Filipenses 2:5 - Nuevo Testamento Toba Maskoy

⁵ Etnamo ta ketlhengkap aptemakha lhta mota Cristo,

Filipenses 2:5 Referans Kwoze

1 Juan 2:6

Enenlhet apto la aplhenammakpo pankek apto apasmekha m'a, nkaimelhkek na etnek aptemakha lhta mota m'a.

1 Pedro 2:21

Neksa apkellavekama lhta Eniapom Neten ketlhengkap apiamave lhtoka nhan elvetak hata akientalhnema aniem'o aknaikamok apkelleliehekho ma'a, ka aptemo lhta nhan Cristo aplengaiangko aniem'o apkelpasmoma ketlhengkap, apkeleltemo lhta nhan ketlhengkap elvanangkok ma'a aptemakha.

1 Pedro 4:1

Aplengaiangke lhta nhan Cristo neksa apkaniemhaikama hengke'e nalhepop anak, ntasek na enmankok takha ketlhengkap ma'a akvo'o la apkellengaiangko akientalhnema. Enenlhet apto la apmopvana evaskapok neksa akvai'a la akientalhnema, apmopvana nhan etneskasentak koneng ngkollatsekama nak

1 Corintios 10:33

Askelienlhanakmek ko mota nkollekkasama apvalho'ok aplhamakho enenlhet'avok astemakha, metka asteniai'a ehenkok ehenke', asteniak koka kakpota altakmelkeskesek apkellangiemhaikama emmo'ok la'a kakpota nhan ngkolhek alvongkaso tep.

Efesios 5:2

Ellasekho nhan po'ok ka aptemakha nak Cristo hengellasekhai'avek ennengko'o, apkaiangkave panke lhta nhan kakpota hengeltaqmelkeskesek nellaniemhaikama m'a, malha aptemak ma'a qaselha nengaikamok anak Eniapom Neten, kanhan malha nentoskama nak akvanlhemmalhka aktapeiam anak aimes akleklemelha apvalhok Eniapom Neten.

Romanos 15:5

Askeltavek ko'o Eniapom Neten apto niapom metka nenpekheskama nak kanhan ma'a akpaieskaiam engvalhok, elpasmok ketlhengkap kakpota elloka lhemek annemo mo'ok apvalho'ok, aptemakha lhta mota nhan Cristo Jesús.

Hechos 20:35

Vanlha mota asketlhekmoskama askeleltemo eleliephekho enmakmama kakpota elpasmok enenlhet metka nak apkelletsekama, aptemakha lhta mota aplheianma Apveske Jesús, lhna aptemak: "Aktaqmelakho nkek apkaikamo nak po'ok qaselhaha, melhnok ma'a apto aplhevai'a qaselhaha".

Romanos 15:3

Ka aptemakha lhta mota Cristo meteniai'ak ngkolhek akiaspengka apankok apanke, ka aktemo nak aktalhesammalhka Vakkahak Eniapom Neten apaivoma hengke'e: «Nteiakme lhta tekhelhet ko'o aptaqnommap lheiap»

Lucas 22:27

Apieseksek la enenlhet'avok apto apnema nak nekha asota apto nhan neten apankek ma'a, koka apto la nema annengkasekama nak koneng apankek ma'a, ko'o koka hellasennama mota ketlhengkap.

Romanos 14:15

Ellailho no, ka apkellavkeskakmo la po'ok ketlhengkap aniem'o m'a aptekamok metoiangkolha nak apkellaskama, koka have akvesai'a nengasekhai'o emmo'ok ma'a ngkanek apkellasekhavek na Cristo m'a engelialheng'a nak, apketsepke lhta nhan apkeliaqmoiekha m'a. Metavamonkek na aptekamok napaqtavek ma'a kakpota nkoliasangko lhma ngkanek nkonnathaksek hata m'a, elvatesangkok hata nhan aptaikamok meliaskeiam.

Hechos 10:38

Ka aptemo lhta malha apiangkanma Eniapom Neten takhaplhet Jesús ko Nazaret Espíritu Santo m'a kanhan apmopvana. Apto lhta nhan apkeltakmelkeskaiam apkellelto anmaikama aveske keliaqhameio', apkelanei'o lhta nhan aktaqmanma aniem'o aplhelhma mota Eniapom Neten.

Filipenses 1:1

Ko'o Pablo kakpota nhan Timoteo, nengelelto hengellasennaikama Jesucristo, nketlhenkek engelvalho'ok apkellelto apkelpokkenammap apkakhangko ham akieto natemma Filipos, apkellelto apkelpasmekha Cristo Jesús. Ka nhan nketlhenak na engelvalho'ok ennengko'o apkelemhama apmaniaie ham kakpota nhan diaconos.