Filipenses 1:6 - Nuevo Testamento Toba Maskoy

⁶ Ampai'osekha lhta apkelanai'a Eniapom Neten qaselha altaqmanma apieseksek anak ketlhengkap, have niapak ankek ngkovomok hata aknem apeneskama m'a akvakmo apvaktamo ta Jesucristo hengke'e.

Filipenses 1:6 Referans Kwoze

Filipenses 2:13

Eniapom Neten hata elpekhesama ellanangkok qaselha altaqmelo, elpasmok hata nhan kakpota ellanangkok ma'a aniem'o apiamolhma.

Efesios 4:12

Apketsavheskeskakme lhta nhan apkeliangveskeskaiakmo m'a apkellelto apkelpokkenammap kakpota etnangkok apkellasennaikama, kakpota enmakmesama elvanengkeskesek malha apiokha m'a Cristo,

1 Pedro 5:10

Koka apkelvaskapo la akiakvatakho nkek apkellengaiangko akientalhnema, eltemeskesek hata nhan apkelpeivomo Eniapom neten ma'a, eliennakteksek hata nhan, elteniaskesek hata nhan apiempeiok, ellangkok hata nhan apkeliangveiakmo aktemakha apkelvetai'a. Hai, etnek hata Eniapom Neten ma'a ngkanek avanhek apkellamelaiam ketlhengkap ma'a, apkeliekieskek na kakpota elpasengvomok aktakmelakha nkek nkotnengvaiam annelha apkelpasmekha Jesucristo.

1 Corintios 1:8

Eniapom Neten hata etneskesangkok aliennaktema meliaskeiam ketlhengkap akvakmo aktakha nnelha kakpota metlhenek enenlhet apnaqtevaskama mota po'ok napaqtek apveske engankok Jesucristo apteiapvo'o ta m'a.

2 Tesalonicenses 1:11

Eniapom Neten apto apkellavekama ketlhengkap ka ngkanek ntasek eltaqmelkasakpok akietemo nkek, nengelelmalhneskaske mota Eniapom Neten elpasmok eleliehekhok ma'a, ellangkok na apkenmopvanka'a kakpota ellanangkok lhamakho qaselha altaqmelo apkenmak'akha la ellanangkok aniem'o alpekhesaikama meliaskeiam.

Hebreos 10:35

Ntasek etlhengkesek meliaskeiam Eniapom Neten, netamen hata m'a etlhevangkok akiavai'a akianmoma m'a.

Juan 6:29

Ka apkellatemmongka lhta Jesús ma'a, lhta aptak: —Eniapom Neten apkeltavek meliaskamek apto apkapaskama —lhta aptak.

Filipenses 1:10

akietemo nke nak nentemakha. Netamen ma'a elloka ta metka apkellanekamok qaselha ngkolatsekama, mangkolhek hata nhan apketselhnanemmap napaqtek Cristo apvaktamo ta mokhom.

Hebreos 12:2

Ntasek antangkok malha nengammelhmo apnakha Jesús apto hengellaikamok nentaikamok mongeliaskeiam ma'a, apto nhan apsavheskeskaiakmo akvanekamok mongiaskeiam anak. Apvaskapme lhta m'a neksa akientalhnema neten iamet aktenneskama, niekhe qaselha henmankaskama m'a, koka apvaskapme lhta aniem'o nietnek akietnaikama apaqtek akpaihekha ta apvalhok apmanie, netamen koka m'a apnekho napokha akiennakha aptanema Eniapom Neten.

1 Tesalonicenses 1:3

Neksa nelelmalhnongkoma Eniapom Neten nketlheianvekhe mota engvalho'ok aknaikamo lhta aliennaktema meliaskeiam ketlhengkap nkeltemeskeskangke lhta akiavai'a apkenmakmekama, apkellasennaiangka lhta nhan po'ok akieplomo apkellasekhai'o, nnaianke lhta nhan alel·halhnekamok apvalho'ok nkovak ma'a apkelpasmoma Apveske engankok Jesucristo.

Filemon 1:21

Astalheskaskek ko'o lheiap asiavek heliehekhok hata, neten ankek hata etnek lheiap apkellanai'a qaselha askeltakha nak etnehek.

Filipenses 1:29

Eniapom Neten apkellaikamok ketlhengkap qaselha aktaqmanma nkek akvesai'a meliaskeiam Cristo, apkellaikamok na apkellengaiangko akientalhnema aniem'o apkelleliehekho Cristo.

2 Tesalonicenses 3:4

Nengeliavek ennengko'o ketlhengkap apkelleliahakhave mota nengetlhekmosekamo lhta, etlhengkesek hata nhan mokhom ma'a nengetlhekmosekamo lhta aniem'o Apveske engankok.

Colosenses 2:12

Neksa lhta nhan apkellavkesammap konne iemmen ketlhengkap, malha lhta nha ntemak apkelkatonnammakpo lheme la Cristo, netamen apnaklhatekhangveiakmo nhan lhemek ma'a aniem'o meliaskeiam apmopvana Eniapom Neten apto aplhatekhaskeiam ma'a.

2 Corintios 7:16

Avanhek ko'o nhan akpaihekha evalhok nkanek avanhek moliaskeiam ketlhengkap.

Hechos 11:18

Neksa apkellengai'a lhnak ma'a akmaskemo nhan apkeliamenammap Pedro m'a, apkeliavenkaskesaiangka lhnak apvesai'a Eniapom Neten ma'a, lhna aptaiangkok: —Neliavek kolhva ennengko'o apkenmamo takha Eniapom Neten enenlhet metnangko nak judios, apkeltavek na eliaqmongkasekhak mo'ok apvalho'ok ma'a kakpota ngkoitek aliennaktema apnenio'ok mankotnengvaianlha nnelha —lhnak aptaiangkok ma'a.

Hechos 16:14

Lidia lhta akvesai'a lhema ngkelvana, ko Tiatira lhna lhta m'a, ietamopai'a apmennave lhta alhakhama apkelelqama'ak alhto ka iama apkel·hanaktema. Nkai'avek na lhta mota Eniapom Neten ma'a, nkailhangke lhta nhan apketlhekmoskama Pablo aniem'o Apveske aptemeskeskamak ma'a.

Galatas 5:10

Asiave ko'o Apveske ta elpasmok ketlhengkap kakpota mangkotnek mo'ok aktema aklhenaikama apvalho'ok astemakha ko'o. Koka apto la enenlhet apkeliasekamo mota lhma ketlhengkap, ngkolhek hata akiaqmongkaskesakho aptemakha m'a akmak'akha la nkoietoho.

2 Pedro 3:10

Koka nkotlapkesek hata apvekta m'a Apveske, malha ta etnek enenlhet la apmenielhma, nkotvasalhkak hata neten anak nkalhkak hata alpaklhaiam ma'a, ngkolhek hata nhan alvanlhakho qaselha aknaikamo nak neten, kakpota nhan lhamakho qaselha aknaikamo nak nalhepop.

2 Corintios 2:3

Vanlha lhta askellapaskaso vakkahak alhta ham astalheskama kakpota mellaioseskasek evalhok asvaktamo la ham. Ntasek koka elpaiesekha mota evalhok ketlhengkap, asiavek na ko'o alpaihekho mota apvalho'ok ketlhengkap helvet'o la akpaihekha evalhok asvaktamo la ko'o ham.

2 Corintios 1:15

Ka nkanek mankotnama evalhok astaienta la amaika'a mokhom ham kakpota nkotnek hanet aktaiekho altakmelekha apvalho'ok ketlhengkap ham.

Filipenses 2:12

Ketlhengkap elialheng'a heleliehekhave lhta mota asnemo lhta apieseksek ham, ntasek na heleliehekhok kolhvave nak neksa asnema mokhe, ellanamok hata lhamakho qaselha aimommalhkelha la'a kakpota ngkolhek alvongkaso tep akieplomo neksa apkellai'a kakpota nhan neksa apkelelpelhiennoma allai'o apnenio'ok ma'a.

Filipenses 2:16

melieniav ankek na ania'a aktaqmanma akto nak hengaikamok neniennaktema, netamen nkaqhama ta evalhok ko'o m'a apvaktamo ta Cristo ngkanek have aqhemo akientalhnema asmakmekama apieseksek ketlhengkap ham.