aliaqtemenammalhka nekhatkok apkellammelhakha judios apankave'. Nkellaqhama ennengko'o engelvalho'ok aniem'o mongeliaskeiam Cristo Jesús, mongelleltemo ennengko'o ngkolhek hengelleltaqmelkeskaso aniem'o nelieplavkeskama aptaiangkolha nak judios.

1 Tesalonicenses 4:1

Ketlhengkap elialheng'a, neleltennaskek lhema nempaivoma akieplomo apvesai'a apveske engankok Jesús, eltaqmelkasakpo ta lhamakho aknem ngkanek apiaspongkomakha Eniapom Neten ma'a, ka nentaiangkolha lhta nhan nengetlhekmoseiangko ketlhengkap ma'a, kolhva apkelleliahakhavek na ketlhengkap ma'a.