Efesios 3:18 - Nuevo Testamento Toba Maskoy

¹⁸ Netamen nkovak hata apkeliangveiakmo ketlhengkap kakpota nhan lhamakho apkellelto nak apkelpokkenammap akiavai'a nkek hengamelaiam Cristo, akiavai'a akpaihema, akvanlha akvenaktema nkoie, kanhan konne kankoie, netne kankoie.

Efesios 3:18 Referans Kwoze

Juan 15:13

Akiav'o la apkasekhai'o aptema po'ok nengaqte, ntasek enietsepok apiaqmoiekha la m'a.

Efesios 3:19

Hai, askeltavek ko'o eliohok ketlhengkap aktemakha hengamelaiam akiavai'a nkek Eniapom Neten, tep ankek ma'a apkellanemakha nak nkolhok alietnaikama apaqto'ok ketlhengkap qaselhaha. Askeltavek na allaneiangko nke' apvalho'ok aptemakha Eniapom Neten.

Galatas 2:20

kolhva koka alhelhma mota Cristo, have ehenkok ehenkek askaniemhaikama nak, ka lhamakho qaselha nak askelanai'a neksa askaniemhaikama aniem'o m'a moi'askeiam Eniapom Neten Apketka, heiasekhai'o nhan, apkaiangko akvakmo apmatno aniem'o ko'o.

Efesios 1:15

Askeliavek ko'o ketlhengkap meliaskeiam apveske engankok Jesús, apkellasekhai'o nhan aplhamakho apkellelto apkelpokkenammap,

Apocalipsis 3:21

Apkellelto ta apkeliephongveiakmo, altok hata eniakhangkok lheme astanema nak, ko lhta nhan asto asiephongveiakmo, asnek na aptanema nak Tata".

Galatas 3:13

Hengel·hatsoskakhe lhta Cristo apianmongkeskekho akianmoma neksa hennaqtevaskama ley, malha nha ntemak apatmekha la nema hennaqtevaskama m'a. Ka ntemak na aklheianma vakkahak Eniapom Neten apaivoma hengke'e: «Nema akiematkeskama apto la apketsepma apiepetkasemmap neten iamet poste».

Efesios 1:10

Apeneskamo lhnak nanek apkelanekha aptakha, nkovak hata aknem akietemo nkek aplheianmakha aptemeskeskama apveske Jesús halhma nkek ham neten kakpota nhan nalhepop anak.

Colosenses 1:4

ngkanek nelleng'a mota ania'a aknaikamok akiavai'a lhnak meliaskeiam ketlhengkap Cristo Jesús, avanhek nak na apkellasekhai'o apkellelto apkelpokkenammap ma'a.

Romanos 10:3

Apteniangke mota aptaikamok apkelpeivomo apanko'ok apankavek, mankonmahai'ak eliekpelkok apto vanlha Eniapom Neten apkeltemeskeskama apkelpeivomo. Lhennenga aktemakha aklhenaikama apvalhok etnehek ma'a, koka mankonmahai'ak enmankok takha ko israelitas.

1 Timoteo 3:16

Have niapak, qaselha akiemaskama engvalhok anak, nientelhek ankek aniangvomhok ma'a mongiaskeiam anak, ka aktonak ma'a Cristo nemo apaskamo nalhepop anak aptaiekho enenlhet apanke, netamen aplheianmo aktaqmanma aptemakha m'a Espíritu, apkelvetai'o nhan ángeles, nemo aleltennaseiangka nhan apvesai'a apieseksek metnangko nak judios, meliaskeiakmo nhan enenlhet'avok lhmankek ham, netamen na m'a apmammakpo takha neten akieplomo nemo ai'o kanhan nema aktaqmelkeskamo apvai'a.

2 Corintios 13:13

Askeltavek ko'o Apveske Jesucristo eltaqmelkeskesek apkellaniemhaikama ketlhengkap ham, ellamelemmak na Eniapom Neten, kanhan Espíritu Santo elpasmok nahan.