Efesios 5:3 - Nuevo Testamento Toba Maskoy

³ Aptaiangkek ketlhengkap Eniapom Neten apkennemolhema apkelpokkanma, ka nkeniemai'ak ntasek metlhenek aktemakha nenmensangveiam alhma, nelanaktema, nenmeiavkesammalhka engankek qaselha.

Efesios 5:3 Referans Kwoze

Colosenses 3:5

Ennapekha' ngkollatsekama anmahai'o apvalho'ok, elvatesamok apkenmensangveiam alhma, mellanamok qaselha malha alpaisengkeskama nak apvalho'ok, mellanko nkek nkoliatangkok apvalho'ok allapelhkasekama apnenio'ok ellanangkok qaselha ngkollatsekama, meleliehekho nkek na aliaspongkomakha nak apvalho'ok, metnamo nkek na apkenmeiavkesammakpo qaselhaha ngkanek malha apkeltakneskasekamok qaselha akiokha la alanemmalhka m'a.

Efesios 5:5

Koka apkellelto nak apkenmensangveiam alhma, apkelanai'a qaselha malha akpaiseiam, apvannaikamok na qaselha apanko'ok apteniai'a, apkeltakneskasekamok na qaselha akiokha allanemmalhka', metnangkek hata m'a apkennemolhema akieto nak aptaiangkelha apkelveskai'e Cristo kakpota nhan Eniapom Neten, have niapak anek astakha nak alheianma.

1 Tesalonicenses 4:3

Vanlha koka apkeltemavek Eniapom Neten elieniekhak ma'a ngkollatsekama nak, menmensangvom anke lhma mellanemmakpelha nak etnangkok.

1 Corintios 6:18

Enieniamo ta m'a naqtek nelanaktema nak, ngkanek apnaqtevaskama apankek apkeliokha aniem'o m'a, mangkolhnok aklhamakha nak ngkollatsekama apkellanekamok mankonaqtevaskasak apkeliokha nak ma'a.

1 Tesalonicenses 4:7

Hengellavema ennengko'o Eniapom Neten kakpota angellanak qaselha altaqmelo, have qaselha alpaiseiam anak.

1 Corintios 6:13

Ka aptaiangkok na apketlheianma enenlhet'avok: —Nentoma ankok ankek envakmo, kakpota nhan envakmo' ankok ankek nentoma —ka aptaiangko mota m'a. Koka Eniapom Neten hato ka enaqtevasekhak ma'a hanet anak. Koka neniokha nak have antek ankok nenmensangveiam alhma', koka neniokha nak ankok ma'a Apveske, kanhan Apveske apankok neniokha nak.

Efesios 5:12

Apkellaneiangkek ma'a qaselha apkelielhammakpo, avanhek henmankaskama m'a nenlheno la m'a.

Apocalipsis 2:21

Askangke lhta ko'o aknem askelailhema nkoiaqmongkasekha mo'ok av'alhok ma'a, koka mankomaskengvaiakmok akmahai'a nkomenso'ok m'a.

1 Corintios 10:8

Mangkolatsema nhan antangkok nellanaktema, ka aptaiangko lhnak nanek ma'a nelieihengka'a annenga, lhna nkeniemai'ak eletsepok 23.000 enenlhet'avok ma'a, lhema aknem ankek noka m'a.

Apocalipsis 22:15

Koka melentelhek hata m'a malha aptangko nak semheng, apkellelto nak na apkeliatmekama la apkeliolhma mellatsekama, apkenmensangveiam alhma, ntekioma niapma'ak, kanhan apkellelto nak apkelteklheikamok aptapno'ok naqtek qaselha akiokha alanemmalhka, alleklemo mota nhan apvalho'ok eliennengkesek po'ok.

Apocalipsis 21:8

Koka enenlhet la ai'a apvalhok, apiaskeiam, aposkama qaselha, apkaqhema po'ok, apkenmensangveiam alhma, aptema apiolhma melatsekama, apiavenkaskesaikama akvesai'a qaselha akiokha alanemmalhka kakpota nhan apmopvana ania'a, ngkolhek hata akiantemakho akieto m'a sanga akietnemakha alaivomakha talha kanhan azufre, koka akvesai'a m'a hanet aktaiekho nengetsepma —lhta aptak heiano m'a.

Apocalipsis 2:14

Koka mankoleklemo evalhok lheiap ketsek ankek qaselha ngkolatsekama apkelanai'a, apkenmaiangko na mota takha enenlhet apkellelto nak mankonmahai'a elvatesangkok hengetlhekmoskama Balaam annenga. Apiateiangko lhnak nanek m'a apkaiangko apaivoma Balac kakpota eliennengkesek ma'a israelitas, eleltennaksek ania'a ellanak etavangkok apkennapekamok apnaqtoskama apkellaikamok qaselha akiokha alanemmalhka nak ma'a, kakpota nhan nelanaktema.

1 Corintios 5:1

Nlengammalhkek ania'a lhema aphapak apieseksek ketlhengkap apmensavekha iama ngken ham, koka akto ngkolatsekama nkek ma'a, mamma nhan akvetai'o qaselha nak ngkolatsekama apieseksek anak melioho nak mokhom Eniapom Neten.

Apocalipsis 9:21

Ma lhta nhan eliaqmongkasekhak mo'ok apvalho'ok enenlhet'avok anak, melvatesaiangkok na aptaikamok ntekioma niapma'ak, apkeliolhma meliamolhma, apkenmensangveiam alhma kakpota nhan apkenmenielhma.

2 Pedro 2:3

Ka apketsekama ania'a nak avanhek ankek hata nha ngkotnek apteniaikamok patakkom, elvetak hata m'a aniem'o aptaikamok apkenmopvanka'a ania'a, koka nkovak hato ka nhan iokhalhmek ankek nema aliaqmongkaskesekha' apkeltemakha ngkollatsekama, lhennenga nhan nema akpeneskeskamo ngkolhek hata aliaqmongkaskesakho apkeltemakha m'a.

Hebreos 12:16

Mellanamo nkek apkellanaktema ketlhengkap, melvannamankek na aktemakha nak apkellaikamok Eniapom Neten, malha aptemakha lhnak nanek ma'a Esaú apiaqmongkasekho lhnak nanek aptoma aptema m'a apteiam apmanie'.

2 Corintios 12:21

Nkak'avek enenniek na astanta mota amaika'a ham hetneskesek Eniapom Neten asmangkaktema napaqtavek ketlhengkap akvakmo ta asveno aniem'o askelvetangvekta apkellanekamok ngkollatsekama mokhom, melieniekha mokhom qaselha akpaisengkeskama nak engvalho'ok, ka aktonak lhamakho qaselha nak apkenmensangveiam alhma kanhan qaselha aknemo nak ma'a henmankaskama.

Tito 2:3

Kanhan nkotnotko'ok anak ntasek nkoltaqmelkasalhkoho', metka alpaiesaikama ania'a akvesai'a mo'ok la'a, metka nhan akmaikama nkok anmen. Ntasek koka nkotlhekmosangkok aplhamakho kakpota nkollanangkok qaselha altaqmelo,

2 Timoteo 3:2

Moklhem'a ta etnangkok apkenmeiavkesammakpo apankavek qaselha apanko'ok, vanlha ta nhan etnangkok nkeskama apteniaikamok patakkom apanko'ok, etnangkok hata nhan apkelammakpo, etlhenakpok hata nhan apankavek aptaikamok neten apankavek melhno po'ok. Eltaknevak hata nhan Eniapom Neten apvesai'a, mellahek hata nhan ngkana'ak, metnangkek hata nhan gracias ellanhok ma'a, eltaknevak hata nhan lhamakho qaselha alleniem'o Eniapom Neten.

Hechos 15:20

Vanlha koka nkaimelhkek annaktalheskesek lhema vakkahak annavesaikama la m'a kakpota menmangvomek ma'a qaselha anko'ok anak nkollekhok akpaiseiam aniem'o qaselha akiokha alanemmalhka ankok ma'a, metnangkek na apkenmensangveiam alhma, metavankek na nentoskama akvaivekamok atsepma nak, metavankek na ema.

2 Pedro 2:14

Vanlha mota apkellanekama po'ok enenlhet la aptava apkenmahai'a ellanakteksek ma'a, metka apkenmangveianlha nhan apkenmahai'a ellanangkok ngkollatsekama. Apkeliatengkek na ellanangkok qaselha ngkollatsekama nkoliennaktema nak apvalho'ok, vanlha nha mota alletsepma apnenio'ok patakkom ka ngkanek ngkolhek aliemetkaso m'a.

2 Pedro 2:10

avanhek hata ngkotnek na nema aliaqmongkaskesekha apkellelto la apkeliaspongkoma apkellanekamok aliaspongkomakha apvalho'ok, apkeltaknongkoma nhan etnangkok apveske apanko'ok Eniapom Neten. Aliennaktema apvalho'ok ma'a, apkellatemmoktemo apkelveskai'e apanko'ok, mellai'o nhan nkoltaqneva qaselha alientalhnemo m'a neten,

1 Pedro 5:2

Asmak'ak allangkok lhema aspaioma, eltaqmelkes hata enenlhet'avok apkeltemo lhta Eniapom Neten ellanamaha, malha la nepkesek ma'a. Eltaqmelkes hata nhan anmahai'o nkek apvalho'ok, have m'a kno la aliatengko ellanhok qaselha, have nhan akno la akianmoma patakkom, etnamok koka alleklemo nkek apvalho'ok.

Tito 1:11

Meniangko nkek lheiap etlhekmosangkok ma'a ngkanek aplhaniek apkeliennengkeskama aknema nak apkennemolhema, vanlha mota apteniaikamok patakkom ma'a.

Tito 1:7

Hai, lhema apkemhama apmanie la'a nkaimelhkek etnek metka la aplhenammap ngkanek Eniapom Neten aptemeskeskama m'a kakpota ellanama takhaplhet'ok apkellelto nak Jesucristo apkennemolhema, metnek apkammakpoho, metka aploma, metka nhan akieihama lhma, metka apkennapommap, metka nhan apielhammakpo elkangkok patakkom apteniai'a la akianmoma apmakmekama.

1 Timoteo 3:3

Have apto nak anmen ato', apkennapommap anak, ntasek koka etnek apiamolhma apanko ie, etenia mota metka akmaska, ntasek na etnek metka apiaspekamok apteniai'a patakkom.

1 Timoteo 2:10

Ntasek koka nkolienlhanmangkok nkollanangkok qaselha altaqmelo ka nkeleltammalhkak nkotnangkok ngkelvana'ak la allai'o Eniapom Neten.

Filipenses 1:27

Vanlha askeltavek allangkok lhema aspaioma askellanemakha etnangkok ketlhengkap, ellanamo mota qaselha akpeivomo nkoie aktemakha nak hengetlhekmoskama ania'a aktaqmanma aniem'o Cristo, nkaqhok moniakhe' nlho ka la aniakhak ham askeltavek koka aiho ehenke nheklhek kelha aliennaktema meliaskeiam, aknemo nhan mo'ok apvalho'ok apkellammelhma la nhan akientalhnema akvai'a la'a aniem'o m'a meliaskeiam ania'a aktaqmanma.

Romanos 16:2

Eltaqmelkaso ta apkellanei'o aptaiangkolha na mota apieseksek apkelpokkenammap anak, ellamok hata aimelhkelha la'a qaselha m'a ngkanek aplhanie mota alpasmoma enenlhet'avok ma'a akvakho lhta nhan ko lha'.

Romanos 6:13

Mellankehek na mokhom apkeliokha nak nkollaneskasangkok ngkollatsekama, ngkanek malha apkeletsepmo lhemek Cristo, mmaskek na anmangka maniamolhma nak. Kolhva koka nnangkok ketlhengkap alhnankok apkellangiemhaikama, ntasek ellangkok apkeliokha m'a Eniapom Neten kakpota nkoliennak apiempeiok ellanangkok qaselha altaqmelo.

Romanos 1:29

Nkellaneiangkek apvalho'ok nkolietemo, ngkollatsekama, apkeliaspekamok qaselhaha, apkeliasepkeskama po'ok, alietnema apkeliemongke lhma', apkennapommap po'ok, apnaqtevaskamo po'ok, apkeliaskemaikamaha.

Hechos 20:33

Apkeliavek ketlhengkap metka askelelmalhnekama lhta askeleltalhnema la'a kakpota nhan patakkom.

Lucas 16:14

Apkelvannaikama lhnak fariseos apkellengai'o m'a aptemakha apketlhekmoskama Jesús ngkanek apteniaiangkek na mota ngkeskama patakkom apanko'ok ma'a.

1 Timoteo 6:10

Hai', lhamakho qaselha ngkolatsekama aniem'o m'a nkeskama nenteniai'a patakkom, aplhaniek na apkelieniekha aptaikamo lhta meliaskeiam, apketselhnanemmakpo nhan akiavai'a nkek ma'a.

Lucas 12:15

Ka apkellan'o lhnak Jesús enenlhet'avok ma'a, lhna aptemak: —Ellaho ta m'a, meteniamo nke mota ngkeskama apkelletsekama ketlhengkap ngkanek nenganiemhaikama nak have akteiapmakha m'a aiseksek anak ngkeskama nak netsekama —lhnak aptemak Jesús ma'a.