Efesios 4:24 - Nuevo Testamento Toba Maskoy

²⁴ Elpekkenekha koka malha alhnankok apvalho'ok aniem'o m'a Eniapom Neten, niavek ma'a qaselha nak akpeivomo, qaselha altaqmelo kakpota nhan iokhalhme nak.

Efesios 4:24 Referans Kwoze

2 Corintios 5:17

Nelvatesaiangkek ma'a aktemakha lhta alketamekama engelvalho'ok lhennenga, nelvatesaiangkek na nentaiangkolha lhta ngkollatsekama aniem'o nelpasmekha m'a Cristo, kolhva alhnankok nentaiangkolha

Efesios 2:10

Nkanek hengellanai'a ennengko'o Eniapom Neten kakpota angellanangkok qaselha altaqmelo hengelpeneskeskamo Eniapom Neten aktemakha akietnaikama apaqtek hentemeskesangkok ma'a, ka songkek nelpasmekho m'a Cristo Jesús.

Romanos 13:14

Alpeivekha koka etnamok, eleliehekhok koka mota Apveske engankok Jesucristo, mellanko nkek nkonmama altakha la apvalho'ok aliaspongkomakha nak.

Efesios 6:11

Elentalhnekha ta malha nennapommalhka nak ankok aniem'o Eniapom Neten kakpota eliennak neksa akvai'a alammelhma aveske keliaqhameio' akmahai'a nkoliennenkesek ma'a.

Romanos 6:4

Neksa lhta nema hengellavkesaikamok konne iemmen, malha lhta nha ntemak nelkatonnammalhka lheme Cristo m'a, malha lhta nhan neletsepma lheme. Koka akmaskemakha lhta nhan hengenmaikama mongeliamolhma m'a, kolhva koka envanka'a mota angellanangkok qaselha altaqmelo, nnavek ma'a Cristo aplhatekhangveiakmo lhta apieseksek apkenmaskengvaiakmo aniem'o akiavai'a apmopvana Eniapom Neten.

2 Corintios 3:18

Ennengko'o nhan nnengkek hengel·hatsoskeskamo malha ietamopai'a nengelapma nengaqta'ak, malha nhan ennengko'o akto nak ieiam appok nelanei'o nak nenga'at, apkelvet'o la ieiam appok lhaiek apkelvet'ak na apiavai'a apankek Eniapom Neten ma'a, niavengkek na aklhamakho aknem nennekho m'a aniem'o Espíritu.

2 Corintios 4:16

Niekhe akmaskema neliennaktema neliokha nak, koka mankolhnankok anmaiosak'a engvalho'ok anak, ngkanek neliavek engelvalho'ok anak nkanantangkek na lhamakho aknem aliennaktema.

Romanos 13:12

Nkanketva'ak nkotsak hata, mmak'a nkotiepok aknem, elvatesamok apkellanekamok qaselha alleniem'o ienaqtesakha lhma. Ntasek koka ellanangkok qaselha alleniem'o nak atsak'elha lhma.

Tito 2:14

apkaiangkave lhta nhan apmatnamo m'a kakpota hengel·hatsoskakhak ennengko'o neksa hengenmaikama mangeliamolhma, hengellalhneskeskamo nhan engelvalho'ok ma'a, hengeltemeskeskamo nhan apkennemolhema apanke', anteniangko angellanangkok aktaqmanma.

1 Pedro 2:2

Malha aptonak nematka nak kolhva apteiam la'a niaksek emahak neme, melles hata nhan enmahangkok ketlhengkap malha aptekamok aktaqmanma nke allaikamok la aliennaktema apvalho'ok kakpota nkovanamok meliaskeiam, ngkolhek na alvongkaso tep ma'a

Romanos 8:29

Lhennenga koka apiamo Eniapom Neten apto ta apkavekama, apkeliekieskama nhan kakpota ngkovomok hata malha aptema m'a apketka apanke. Koka apketka apanke nak ma'a apto metno pketkok apieseksek apentalhnakha apkelialheng'a.

Juan 17:17

Etneskesamok apkelpokkanma lheiap aniem'o apaivoma akto have niapak ankek.

Galatas 6:15

Kolhva alhnankok nentaiangkolha nak koka akto neten ankek akiaspommalhka m'a, mangkolhnok aliaqtemenammalhka nak nekhatkok apkellammelhakha, nlho ka la nhan metka nak aliaqtemenammalhka m'a.

Galatas 3:27

Neksa malha nema allavkeskama lhta apieplomo Cristo ketlhengkap, malha lhta nha ntemak apkelapma la Cristo,

1 Corintios 15:53

Nkaimelhkek neniokha nak akmovana nak nkokpelkalhka' nkoiaqmokhak mo'ok metka aktepelkammalhka. Neniokha nak atsepma mota, nkoiaqmokhak hata nhan mo'ok neniokha mankomovana nkotsepok. Hata akiaqmokho ta mo'ok neniokha nak mankokpelkalhkek hata kanhan mankotsepek, angelvetak hata aklheianmo lhnak nanek Eniapom Neten apaivoma, lhnak nane ntemak: «Aptevaskek nengetsepma nak apto apiephongveiakmo.

Efesios 2:15

Apmaskeskakme lhta nhan henganemakha ankok anak ley, hanet apkellavakha lhta niekhe, aptemeskasakhe lhtoka malha lhema apkellavakha alhnankok apkelpasmekha nhan ma'a Cristo. Apsoiakmo lhta nhan altaqmelaikama apvalho'ok apieseksek anak ma'a.

Hebreos 12:14

Ellasekhakpo mota aplhamakho, ellanamok hata nha mota qaselha altaqmelo ngkanek vanlha apkellelto la apkeliamolhma apankave nak apvanka'ak hata m'a elvetangvomok Apveske.

Hebreos 1:8

Koka aptemak aplheianmo aptemakha apketka hengke'e: «Lheiap Eniapom Neten, etnek hata apveske metka akvaiam annelha aliekaikamok iantelhkapa, elanak hata mota akto akpeivomo.

Lucas 1:75

Angellanangkok na lhta nhan qaselha altaqmelo, akpeivomo nhan lhamakho aknem.

Romanos 7:6

Kolhva koka mmaskek hennakteto m'a ley ennengko'o, ngkanek malha neletsepmo lhemek Cristo. Envanka'ak angellasennama Eniapom Neten alhnankok nentemakha, aniem'o nhan hengelleltennasekamok Espíritu m'a, have m'a nentaiangkolha lhta lhennenga hengelleltennasekamok alhta ley.

Romanos 12:2

Metnamo nkek aptaiangkolha nak meliamo nak Eniapom Neten, amanie nkek nkaimelhkak eliaqmongkasekhak mo'ok atlhenaikama apvalho'ok ketlhengkap, netamen nkovak hata nhan ma'a malha akiaqmoiekha na mo'ok apkellangiemhaikama. Netamen hata nhan ma'a nkovak apkeliangveiakmo aktaqmanma nkek aptemakha Eniapom Neten apmahai'elha, qaselha aleklemelha nak na apvalho'ok, qaselha aktaqmanma nkoie

2 Pedro 1:4

Hengeleltennaskamo lhta nhan lhema apaivoma aktaqmanma nkek hengeltemeskesangkok hata nengelnemo Eniapom Neten, envanka'ak hata nhan hengelpaqnemekha qaselha ngkollatsekama nak hengke'e aniem'o aliaspongkomakha nak engelvalho'ok.