Filipenses 2:2 - Nuevo Testamento Toba Maskoy

² netamen elloka ta m'a metka akmaska apieseksek ketlhengkap ham, ellasekhok na po'ok, aknemo nhan mo'ok apvalho'ok, eteniangkok na aknemo mo'ok qaselha apanko'ok. Ka aptangko la ketlhengkap ma'a, nkopaihekhak hata evalhok ko'o.

Filipenses 2:2 Referans Kwoze

Romanos 12:16

Elienlhanmamok hata nhan ellanangkok metka akmaska apieseksek ketlhengkap, metnamo nkek apkellammakpo eltemeskasentak koneng metka nak apkelletsekama, ntasek koka elpasmekhak ma'a, metnamo nkek apketlhenammakpo apankavek nema apkeliangveiakmo.

1 Corintios 1:10

Ketlhengkap elialheng'a, askelelmalhneskaskek akieplomo apvesai'a apveske engankok Jesucristo ntasek etnangko mota aknemo mo'ok apvalho'ok apieseksek anak ketlhengkap ham. Metka nhan apkelhpaknaikama, vanlha etnangkok apkelpasmekha ham. Etnamok hata aknemo mo'ok apvalho'ok atlhenaikama kanhan aknemo mo'ok apvalho'ok apkenmak'akha la etnangkok.

2 Corintios 13:11

Hai, ka m'a, askeltavek ko'o nkolpaihekha mota apvalho'ok ketlhengkap elialheng'a ham, elienlhanmamok hata mota apkenmahai'a eletsavhongvomhok apkeliangveiakmo, eliatamo ta mota po'ok, elloka ta lhemek aknemo mo'ok apvalho'ok kanhan metka akmaska nak apieseksek anak ketlhengkap ham. Eniapom Neten apto niapom aktaqmelaikama engvalho'ok anak kanhan nengamelaiam, etnangkok apketlhelhma'ak amota ham.

3 Juan 1:4

Avanhek ankek na akpaihekha evalhok neksa aslengai'a ania'a eietkak apkelleliehekho akvesai'a nak akto have niapak anke.

Filipenses 2:16

melieniav ankek na ania'a aktaqmanma akto nak hengaikamok neniennaktema, netamen nkaqhama ta evalhok ko'o m'a apvaktamo ta Cristo ngkanek have aqhemo akientalhnema asmakmekama apieseksek ketlhengkap ham.

Hechos 2:46

Lhamakho knem nak apkaqnekha mota akieto Eniapom Neten apnemakha m'a, kakpota nhan apkelpasmekho m'a apkakhaiangkelha nentoma aktaqmanma. Aptaveikokho nhan nentoma nkek akieplomo alpaihekha apvalho'ok ma'a kakpota nhan allakhaiangka apvalho'ok.

2 Juan 1:4

Avanhek ankek lhta akpaihekha evalhok askelvetangvaktamo lhta moklhem'a atkak ham apkellaneiangko akto have niapak anke, apkanemakha nhan antangkok ennengko'o Eniapom ma'a.

2 Tesalonicenses 2:13

Ketlhengkap elialheng'a apkellamelaiakmek Apveske, vanlha mota ennengko'o nentaikamok gracias Eniapom ngkanek apkeliekiesaiangkek tep nak nanek apmaniaie apankavek ma'a kakpota elvongkesek tep aniem'o Espíritu apkeltemeskeskamo nhan apkelpokkenammap ma'a aniem'o lhta meliaskeiam ketlhengkap ma'a ania'a akto have niapak.

Colosenses 2:5

Kolhva koka molhnemak apieseksek ketlhengkap ham, evalhok koka malha ntemak aknema ham, avanhek akpaihekha evalhok ngkanek avanhek apkeltakmelkeskamo apankavek apkakhaikamok ham, apketlhengkeskangkek na aliennaktema nkek meliaskeiam Cristo.

Filipenses 4:2

Askeltavek ko'o angvapiosama alanhok Evodia kakpota nhan Sintique nkotnangkokhak aknemo mo'ok atlheianma av'alho'ok ngkanek engelialheng'a aniem'o Apveske.

Filipenses 2:20

Vanlha lhema Timoteo aknemo mo'ok mota engvalho'ok apmahai'o panke' elpasmok ketlhengkap ham,

2 Corintios 7:7

Atse lhta apvalhok apvo'o Tito hengke'e, apsantamo ania'a apkelvesai'a ketlhengkap, apkenmahai'o lhna lhta hengelvetak ennengko'o. Nkellaioseskeskangkek na lhta apvalho'ok ketlhengkap aniem'o atlheianma mota apvalho'ok ko'o, avanhek na lhta nhan altaikama apvalho'ok aniem'o ko'o m'a. Koka avanhek na akpaihekha evalhok asleng'o ania'a apsenta Tito.

2 Corintios 2:3

Vanlha lhta askellapaskaso vakkahak alhta ham astalheskama kakpota mellaioseskasek evalhok asvaktamo la ham. Ntasek koka elpaiesekha mota evalhok ketlhengkap, asiavek na ko'o alpaihekho mota apvalho'ok ketlhengkap helvet'o la akpaihekha evalhok asvaktamo la ko'o ham.

Hechos 5:12

Apkellaiangko lhnak apkenmopvanka'a Eniapom Neten nema allapaskamo kakpota ellanangkok nkeskama qaselha mongenatkeskama kanhan qaselha hempelapkeskama apieseksek enenlhet'avok. Lhamakho aknem nak ma'a apkaqnekha meliaskeiam Jesús akieto malamong avhak pa'at akvesai'a Salomón.

Hechos 1:14

Aptaiangkolha lhna mota apkaqnekho apkelelmalhnongkoma m'a kanhan moklhem'a ngkelvana'ak, kanhan ma'a Jesús angken akvesai'a María kakpota nhan apkelialheng'a m'a.

Filipenses 1:4

askenmalhneskaskek na m'a akieplomo akpaihekha evalhok kakpota eltaqmelkesek moklhem'a ketlhengkap ma'a,

Juan 3:29

Neksa aktaqmelaikama lhma aliemhapma la'a, neten ankek apiaspommap apokkenammap anak aliemhapma, nkoliemhapok apmahai'akha. Apketsevasavek na m'a apto aptaiangkolha la aplhelhma nengaqte, mpaihakhek na apvalhok apleng'o apkeltennaikama m'a. Nnavek na ko'o lha, mpaihakhavek ankek evalhok kolhvave nak,

2 Timoteo 1:4

Nlheianvakhek na ko evalhok lheiap aiosei'o nak apvalhok kanhan apvenemo lhta, avanhek askeltemo atekhak mokhom lheiap kakpota nkopaihekhok ankek evalhok.

Hechos 2:1

Ngvaiakmek nak aknem aktaqmelaiangkelha lhma akvesai'a Pentecostes ma'a, apkaqnekhek nak aplhamakho apasmekho m'a.

Filemon 1:20

Eialheng, ntasek eliehekhok askeltakha etnek lheiap kakpota aiennekhok mokhom hengke'e, etne ta aniem'o apkamelaiakmo Cristo lheiap, aniem'o nhan engelialheng'a.