Filipenses 1:7 - Nuevo Testamento Toba Maskoy

⁷ Nietavek atnek aklheianma evalhok ketlhengkap akieplomo akpaihekha evalhok ngkanek helpasmoma mota neska asmakmekama aniem'o Eniapom Neten aktaqmanma nkek helanei'o. Hai, niekhe asnema konne nengaqlhengkasemmalhkelha kanhan napaqtavek apkelveskai'e kakpota angvasennalhko ehenke aniem'o askanemmalhka moiekaksek aspaieskama ania'a aktaqmanma, helpasmongke mota nhan ketlhengkap ma'a.

Filipenses 1:7 Referans Kwoze

2 Corintios 7:3

Momak'ak ko atlhenek apketselhnanemmap ketlhengkap, nkaqhok koka m'a nellamelakmek akno la mo'ok engelvalho'ok atlheianma, nlho ka la nkolhnemo mo'ok engelvalho'ok.

Filipenses 1:5

ka ngkanek ampai'akhasekha lhta apkellengai'o sekhek ania'a aktaqmanma akvakmo nenvanlha nak, helpasmongke lhta mota asmakmekama nak.

2 Timoteo 2:9

asvet'ak nahan akientalhnema akvakmo nhan akno henakteto cadenas akieto nengaqlhengkasemmalhkelha malha aktonak enenlhet la meihamolhma, koka Eniapom Neten apaivoma nak mankaqlhengkasemmalhkak ma'a.

Colosenses 4:18

Hai, ntasek ma'a, nlhenkek evalhok ketlhengkap. Kotlhen hata mota apvalho'ok neksa asnema ko'o hengke'e nengaqlhengkasemmalhkelha nak. Askeltavek na Eniapom Neten eltaqmelkeskesek apkellaniemhaikama ketlhengkap ham. Amen.

Filipenses 4:14

koka ntasek na helpasmomo ketlhengkap neksa akientalhnema.

Efesios 6:20

Eniapom Neten alhta apkeniemei'o apankek heiapaskama kakpota alhenek ania'a aktaqmanma nak, ka ngkanek askaqlhengkasemmalhko nak. Helelmalhneskes hato ka Eniapom Neten heiangkok asiennaktema kakpota alhenek metka askai'a ania'a aktaqmanma nak.

Efesios 3:1

Ka nkeniemai'ak ma'a nemo nak heiaqlhengkeskamo nemmammalhkelha aniem'o askasennaikama Cristo Jesús kakpota altakmelkeskesek apkellangiemhaikama ketlhengkap metnangko nak judios.

Hechos 20:23

Koka neksa alhengama alhta mota lhamakho apkellavakha lhmankek ham, heltennaskangke lhta mota Espíritu Santo nkolhe ta hetvaso m'a, kakpota nhan ngkolhek hetalhneso nenmammalhkelha.

1 Juan 3:14

Ennengko'o lhennenga nellomaka lhta malha neletsepma, kolhva koka neliavek nentaikokhok mokhom enhalhnanko'ok ngkanek nellasekhavek engelialheng'a. Enenlhet meniasekhai'o la po'ok, malha apketsepma ntak m'a.

2 Pedro 1:13

nkaqhok koka askeltakhengveskakhek askellanemakha etnangkok neksa askaniemhaikama mokhom henke'e.

1 Pedro 4:13

Kolpaihekha toka mota apvalho'ok apkelvet'o la apkellengaiangko, ka aktemo lhta nhan Cristo m'a, netamen nkolpaihekhak hata nhan apvalho'ok apkelhiakmo ta m'a akieplomo akiavai'a apientalhnemo.

Hebreos 3:1

Ketlhengkap elialheng'a, apkelpokkanma, apkellavekama lhta nhan Eniapom Neten, ka nkeniemai'ak ntasek nkolietnama apaqto'ok amota aptemakha lhta Cristo Jesús. Netlheianmo na mota ennengko'o apto apkapaskama Eniapom Neten kakpota nhan apto apiav'akha sacerdote m'a.

2 Timoteo 1:8

Ka ngkanek memangkankek na elhenek apvesai'a Apveske engankok, ka nhan memangkankek na helhenek ko'o asnema nengaqlhengkasemmalhkelha aniem'o askasennaikama Apveske. Ka apvanko ta emok takha lheiap apvet'o la akientalhnema aniem'o apkeltennaikama ania'a aktaqmanma, Eniapom Neten hato ka nhan eniangkok apiennaktema kakpota evaskapok lheiap.

1 Tesalonicenses 5:5

Aplhamakho ketlhengkap apkelloka mota atsak'elha lhma aknem anke nak, have pelhasep anak apienakteskama na lhma.

Colosenses 4:3

Elelmalhnama ta nhan Apveske kakpota hengellangkok ngkeskama nempaieskama ania'a aktaqmanma kakpota angeliekpelkeskeskamhok qaselha akielhammalhka aniem'o Cristo, asnek ko'o kolhvave nak hengke'e nengaqlhengkasemmalhkelha nak aniem'o aspaieskama ania'a aktaqmanma nak.

Efesios 4:1

Ka nkeniemai'ak ko'o m'a, askaklhengkasemmalhko nak aniem'o heiasennaikama Apveske, askeltavek eltaqmelkasakpok akietemo nkoie ngkanek Eniapom Neten apkellavekama ketlhengkap.

Galatas 5:6

Koka apkelpasmakho la Cristo Jesús, mmaskek aktaqmelo m'a akiaqtemenammalhka nak nekhatkok nengammelhakha nlho ka la m'a, vanlha nkaimelhkak nkoitek mongiaskeiam anak kakpota nkotepkesek nengasekhai'o nak emmo'ok ma'a.

2 Corintios 3:2

Ketlhengkap na apkellelto malha vakkahak nema aktalheskama aklheianma neliamolhma, neksa apkelvetai'a enenlhet'avok apkeltemakha apkeltakmelkasemmakpo ketlhengkap, nkotlhenek na apvalho'ok ennengko'o aktaqmanma nenmakmekama m'a.

1 Corintios 13:7

Enenlhet akietno la apkasekhai'o po'ok, metka astengangveiam apasmoma po'ok, mei'askeiam lhamakho m'a, apkelailhema qaselhaha, apmopvana nhan evaskapok neksa apieplavkeskama aplengangko la akientalhnema.

1 Corintios 9:23

Lhamakho qaselha aktemakha nak askellanai'a kakpota nkotaqmelek ma'a ania'a aktaqmanma nak, kakpota nhan angvetsevaso ko'o aniem'o m'a.

Hechos 21:33

Koka apveske apanko lhta soldados ma'a apatheto lhta Pablo, apkelto nhan ngkolhek aknakteto hanet knonemaie cadenas, apkelelmalhnengka nhan enenlhet'avok ma'a, lhta aptak: —¿Sek la enenlhet hengka ie, se lha apkelanei'o ie, he? —lhta aptak ma'a.

1 Pedro 5:1

Kolhva asmak'ak aleltennaksek metno apketko'ok anak apketlhengkeskeskama na mota apkaqnekha apieseksek anak ketlhengkap, ko'o nhan asto motno apketkok, asvetaiangko lhta nhan aplengaiangko Cristo, alhkak hata nhan qaselha altaqmelo akmo'o ta nkovak emanie nak.

Filipenses 1:12

Ketlhengkap elialheng'a, smak'ak aleltennaksek kolhvave nak ma lhta ngkolatsekama nkek ko'o askaniemhaikama, nkaqhok koka ngkolatsekama nak malha heihengekamok ntemak ma'a aspaieskamo ania'a aktaqmanma.

Filipenses 1:13

Apkeliavek aplhamakho enenlhet'avok kanhan apkellanekama temma aptaqmanma apnemakha apveske, asmammalhko aniem'o apvesai'a Cristo.

Filipenses 1:14

Neksa apkellengai'a lhnak lhta engelialheng'a asnema nengaqlhengkasemmalhkelha nak, avanhek na lhta apkelvaskapekho apkelpaieskama ania'a aktaqmanma metka apkellai'a akieplomo nhan meliaskeiam Apveske.

Filipenses 2:22

Apkellengai'a ketlhengkap aktaqmanma aptemakha Timoteo, avanhek asmakmekama lheme' aplheianma ania'a aktaqmanma, hepasmek nahan malha apto nak eietka la'a.

Filipenses 4:3

Lheiap apto alhelhma heiasekhai'o aptema nengaqte mota asmakmekama, askapiosema askelan'o lheiap askeltemo elpasmok ham ngkelvana'ak anak ngkanek helpasmongke lhta mota aspaieskamo ania'a aktaqmanma. Clemente lhta nhan netlhelhma'ak ma'a kanhan aplhamakha alhta, nnaiangkek koka apkelvesai'a m'a lhema vakkahak akiennaktema enneniek nkotnengvaianlha nnelha.

Filipenses 4:15

Askempai'akha lhta sekhek ankek alhengama akieto m'a Macedonia kakpota apaiaksek ania'a aktaqmanma, vanlha lhta mota ketlhengkap ko Filipos hellapaskeskama hepasmoma la'a, mamma lhta mo'ok la iglesia hellapaskeskama m'a.

Filemon 1:13

Askeltavek niekhe elhek mokhom hengke'e kakpota angvasennama mota neksa askaklhengkasemmalhka aniem'o aspaieskama ania'a aktaqmanma. Askeltavek na niekhe etnek malha apkapaskama la mota lheiap hengke'e kakpota hepasengvata mota,