Filipenses 1:1 - Nuevo Testamento Toba Maskoy

¹ Ko'o Pablo kakpota nhan Timoteo, nengelelto hengellasennaikama Jesucristo, nketlhenkek engelvalho'ok apkellelto apkelpokkenammap apkakhangko ham akieto natemma Filipos, apkellelto apkelpasmekha Cristo Jesús. Ka nhan nketlhenak na engelvalho'ok ennengko'o apkelemhama apmaniaie ham kakpota nhan diaconos.

Filipenses 1:1 Referans Kwoze

2 Corintios 1:1

Ko'o Pablo asto heiapaskama Cristo Jesús aniem'o nhan aptema Eniapom Neten, alhelhma koka ko'o Timoteo hengke'e. Nengenmak'ak angellapaksek atlheianma engvalho'ok apkellelto iglesia apankok Eniapom Neten ham na temma Corinto, kakpota nhan aplhamakho apkelpokkenammap apkakhangko m'a iokhalhma Acaya.

Romanos 1:1

Ko'o Pablo, heiasennaikama Cristo Jesús, nketlhenkek evalhok ketlhengkap ham. Heliekieskama lhta Eniapom Neten kakpota atnek heiapaskama mota apaiaksek ania'a aktaqmanma apankok ma'a.

Tito 1:1

Ko'o nak Pablo asto heiasennaikama Eniapom Neten, asto nhan heiapaskamo lhta Jesucristo kakpota atlhekmoksek aktemakha mongiaskeiam apieseksek ma'a apkellelto nak apkeliekieskama Eniapom Neten kakpota nkovak apkeliangveiakmo m'a aktemakha akto have niapak ankek nenganiemhaikama aktaqmanma,

1 Timoteo 3:8

Apkenmak'o la etnangkok diaconos nkaimelhkek na ngkotnek nema allai'o apieseksek enenlhet'avok, have nhan etnangkok mangiamo atlhenakha apvalho'ok la'a, have nhan etnangkok anmen ato'ok, have nhan eteniangkok akianmoma aniem'o apkeliennengkeskama enenlhet'avok.

2 Tesalonicenses 1:1

Ennengko'o Pablo, Silvano kanhan Timoteo nketlhenkek engelvalho'ok iglesias akieto apiav'akha temma Tesalonica apkellelto nhan apkelpasmekha Eniapom Neten eniapma'ak ennengko'o kanhan apveske engankok Jesucristo.

1 Tesalonicenses 1:1

Ennengko'o Pablo, Silvano, kakpota nhan Timoteo, nketlhenkek engelvalho'ok iglesia akieto nak ham Tesalonica, apkellelto apkelpasmekha Eniapom Neten apto eniapma'ak kakpota nhan Apveske Jesucristo. Nengeleltavek eltaqmelkeskesek apkellaniemhaikama, ellangkok na altaqmelaikama apvalho'ok ketlhengkap ham.

Efesios 1:1

Ko'o Pablo, heiapaskamo apankok Jesucristo aniem'o apkeltemo atnek Eniapom Neten, nlhenkek evalhok apkellelto apkelpokkenammap kanhan apkeleliehekho mota apkakhangko ham Efeso, aptangko nhan apkelpasmekha m'a Cristo Jesús.

Romanos 1:7

Hai, nketlhenkek evalhok ketlhengkap ko romanos apkellelto apkellamelaiam kakpota nhan apkelleliekieskama Eniapom Neten etnangkok hata nhan apkelpokkanma m'a. Hai, askeltave ko'o Eniapom Neten kakpota nhan Jesucristo apveske engankok eltaqmelkeskesek apkellaniemhaikama, ellangkok na altaqmelaikama apvalho'ok.

2 Pedro 1:1

Ko'o Simon Pedro asto heiapaskama kanhan heiasennaikama Jesucristo, nlhenkek evalhok aplhamakho apketlhevai'a nak mangiaskeiam aktaqmanma nke', ka kto nak ennengko'o aniem'o nak Eniapom Neten kanhan Jesucristo apto apeivomo kanhan hengelvongkeskama tep.

Santiago 1:1

Ko'o Santiago asto heiasennaikama Eniapom Neten kanhan apveske Jesucristo nlhenkek evalhok apkellelto 12 apkelpasmekhak apketkak neptamen Israel, apkakhengveiakmo lhma nkek ham lhamakho apkellavakha.

1 Timoteo 1:2

Nlhenkek ko evalhok lheiap Timoteo apto astemo lhemek moi'askeiam anak, apto nhan malha eietka. Askeltavek na Eniapom Neten kanhan Cristo Jesús Apveske engankok etaqmelkeskesek apkaniemhaikama lheiap, eietnok na napa'at, eniankok na aktaqmelaikama apvalhok lheiap ham.

Hechos 20:28

Pastores aptaiangkok ketlhengkap aniem'o Espíritu Santo apkeltemeskeskama apkelemhama apmaniaie, ¡elel·halhnama ta mota ketlhengkap! Eltaqmelkes hata nhan apkellelto iglesia apankok Apveske, apkellelto lhta nhan apkenmama aniem'o ema apankok.

Apocalipsis 1:1

Koka hengka vakkahak anak aktalhesammalhka nietnek qaselha apvetaskeskama Eniapom Neten Jesucristo akmak'akha ta ngkotnek angketvai'a lhmankek ham kakpota elvetaskesek apkellasennaikama. Netamen apkapaso lhta Jesucristo lhema ángel kakpota esantengkesek ania'a m'a apkasennaikama apankok apvesai'a Juan.

Judas 1:1

Ko'o Judas, Santiago nhan apialheng ko'o, asto nhan heiasennaikama Jesucristo. Nlhenkek evalhok apkellelto apkeliekieskama Eniapom Neten aniem'o apkellamelaiam, apkellelto nhan apkeltakmelkeskama m'a Jesucristo.

1 Pedro 2:25

Apkellomaka lhta ketlhengkap malha nepkesek apketlheneiam la'a, kolhva koka apkelelpengkammakpek akieto m'a apnakha apkelanekama nepkesek apto aptaqmelkeskama m'a.

Tito 1:7

Hai, lhema apkemhama apmanie la'a nkaimelhkek etnek metka la aplhenammap ngkanek Eniapom Neten aptemeskeskama m'a kakpota ellanama takhaplhet'ok apkellelto nak Jesucristo apkennemolhema, metnek apkammakpoho, metka aploma, metka nhan akieihama lhma, metka apkennapommap, metka nhan apielhammakpo elkangkok patakkom apteniai'a la akianmoma apmakmekama.

Hebreos 13:23

Askeltavek na aleltennasama ania'a engelialheng'a lhta Timoteo aptepakhe lhta m'a nenmammalhkelha m'a, hata apvaktamo ta hengke'e angenmeiantak hata ham nentaikamok amaika'a.

2 Tesalonicenses 1:10

Nkotalhkak hata m'a apvaktamo ta Apveske kakpota ellahok ma'a, nkoliemaksek hata nhan apvalho'ok apkelpokkanma apkeliekieskama lhta, apkellelto nhan meliaskeiam ma'a. Hai, ketlhengkap nahan apkellelto napokha apkennemolhema Apveske ngkanek meliaskeiam alhta nenlheianma mota apvesai'a m'a.

Efesios 1:15

Askeliavek ko'o ketlhengkap meliaskeiam apveske engankok Jesús, apkellasekhai'o nhan aplhamakho apkellelto apkelpokkenammap,

1 Corintios 16:10

Hata apvaktamo ta Timoteo ham, eltaqmelkaso ta apkelanei'o kakpota nkolekkasama apvalhok ma'a, ngkanek apto asmakmekama lheme Apveske engankok ma'a.

Apocalipsis 19:10

Ka askelteklheio lhta etapno'ok napaqtek ángel ma'a kakpota angvahok ma'a, koka lhta aptak heiano mokhom ma'a: —Have, metne ham, koka nietavek elteklheiok aptapno'ok napaqtek ma'a Eniapom Neten, ko'o nhan asto heiasennaikama m'a, snavek ko lheiap ka nhan apkelialheng'a nak meliaskeiam ania'a aplhenammap Jesús. Koka ania'a nak malha akvatepnapma allaikamok ma'a apkeleltennasemmap ania'a —lhta aptak heiano ángel.

Hechos 9:13

Ka apkatemmoiangka lhnak Ananias, lhna aptemak: —Apveske, aslengai'ak ko'o apvesai'a enenlhet anak ma'a, avanhek apnaqtevaskama apkellelto lheiap apkelpokkanma akieto m'a Jerusalen.

Juan 12:26

Apkenmak'ak hata nkek etnangkok askellasennaikama, nkaimelhkek helieploma asmangkelha la'a, alhelhma koka motaha. Ko'o Tata ta nhan eltemeskasangkok neten apankavek ma'a.

Marcos 13:34

Malha aptonak apveske la aplhengama nak, apnengkenkasekha nak apaivoma apkenmakmesaikama kakpota ellaneskasama apnemakha m'a. Moklhem'a nhan ellangkok apkenmakmekama ta neptamen, lhema nhan apkelanekama atong pa'at ma'a.

Apocalipsis 22:9

koka lhta aptak heiano ángel: —¡Metne ham, melteklhek aptapno'ok nehaqtek lheiap, koka ntasek elteklheiok aptapno'ok napaqtek ma'a Eniapom Neten! Ko'o nhan asto heiasennaikama Eniapom Neten, asnavek ko lheiap kakpota nhan apkelialheng'a nak apkeleltennasemmap ania'a, kakpota nhan apkellelto apkenmaikamok ania'a aktakha aktalhesammalhka vakkahak anak —lhta aptak heiano m'a.

Apocalipsis 2:12

—Etalhes no mokhom lheiap ania'a kakpota eniapaskesek ángel apno m'a iglesia akieto Pergamo, ka ntak ania'a hengke'e: Apto nak akietnema pelettav hanet ahanto'ok nema anmalhnongkoma, ka aptak na m'a:

Apocalipsis 2:8

—Etalhes no mokhom lheiap ania'a kakpota eniapaskesek ángel apno m'a iglesia akieto Esmirna, ka ntak ania'a hengke'e: Apto nak ma'a apmanie nkek kanhan alhaie nkoie, apto lhta apketsepma, netamen koka m'a aplhatekhangvakmek ma'a, ka aptak na m'a:

Apocalipsis 1:20

Kolhva smak'ak alpeiveskasekhak aktemakha lhkek apvetai'a, 7 iav'a lhkek apietkesammap 7 ángeles apketlhelhma'ak amota 7 iglesias, koka 7 alhvo'ok lhek alapommatkeskama apietkesammap ma'a 7 iglesias.

Hechos 1:20

Lhnak na nek na ntemak aktalhesammalhka vakkahak Salmos alientemommalhko aklheianma m'a: «Etnekhak hata metka temma av'alhok pa'at apankok, mamma ta enenlhet elhek ma'a» «Po'ok enenlhet hato ka eiaqmongkesek apmakmeiangkolha m'a» lhna ntemak vakkahak aktalhesammalhka.

Galatas 1:10

Motenia ko'o allekkasekama la apvalho'ok enenlhet hellanhoho, vanlha koka m'a asteniai'o nkollekkasama apvalhok Eniapom Neten. Ka astenio la ko'o nkollekok apvalho'ok enenlhet hellanei'o, nkomaskok hata asto hennenkasekama Cristo.

Galatas 3:26

nnengkek hengeltemeskeskamo Eniapom Neten apketkak aniem'o mongiaskeiam Cristo Jesús.

Galatas 3:28

kolhva koka aptaiangkok ketlhengkap apkelpasmekha Cristo Jesús, judios, griegos, nema allasennaikama nema apkelianmoma, metnangko nak nema apkelianmoma, apkelennava'ak, ngkelvana'ak, aplhamakho apankavek.

Efesios 6:24

Askeltavek na Eniapom Neten eltaqmelkeskesek akiavai'a nkek apkellaniemhaikama apkellelto nak apkellasekhai'o metka nnelha Apveske engankok Jesucristo. Amen.

Filipenses 2:5

Etnamo ta ketlhengkap aptemakha lhta mota Cristo,

Filipenses 2:19

Apkelto la apveske Jesús angvapaksek hata Timoteo ham aptengiaikama la ania'a apieseksek anak ketlhengkap kakpota nkopaiesekhak evalhok ko'o.

Filipenses 3:3

ngkanek aplhamakho apkellelto nak apkellasennaikama Eniapom Neten aniem'o nhan Espíritu, malha nhan nema aliaqtemanma nekhatkok apkellammelhakha m'a ntak napaqtek ma'a. Koka akto nhan neten ankek akiaspommalhka m'a mangkolhnok ma'a aliaqtemenammalhka nekhatkok apkellammelhakha judios apankave'. Nkellaqhama ennengko'o engelvalho'ok aniem'o mongeliaskeiam Cristo Jesús, mongelleltemo ennengko'o ngkolhek hengelleltaqmelkeskaso aniem'o nelieplavkeskama aptaiangkolha nak judios.

Filipenses 3:8

Koka lhamakho qaselha lhta m'a kolhva koka nlhenkek evalhok mankoliennaktema m'a, have kto nak qaselha altaqmelo nak asiekpelkangveiakmo nak Cristo Jesús apveske ehenkok, askelhakhangkek lhamakho qaselha lhta malha basura ntemak ma'a aniem'o lhta asmama takha Cristo,

Filipenses 3:12

Koka movakmok mokhom aktakha nnelha asavhongvaiakmo qaselha astakha lhkek askellano, mopenesak mokhom askelanekha astakha, koka nheklhek alhengkeskama kakpota alanekhak astakha ngkanek Cristo heliekieske lhta kakpota atnek aspenesammalhka.

Filemon 1:1

Ko'o Pablo askaqlhengkasemmalhkek aniem'o heiasennaikama Jesucristo, alhelhma nhan hengke'e stema eialheng Timoteo, nketlhenkek engelvalho'ok lheiap Filemon apto nentemo lhemek nellamelammalhko mota nenmakmekama,