Efesios 3:20 - Nuevo Testamento Toba Maskoy

²⁰ Kolhva koka ntasek angeltakneskasangkok Eniapom neten apto apmopvana hengeltaqmelkeskesek nellaniemhaikama akiavai'a nkek, tep ankek ma'a nengellanemakha nkolhok alietnaikama engaqto'ok anak, tep ankek na m'a nengelelmalhnengka la'a aniem'o apmopvana nak aknema engvalho'ok anak.

Efesios 3:20 Referans Kwoze

2 Corintios 9:8

Apvankek Eniapom Neten ellangkok ngkeskama nkek qaselha aktaqmanma kakpota mankaimalhke mota qaselha apanko'ok, nkoliekangvomok hata kakpota nhan elpasmok po'ok.

Romanos 4:21

Apiamave panke lhta Abraham Eniapom Neten apvankek eieplavkesek aptemakha lhnak nanek apeneskamo apaivoma aplheianma eniangkok hata.

Judas 1:24

Apvankek Eniapom Neten elpasmok ketlhengkap kakpota mellanankek qaselha ngkollatsekama, elalhnaskesek na apvalho'ok neksa apkeliamolhma. Eliantemakhek na akieto napaqtek aktaqmelakha nkek ma'a akieplomo akiavai'a alpaihekha apvalho'ok.

1 Corintios 2:9

Ka aktemo nak na aktalhesammalhka vakkahak Eniapom Neten apaivoma hengke'e: «Qaselha mongvetai'o nak, mollengai'o nhan, qaselha mankoietnaiangkolha lhta engaqtek, ka lhamakho qaselha nak apeneskamo lhta Eniapom Neten kakpota ellangkok ma'a apkelelto nak apkellasekhai'o».

Efesios 1:19

Askenmalhnema nhan eliangveskeskamhok ketlhengkap akiavai'a nkek apmopvana nak Eniapom Neten nkomakmama apvalho'ok ma'a. Ka apmopvana nak kanhan apiennaktema

Hebreos 7:25

Ka ngkanek apvankek na elvongkesek tep lhema aktema metka mokhom taiep apkellelto la apkelketansema m'a kakpota nhan elaqlakhak ma'a napaqtek Eniapom Neten apto mangkotnengvaiam annelha apkaniemhaikama m'a, vanlha mota apkeltennaskekha apkelvesai'a enenlhet napaqtek Eniapom Neten.

Efesios 3:7

Hetneskaskek ko'o heiasennaikama Eniapom Neten kakpota apaiaksek ania'a aktaqmanma nak aniem'o apietnai'avek neha'at kanhan akiavai'a apmopvana.

Romanos 16:25

Angeltakneskasangkok hata ennengko'o Eniapom Neten apto apmopvana hengeliennakteksek engvalho'ok, ka aktemakha nak asketlhekmoskama ania'a aktaqmanma aplhenammap Jesucristo. Lhennenga tep nak na nek apeneskamo lhema qaselha Eniapom Neten apmak'akha ta etnek, malha aposkama koka ntemak ma'a.

Colosenses 1:29

Avanhek na askeliephaiekho asmakmekama akieplomo asiennaktema, asmopvana nhan aniem'o Cristo.

Juan 10:10

Apkeliavek ketlhengkap apmenielhma nak vanlha mota apmahai'a emenielhek, kakpota nhan hengaqhek, hentevaksek nahan. Koka ko'o asva'ak kakpota allangkok aplhamakho aliennaktema apnenio'ok, lhamakho qaselha alaimommalhkelha la'a.

Santiago 4:12

Vanlha koka m'a lhema aphapak apto heniekpelkemo niapom, apto lhta nhan hengellaikamok ley anak ma'a, apvankek na hengvongkesek tep nlho ka la nhan eiaqmongkasekhak nentemakha ngkollatsekama la nellanai'a, ka ngkanek ketlhengkap mankollapvankek eliekpelkok aptemakha la po'ok.

1 Timoteo 1:14

Nkaqhok koka avanhe kanke lhta aktaqmanma helanei'o Apveske engankok, heiaiangko lhta nhan moi'askeiam, nengasekhai'o aniem'o m'a Cristo Jesús.

Hebreos 11:19

Nkanek apiamavek nak nanek na Abraham akietnema apmopvana Eniapom Neten kakpota elhatekhaskamok mokhom apieseksek apkenmaskengvaiakmo m'a apketka. Ntemengkek nak nanek apvetai'a Abraham apvetekho mokhom apketka malha lhna ntemak aplhatekhangveiam la apieseksek apkenmaskengvaiakmo m'a.

2 Pedro 1:11

Ka nkeniem'ak ma'a ntasek ankek hata ngkotnek apvaiam ma'a iokhalhma akieto nak aptemengvekhelha metka aktemongvaiam annelha Apveske engankok Jesucristo, apto nhan Henvonkeskama tep.