Efesios 2:8 - Nuevo Testamento Toba Maskoy

⁸ Aktaqmanma nkek apkellanei'o Eniapom Neten ka nkeniemai'ak apkelvongkeskamo tep, meliaskeiakmo songke ketlhengkap ma'a. Metka akianmoma nhan ma'a, have apteniaiangko apiempeiok apteniaikamok ma'a.

Efesios 2:8 Referans Kwoze

Efesios 2:5

Niekhe lhta malha nengeletsepma' aniem'o nellanekamok ngkollatsekama, hengellaiangkek koka nentaikamok enhalhnanko'ok ka aptemo lhta nhan apkelanei'o Cristo. Hengelvongkeskangkek na tep Eniapom Neten aniem'o aktaqmanma nkek hengellanei'o.

Romanos 4:16

Aptemakha lhnak nanek apeneskamo aplheianma Eniapom Neten ellangkok hata, apketlhevangkek ma'a aplhamakho aptavana'ak neptamen Abraham aniem'o la meliaskeiam, metka akianmoma. Apkellelto nak judios akietnema ley Moises kakpota nhan aplhamakho enenlhet'avok lhma nkek ham aknangko la nhan meliaskeiam malha aptemo lhnak nanek na Abraham, apto nhan malha eniapma'ak nenlhamakho nengelelto nak mongeliaskeiam.

Romanos 10:17

Amanie sekhek ellailhok ania'a aktaqmanma, netamen ma'a nkovak meliaskeiam Eniapom Neten apaivoma.

Hechos 16:31

Ka apkellatemmoiangka lhna lhta ma'a Pablo kakpota nhan Silas, lhna lhta aptaiangkok: —Mei'askem koka lheiap apveske Jesús kakpota evongkasakpok tep, ka nhan apketkak apnemolhema —lhna lhta aptaiangkok ma'a.

Juan 6:37

Lhamakho apkellelto lhta Eniapom hellaikamok apkeltemo altakmelkesek, helioktanie lhta ko'o, moltaqhesehek hata nhan ma'a.

Juan 5:24

Apto la enenlhet aptaqmelkeskamo apkailhemo astakha alheianma, mei'askakmo la nhan apto heiapaskama, have niapak ankek enenlhet anak ngkoitek hata akiennaktema apneniek nkotnengvaianlha nnelha, meselhnanakpe hata nhan. Malha apketsepma lhta aptemak, kolhva koka aptakhak aphalhnankok.

Juan 4:10

Ka apkatemmoiangka lhna lhta Jesús ma'a, lhna lhta aptemak: —Mangheiekpelkak lheia', mankoihek na apmak'akha eniangkok hata lheia' Eniapom Neten. Ko lhtema nak heiekpelkema lheia', henmalhnama nlho lhkek iemmen kakpo lhkek na angvangkok iemmen aktaqmanma akmases anko ie' —lhna lhta aptemak.

Lucas 7:50

Koka lhnak aptemak mokhom Jesús apkanemo ngkelvana nak: —Nvongkaskek tep lheia' mangkoi'askeiam anak, kotaqhekha ta metka aktaikama av'alhok —lhna aptemak.

Marcos 16:16

Mang hata nkek eliaskakmok, ngkolhek hata nhan allavkeso konne iemmen, elvongkasakpok hata nhan tep ma'a. Koka apkeliaskakmo la'a, etlhenakpok hata apnaqtevasemmap.

Juan 3:36

Mang hata nkek eliaskakmok Apketka nak, ngkoitek hata aliennaktema apnenio'ok mankotnengvaianlha nnelha. Koka apkellelto la apkeliaskeiam ma'a, mangkolhek hata aliennaktema apnenio'ok, hato ka eliaqmongkaskesekhak apkeltemakha Eniapom Neten ma'a.

Romanos 4:5

Koka Eniapom Neten mo'ok aktema, mankaimommalhka henmakmesama sekhek kakpota hentemeskesek nempeivomo, apmaskeskek na mangeliamolhma aniem'o moniaskeiam, have aniem'o nelanai'a aktemakha aklheianma ley.

Efesios 2:10

Nkanek hengellanai'a ennengko'o Eniapom Neten kakpota angellanangkok qaselha altaqmelo hengelpeneskeskamo Eniapom Neten aktemakha akietnaikama apaqtek hentemeskesangkok ma'a, ka songkek nelpasmekho m'a Cristo Jesús.

Galatas 3:22

Aklheianma Eniapom Neten apaivoma nenlhamakho nengelelto hengenmaikamok ngkollatsekama, vanlha koka envanka'ak angetlhevangkok hata qaselha apeneskamo aplheianma Eniapom Neten aniem'o mongeliaskeiam Jesucristo.

Galatas 3:14

Ntemenke lhta m'a kakpota nkovak na takhaplhet'ok metnangko nak judios apaivoma apeneskamo lhnak nanek Eniapom Neten eltaqmelkeskesek apkellangiemhaikama Abraham, netlhevai'ak ma'a Espíritu apankok Eniapom Neten aniem'o mongeliaskeiam Cristo Jesús.

Juan 6:40

Apkeltavek apto lhta heiapaskama ellanhok aptemakha Apketka nak, meliaskamek nahan kakpota m'a etlhevangkok aliennaktema apnenio'ok nkotnengvaianlha nnelha', anaklhatekhaskamok hata nhan ma'a akvakmo ta nnelha aknem alhma nkek ham —lhta aptak Jesús.

Juan 6:35

Koka lhta aptak Jesús apkellano mokhom: —Ko'o asto nak pan askellaikamok aliennaktema apnenio'ok enenlhet'avok. Apto la heieplekama, mangheiaskeiam nahan, mankaqhekhek ankek hata mek kakpota meimakiek hata nhan.

Efesios 1:19

Askenmalhnema nhan eliangveskeskamhok ketlhengkap akiavai'a nkek apmopvana nak Eniapom Neten nkomakmama apvalho'ok ma'a. Ka apmopvana nak kanhan apiennaktema

Hechos 14:27

Ka apkelvekho lhnak Antioquia m'a, apkellankesekho lhnak apkellelto iglesia m'a, ka apkeleltennaseiangka lhnak ania'a aktemakha Eniapom Neten apkelanai'a qaselha neksa apketlhengama m'a. Apketlheianmo nhan aktemakha apkelpasmoma mota Apveske kakpota eleltennasangkok na ania'a aktaqmanma metnangko nak judios kakpota meliaskamek na m'a.

Juan 6:65

Netamen alhta aptak mokhom Jesús: —Mankapvankek enenlhet heieploma melto la Eniapom anak —lhta aptak.

Colosenses 2:12

Neksa lhta nhan apkellavkesammap konne iemmen ketlhengkap, malha lhta nha ntemak apkelkatonnammakpo lheme la Cristo, netamen apnaklhatekhangveiakmo nhan lhemek ma'a aniem'o meliaskeiam apmopvana Eniapom Neten apto aplhatekhaskeiam ma'a.

Juan 6:44

Mankotlhenap apvalho'ok ketlhengkap sek la ko'o enenlhet ke', vanlha Eniapom apto heiapaskama apvanke eliangveskeskamhok hata, netamen anaklhatekhaskamok hata akvakmo ta nnelha alhma nkek ham.

1 Pedro 1:5

Meliaskeiakmok ketlhengkap Eniapom Neten ka nkeniemai'ak apkeltakmelkeskamo m'a akieplomo apmopvana kakpota etlhevangkok hata lhema qaselha apeneskamo akietnaikama apaqtek ellangkok hata akvakmo ta aktakha nnelha aknem, akvesai'a nak ma'a nenvongkasemmalhka tep.

Filipenses 1:29

Eniapom Neten apkellaikamok ketlhengkap qaselha aktaqmanma nkek akvesai'a meliaskeiam Cristo, apkellaikamok na apkellengaiangko akientalhnema aniem'o apkelleliehekho Cristo.

Romanos 10:14

Koka melvenama ta m'a apkellelto la apkeliaskeiam, mankovhek na aptaikamok la meliaskeiam melleng'o la m'a ania'a aktaqmanma aklhenammalhka apieseksek ma'a. Melleniek hata nhan ania'a aktaqmanma metko la enenlhet apkeleltennasekama apieseksek ma'a.

Hechos 16:14

Lidia lhta akvesai'a lhema ngkelvana, ko Tiatira lhna lhta m'a, ietamopai'a apmennave lhta alhakhama apkelelqama'ak alhto ka iama apkel·hanaktema. Nkai'avek na lhta mota Eniapom Neten ma'a, nkailhangke lhta nhan apketlhekmoskama Pablo aniem'o Apveske aptemeskeskamak ma'a.

2 Tesalonicenses 1:9

Hai, mangkotnengvaiam annelha ta akiaqmoiekha apkeltemakha m'a, elentepkasakpok hata nhan napaqtek Apveske apto apientalhnemo kanhan aknema apmopvana.

Hechos 15:11

Mongeliaskeiakmok ennengko'o angelvongkasalhkak hata tep metka akianmoma aniem'o hengeltaqmelkeskeskama ta apankek nellaniemhaikama apveske Jesús, nnavek na m'a metnangko nak judios —lhnak aptemak Pedro.

Romanos 9:16

Apietnai'o pankek napa'at Eniapom Neten apmak'akha la etneskesek enenlhet, have aniem'o enenlhet apmak'akha la etne panke, have nhan aniem'o aptaqmelkasemmakpo la'a napaqtek ma'a.

Hebreos 6:4

Ketlhengkap apketlhevaiangkek malha apommatema la'a, apkeliangveiakmek nahan, apkeliepkonme lhta sekhe lhta qaselha altaqmanma metka akianmoma aniemai'o Eniapom Neten, apketlhevaiangko lhta nhan Espíritu Santo.