Efesios 6:19 - Nuevo Testamento Toba Maskoy

¹⁹ Ko'o nhan helelmalhneskes kakpota heiangkok aspaioma Eniapom Neten asmopvana apaiaksek ania'a aktaqmanma akielhammalhka apeneskamo lhta apaivoma m'a, akieplomo asteniai'o eiempek, metka askai'a nhan aspaieskama ania'a aktaqmanma.

Efesios 6:19 Referans Kwoze

Colosenses 4:3

Elelmalhnama ta nhan Apveske kakpota hengellangkok ngkeskama nempaieskama ania'a aktaqmanma kakpota angeliekpelkeskeskamhok qaselha akielhammalhka aniem'o Cristo, asnek ko'o kolhvave nak hengke'e nengaqlhengkasemmalhkelha nak aniem'o aspaieskama ania'a aktaqmanma nak.

Hechos 4:29

Apveske, elanhono lheiap enenlhet'avok anak, apkeleltavek hennaqtevaksek. Hengelpasem hata lheiap kakpota anteniangko mota eniempeiok neksa nenmahai'a angetlhenek apaivoma lheiap.

2 Tesalonicenses 3:1

Engelialheng'a, nengeleltavek na ennengko'o hengellelmalhneskesek kakpota envanka'ak angelpaiaksek ania'a aplhenammap Apveske lhmankek ham kakpota ngkotnek na aktaqmanma apkenmaikamok takha enenlhet'avok ka aktemo lhta ketlhengkap ham apieseksek anak.

1 Tesalonicenses 5:25

Ketlhengkap elialheng'a, hengellelmalhneskes hata Eniapom Neten kakpota hengeltaqmelkesek ennengko'o m'a.

Hebreos 13:18

Hengellelmalhneskes hata nhan ennengko'o ham, kakpota hengelpasmo mota Eniapom Neten ngkanek alhnai'o akietnaikama engaqto'ok, vanlha mota nelienlhanmekamok angeltakmelkasalhko mota.

Hechos 4:31

Ka akvaiakmo lhnak nnelha apkelelmalhnongkoma m'a, akievheiangka lhnak akietemelha apkaqnekhelha m'a, apkellapvai'o lhnak Espíritu Santo aplhamakho m'a, apkelteniaiavek nak na apiempeiok apketlheianma Eniapom Neten apaivoma m'a.

2 Corintios 8:7

Avanhek ankek apkellanekamok qaselha altakmanma ketlhengkap, ka kto nak meliaskeiam, aktaqmanma apkelpaqmetekama, apkeliangveiakmo, akmases apvalho'ok neksa apkenmakmekama, hengellasekhai'o nhan ennengko'o. ¡Elienlhanmamok hata nhan eliavenkasangkok tep mokhom patakkom apkellankesekha kakpota elpasmok po'ok aniem'o apkellasekhai'o!

Efesios 1:9

kakpota angeliangvomhok ma'a apeneskamo lhnak nanek apmak'akha ta etnek aniem'o apiamolhma hengellanei'o, malha aposkama la qaselha apmahai'akha etneskesek apkelanei'o Cristo.

1 Corintios 4:1

Elioho ta ketlhengkap, ennengko'o nengelelto hengellasennaikama Cristo vanlha apankek, have koka nentangko neten apankavek, kakpota angetlhekmosangkok ania'a akielhammalhka nak aniem'o Eniapom Neten.

Hechos 28:31

Ma lhta nhan eniai'ak Pablo apkeltennaiangka mota ania'a aktemakha aptema Apveske Eniapom Neten ma'a kakpota nhan apketlhekmoskamo ania'a apveske Jesucristo, mamma lhta nhan alaptenkaseiangka apkeltennaiangka Pablo m'a.

Hechos 19:8

Hanetolhema pelten nak ngvaiakmok apmeiekha mota apkaqnekhelha judios Pablo m'a, metka apkai'a lhnak na apkellatemommap ma'a aktemakha aptema apveske Eniapom Neten. Apkeliaikama lhnak aptemakha kakpota nkollekvomok apvalho'ok enenlhet'avok, meliaskamek nahan.

Hechos 13:46

Koka Pablo kakpota nhan Bernabe apkeleltennaskamo lhnak metka apkellai'a, lhna aptaiangkok: —Hengelietave niekhe angetlhenek Eniapom Neten apaivoma apmaniaie ketlhengkap apkellelto judios, koka menmaiangkok takha m'a, meleltemok ngkolhnankok aliennaktema apnenio'ok mangkotnengvaiam annelha. Koka ntasek angelletsavkesek ania'a nak apieseksek anak metnangko nak judios.

Filemon 1:22

Hepeneskaso ta nhan lheiap asnemakha la'a, avatak hatelha ham astema la amaika'a, eniatemmohok hatelha Eniapom Neten apkelelmalhnongkoma mota ketlhengkap asmeiakho ta ko'o ham.

Colosenses 2:2

Avanhek na asteniai'o eiempehek askeliatekhoho aplhamakho m'a askeltemo etlhengkesek apkelpasmommakpo, ellasekhakpoho kakpota nkovak akiokho nkek apkeliekpelkangveiam kanhan apkeliangveiakmo qaselha akielhammalhka nak apeneskamo lhnak nanek Eniapom Neten aplheianmo lhnak nanek eniapaksek Cristo,

2 Corintios 3:12

Ka nkanek alel·halhnekama engelvalho'ok angelvetak hata aktaqmanma, angetlhenek na qaselha nak metka nellai'a napaqtavek ketlhengkap ham.

1 Corintios 1:5

Apkellangkek na Eniapom Neten akiavai'a nkek apkeliangveiakmo kanhan apkenmopvanka'a etlhenek apvesai'a m'a aniem'o nhan apkelpasmekha Cristo Jesús ketlhengkap.

Hechos 14:3

Koka nheklhek nak apkakhaikamok Pablo ka nhan Bernabe m'a akieto Iconio, apkeleltennaseiangka lhnak na ania'a hengamelaiam Apveske enenlhet'avok ma'a metka apkellai'a, ngkanek apkeliamavek nak apkeltakmelkeskamo m'a. Apkellaiangkek nak na m'a apkenmopvanka'a kakpota ellanangkok qaselha mongenatkeskama kakpota nhan qaselha hempelapkeskama.

Hechos 9:27

Koka Bernabe lhnak apiantemekhak Saulo napaqtavek nema allapaskamo m'a, ka apkeleltennaseiangka lhnak aktemakha apvetai'a Saulo Apveske neksa apmeiekha lhnak amai akieto Damasco. Apaqmetkeskamo lhna lhta Apveske Saulo m'a, netamen ma'a apkeltennaiangka nhan Saulo ania'a aktemakha aplhenammap Jesús metka apkenmenai'a akieto m'a Damasco.

1 Timoteo 3:16

Have niapak, qaselha akiemaskama engvalhok anak, nientelhek ankek aniangvomhok ma'a mongiaskeiam anak, ka aktonak ma'a Cristo nemo apaskamo nalhepop anak aptaiekho enenlhet apanke, netamen aplheianmo aktaqmanma aptemakha m'a Espíritu, apkelvetai'o nhan ángeles, nemo aleltennaseiangka nhan apvesai'a apieseksek metnangko nak judios, meliaskeiakmo nhan enenlhet'avok lhmankek ham, netamen na m'a apmammakpo takha neten akieplomo nemo ai'o kanhan nema aktaqmelkeskamo apvai'a.

2 Corintios 7:4

Iokhalhmek ankek alheianma nak avanhek ankek ammalhko evalhok askellan'o ketlhengkap ammelhanto evalhok ham. Niekhe nellengaiangko akiavai'a akientalhnema, avanhek ankek koka nhan asvaskapekho kanhan akpaihekha evalhok.

2 Corintios 1:11

Nengeleltavek ennengko'o hengelpasmok hengelelmalhneskesek ketlhengkap, aplhamo la hengellelmalhneskeskama ham, aplhaniek hata nhan etnangkok gracias Eniapom Neten aniem'o hengelpasmoma m'a.

1 Corintios 2:7

Asketlhekmoskek ko'o asiangveiakmo aniem'o Eniapom Neten, nenianveiakmo nak malha lhnak nanek akposemmalhka ntemak tep nak nanek, amanie nema alentepkeskama qaselha lhmankek ham kakpota alhaiek hengeltemeskesek hata neten engankavek ennengko'o.

Romanos 15:30

Elialheng'a, akieplomo apvesai'a Apveske engankok Jesucristo kakpota nhan Espíritu apto niapom hengamelaiam, askeltavek helpasmekha helelmalhneskesek Eniapom Neten

Hechos 18:26

Lhema aknem na ntemak apketlhekmoskamo akleklemo nkek apvalhok akieto apkaqnekhelha judios ma'a, ka allengai'o lhnak Aquila kakpota nhan Priscila, aliantemo mok ankavek ma'a, apkelpeiveskasekho m'a akietemo nke amai apankok Eniapom Neten.

Hechos 4:13

Nkelpelapkeskangkek nak apkelemhama apmaniaie apkellengai'o m'a apkeleltennaikama apkelteniai'o apiempeiok Pedro kakpota nhan Juan, ngkanek apkeliamavek nak metsavhongvaiakmo apnaqtalhesaikamok ma'a kanhan enenlhet apkellomakha apankavek ma'a. Ka atlheianvekho lhnak na apvalho'ok apkellelto apkeltamesaikamok Jesús ma'a.

Hechos 2:4

Apkelapvei'o lhnak na aplhamakho Espíritu Santo m'a, ka ampai'akha lhnak apkelpaqmetekama mo'ok apkelpaqmeiasma aniem'o m'a Espíritu.

Hechos 9:29

Metka apkai'akha lhnak na aplheianma apvesai'a Apveske m'a, Apkellatemmommakpek nak na m'a griegos, apkellanekhek nak na niekhe apkenmahai'a ennapok ma'a.

Romanos 16:25

Angeltakneskasangkok hata ennengko'o Eniapom Neten apto apmopvana hengeliennakteksek engvalho'ok, ka aktemakha nak asketlhekmoskama ania'a aktaqmanma aplhenammap Jesucristo. Lhennenga tep nak na nek apeneskamo lhema qaselha Eniapom Neten apmak'akha ta etnek, malha aposkama koka ntemak ma'a.

2 Corintios 6:11

Engelialheng'a ko Corinto, nelletsavhavek lhek neleltennasekama iokhalhmek ankek ma'a, malha nenmaieskama engvalho'ok la'a napaqtavek ketlhengkap.

Efesios 3:9

Heiapaskangkek na kakpota aliangveskeskamhok enenlhet'avok qaselha akposemmalhka nak aptaqmelkeskama lhnak nanek Eniapom Neten apto apkelentepkeskama lhamakho qaselha lhmankek ham, tep nak nane mota aptaqmelkeskamo m'a ania'a akielhammalhka nak.