Efesios 2:2 - Nuevo Testamento Toba Maskoy

² Apkellaneiangke lhta nhan ngkollatsekama ketlhengkap aptaiangkolha nak enenlhet'avok lhmankek ham, apkeleliehekhave lhta ketlhengkap kasekapo av'alho'ok aveske alloma nak ma'a neten, anmaikama aplhamakho apkellelto nak meleliehekho Eniapom Neten.

Efesios 2:2 Referans Kwoze

Efesios 6:12

Mongennapelhkak ennengko'o enenlhet lheme nak, koka nengennapelhkak ma'a kasekapok av'alho'ok alleniem'o neten, akietno akmovana, akientalhnemo nhan takhalhet'ok ienaqtesakha lhma neniava alhma nkek ham.

1 Juan 5:19

Nengeliavek na ennengko'o nelleniem'o Eniapom Neten, koka apkellelto nak meleliehekhok malha aknaktetema m'a maniamolhma ngken anak.

Efesios 2:3

Nenlhamakho ennengko'o nengeleliehekhavek anmahai'akha nke nak engelvalho'ok angellanangkok qaselha ngkolatsekama. Ngkolatsekama alketansema engelvalho'ok nahan, nengeleliehekhave lhta mota aliaspongkomakha nak engelvalho'ok vanlha mota akteniaikama nkolanak ngkolatsekama, hengelietemave lhta angetlhevangkok nema akiaqmongkasekha nnavek na m'a aplhamakho enenlhet anak meleliehekho.

Juan 12:31

Ngvakmek aknem lhmanke nak ham nkoiekpelkalhkak hata ngkollatsekama kanhan aktaqmanma nak. Ngkolhek hata nhan aktepkeso aktemo nak aveske lhmankek ham.

Efesios 5:6

Mellanko nkek eliennengkeskak enenlhet'avok anak aktaikama nkek ania'a apketsoiam, nkanek Eniapom Neten hata eliaqmongkaskesekhak apkeltemakha meleliehekho m'a.

Juan 8:44

¡Aveske keliaqhameio' atkak ketlhengkap! Vanlha mota apkelleliehekho m'a, nentekioma niapom ma'a tep nak nanek ampai'osekha lhmankek ham, kakpota nhan akmovana ania'a anko ie, ngken na nenmopvana ania'a nak.

Efesios 4:22

Ka nkeniemai'ak na ketlhengkap ntasek elvatesangkok ngkollatsekama apkellaneiangko lhta mota lhennenga, etnangkok malha apkel·hatsosaikamok lhennenga apvalho'ok alpaisengkeskama aniem'o aliaspongkomakha nak apvalho'ok akmovana nak hengiennenkesek.

1 Corintios 6:11

Ka aptaiangkelha lhta nhan moklhem'a ketlhengkap lhennenga qaselha ngkolatsekama nak, kolhva koka nnengkek aknalhvateskamo iemmen, kno nhan alpokkenkaso Eniapom Neten la apanko'ok, nnengkek na altemeskeskamo apkelpeivomo aniem'o Apveske Jesucristo kakpota nhan Espíritu apankok Eniapom Neten.

2 Corintios 4:4

apkeliaskakmek na m'a aniem'o aveske hengke'e nalhepop anak nkeltemeskaskek malha ienaqtesa lhma apaqto'ok. Mankonmak'ak elvetak apommatema akto neten anko ie aniem'o m'a ania'a aktaqmanma nak aplhenammap Cristo apto aknema apmopvana, apnemo nhan Eniapom Neten ma'a.

1 Juan 5:4

ngkanek Eniapom Neten anak apketka apkeltemeskasantek koneng ngkollatsekama nak. Mongeliaskeiam anak ntemeskesantek na koneng ngkollatsekama nak.

1 Juan 3:10

¿Ko la aptemakha anioho' apto la Eniapom Neten apketka, kanhan atka la keliaqhameio aveske, he? Nkaimelhkek hata ellanama sekhe' apkellangiemhaikama m'a, ka melan'o la qaselha altaqmelo m'a, meniasekhek na enialheng, have Eniapom Neten apketka m'a.

1 Pedro 1:14

Eniapom Neten apketkak ketlhengkap, ka ngkanek ntasek eleliehekho mota ma'a, melieplavkesek mokhom aliaspongkomakha lhta apvalho'ok aptaiangkolha lhta mota nhan lhennenga meliamelha lhta Eniapom Neten.

Apocalipsis 20:2

Apathetke lhta m'a menasma akiavai'a lhta akvaneiam akvesai'a aveske keliaqhameio', mo'ok nema ltema Satanas. Apkelpelhketo lhta nhan cadena aliavai'a lhta, apienievo nhan malhek konne kankek. Ka aptaqmelkaso lhta nhan apkapekha atong ma'a akvaiakmo ta m'a 1.000 anio kakpota mankoliennenkasama enenlhet'avok lhmankek ham. Netamen hato ka m'a ngkolhek hata akpaqnemakho mokhom ma'a, akiakvatakho nkek hato ka m'a.

1 Juan 4:4

Eietkak apketkok, apkelpasmekhak Eniapom Neten ketlhengkap, apkeltemeskesentamo lhta koneng apketsekama ania'a nak apkenmopvanka ania'a, ngkanek nnankek apvalho'ok apto aknema nak apmopvana metlhok aknaiangko nak apvalho'ok meliekpelko nak mokhom Eniapom Neten.

1 Pedro 4:3

Ngvenaktenke lhta aknem apkellanekamok qaselha aleklemelha nak apvalho'ok enenlhet'avok melioho nak mokhom Eniapom Neten, apkeltemengvekho lhma, ngkollatsekama mota apkenmahai'akha etnangkok, melleskama etavangkok aptekamok, anmen alieieskama lhma, kakpota nhan apkeltakneskasekamok qaselha akiokha apkellanekamok. Npelhkaskek apiempek Eniapom Neten qaselha ngkollatsekama nak ma'a, ka meleliehekho nak Eniapom Neten aptaiangkek aktonak ma'a,

Colosenses 1:21

Apkellammelhme lhta ketlhengkap Eniapom Neten lhennenga, nketlheianme lhta apvalhok meliamolhma nak, apkellaneiangke lhta mota nhan ngkollatsekama.

Galatas 1:4

Apkaiangkave lhta m'a Jesucristo apmatnama aniem'o mongeleliehekho hengaskamakha Eniapom Neten. Hengelpaqnengkasekho nhan ngkolatsekama hengenmaikamok nenvanlha nak aniem'o nhan Eniapom Neten apkeltema m'a.

Romanos 12:2

Metnamo nkek aptaiangkolha nak meliamo nak Eniapom Neten, amanie nkek nkaimelhkak eliaqmongkasekhak mo'ok atlhenaikama apvalho'ok ketlhengkap, netamen nkovak hata nhan ma'a malha akiaqmoiekha na mo'ok apkellangiemhaikama. Netamen hata nhan ma'a nkovak apkeliangveiakmo aktaqmanma nkek aptemakha Eniapom Neten apmahai'elha, qaselha aleklemelha nak na apvalho'ok, qaselha aktaqmanma nkoie

Santiago 4:4

¡Apnaqtevaskamavek ketlhengkap apkellanei'o Eniapom Neten! Apkeliangveianlha niekhe ketlhengkap apkellelto niekhe apkellasekhai'o ngkollatsekama nak, apkellammelhmek koka niekhe nhan Eniapom Neten, have niapak ankek ma'a.

1 Corintios 5:10

Have lhtoka asketlheianma m'a melioho nak mokhom Eniapom Neten, apkellelto nak ma'a apkenmasmo qaselha apankok, apkenmenielhma, apkeltakneskasekamok qaselha akiokha alanemmalhka, have lhta alheianma m'a melpasmekhek ma'a nkanek ntemengkek lhamakho eiempek akvetammalhka m'a aktonak ma'a meliamolhma m'a.

Hechos 5:3

Koka lhnak aptemak Pedro apkanemo Ananias ma'a: —¿Se lha ntak apkangko nak akmangka lheiap Satanas, he? ¡Apiennengkaskek Espíritu Santo lheiap, apkel·hatsosakhek na nekha patakkom akiaqmoiekha alhta lhepop apankok apiamasma!

Juan 15:19

Aptangko la apkellanekamok ngkollatsekama ketlhengkap, ka enenlhet anak apkellanekamok ngkollatsekama ellasekho ta nhan ketlhengkap ma'a, ka akto nak apkellasekhai'elha la mota apkeltaiangkolha apketlhelhma'ak. Ko'o koka askeliekieskama ehenkek ketlhengkap apieseksek anak ma'a, mmaskek aptangko m'a aptaiangkolha nak ma'a, ka ngkanek eltaknevak ketlhengkap ma'a.

Juan 14:30

Ketse nkaimelhkak aknem akmaskemakha askelpaqmetkeskama ketlhengkap, ngkanek nkanketva'ak aveske lhma nkek ham, koka mamma akmovana hetneskasentak koneng ma'a.

2 Pedro 2:14

Vanlha mota apkellanekama po'ok enenlhet la aptava apkenmahai'a ellanakteksek ma'a, metka apkenmangveianlha nhan apkenmahai'a ellanangkok ngkollatsekama. Apkeliatengkek na ellanangkok qaselha ngkollatsekama nkoliennaktema nak apvalho'ok, vanlha nha mota alletsepma apnenio'ok patakkom ka ngkanek ngkolhek aliemetkaso m'a.

Juan 16:11

Aktemo nak aveske lhmankek ham, nnek akiekpelko aktemakha m'a, nlhenalhkek na akto akselhnanemmalhka m'a.

Juan 13:27

Neksa apkaikamo lhta pan Judas, kolhvave lhta ntalhnak apvalhok Satanas ma'a, lhta aptak Jesús apkano: —Judas, epekheso ta apkelanai'a qaselha aklhenakha apvalhok —lhta aptak.

Juan 13:2

Mpeneske lhta akmaikama aveske keliaqhameiok Judas, Simon Iscariote apketka kakpota eselhnanak Jesús ma'a. Apiave lhta Jesús apto Eniapom Neten apkapaskama kakpota nhan etaqhok apnakha m'a, apiavek na Eniapom apkaiangko lhamakho aktemakha apmopvana m'a. Neksa aptaveikokha lhta pelhasep ma'a, apkenmakho lhta neten Jesús, ka apleko lhta apkaqlammap, aptetakho nhan lhema ietamopai'a napokha neplhet.

Juan 8:23

Koka lhta aptak Jesús: —Ko takhalhet lhepop ketlhengkap, ko'o koka askeniem'o neten. Apkellomakha pankek ketlhengkap hengke'e, ko'o koka have askeniem'o hengke'e nalhepop anak.

Juan 7:7

Meltaqnevak apkelemhama apmaniaie ketlhengkap hengke'e, ko'o koka heltaknevakke ngkanek asketlhengkaske mota apkeltemakha ngkolatsekama m'a.

Apocalipsis 13:8

Asvet'o lhta nhan apkelteklhengko aptapno'ok naqtek ma'a kakpota ellahok akvesai'a aplhamakho enenlhet'avok lhmankek ham apkellelto mankolhnaikamok apkelvesai'a vakkahak alanemmalhko sekhek ankek tep nak nanek lhmankek ham. Ka vakkahak anak ma'a akto akiennaktema enneniek apankok ma'a Nepkesek Apketkok apto lhta nhan apmatnama.

1 Juan 3:8

Koka apto la enenlhet apkelanai'a mota ngkolatsekama, aniem'o nhan aveske keliaqhameio m'a, vanlha mota alanai'a ngkolatsekama m'a ampai'o lhnak nanek tep nak nanek alanemmalhko sekha lhmankek ham. Ka nkeniemai'ak apvai'o nhan Eniapom Neten Apketka kakpota etvaskesek na aktemakha alanai'a mota lhamakho qaselha ngkolatsekama m'a.

Santiago 1:7

Ka aptemak na enenlhet hanet la aklhenaikama apvalhok, amanie niekhe nlhenkek apvalhok lhema qaselha, netamen niaqmokhe koka mota mo'ok aklhenaikama apvalhok, aptemakha pankek koka mota m'a, ka ngkanek melhkek hata qaselha aniem'o m'a Apveske.

2 Timoteo 4:10

ngkanek Demas heieniakhehe', apmeiakhe lhta ma'a akieto Tesalonica apteniai'a qaselha meiaspongkomakha nak Eniapom Neten. Crescente lhtoka apmeiakhak ma'a akieto iokhalhma Galacia, Tito koka m'a iokhalhma Dalmacia,

Hechos 19:35

Netamen apto aptalhesaikamok ma'a apkelvanmesekho lhnak enenlhet'avok ma'a, lhna aptemak: —¡Enenlhet ko Efeso, eleltaqmelkasakpo, kolietnama apaqto'ok! Mankaimelhkak etnangkok aptangkolha nak, apkeliavek aplhamakho enenlhet'avok lhmankek ham nengelelto nellanekama neltaqmelkeskama pa'at akiavai'a ankok anak diosa Artemisa, kakpota nhan akiokha na'at akvaiventamo lhnak neten.

Lucas 22:31

Lhnak aptemak Apveske apkanemo Pedro: —Simon, etaqmelkaso no apkailhemo, nkeltavek Satanas nkolievhesama ketlhengkap malha aptemo nak trigo nema akievhesaikama nak.

Lucas 16:8

Aplengai'ak nak ania'a apveske apankok, aklhenaiangka lhnak apvalho'ok aptemakha apmakmesaikama apmopvana akietnaikama apaqtek apmak'akha la etnek. Have niapak ankek enenlhet apkellelto la melelieplekama Eniapom Neten, neten apankavek apkellelto apkenmopvanka'a alietnaikama apaqtek apkenmak'akha la etnangkok, mangkolhnok ma'a apkellelto nak apkelieplekama Eniapom Neten.

Apocalipsis 16:17

Ka apiangkeno lhta mokhom septimo ángel nohaikok takhalhet akieto neten akmeioianlha alhkaiam. Mpelapkaske lhta mokhom aktepo nema aliatekama akiennaktema nkek akieto konne pa'at akpokkenammalhka, naqtek ma'a aptanema apveske, lhta ntak: —¡Mpenesalhkehe! —lhta ntak nema aliatekama.

Apocalipsis 13:14

Nkeliennenkaske lhta aplhamakho enenlhet'avok aniem'o allanai'a qaselha mongenatkeskama, nemo lhta aiangkoho naqtek ma'a kaselha nevhak amanie lhta akteiapma. Nkeleltave lhta nhan ellanangkok apkelietkeskamo akiokha m'a kaselha nevhak akiavai'a lhta akiensaskama pelettav akvenaktema, aktaqmanveiam alhta nhan ma'a.

Apocalipsis 12:9

Nne lhta nhan akieniantamo koneng menasma akiavai'a kanhan ángeles atlhelhma'ak akieto takhalhet lhepop. Tep nak nanek akietnemo m'a menasma nak, akvesai'a nhan aveske keliaqhameiok, mo'ok akvesai'a Satanas, aliennengkaseiangka mota enenlhet'avok alhmankek ham.

Efesios 1:21

Aktemeskeskamo nhan apveske neten apankek takhalhet'ok lhamakho qaselha, kanhan kasekapo av'alho'ok alientalhnemo nke nak, aknema nak anmovanka'a, kanhan alveskaie'. Cristo apto apveske aknem anak kanhan emmanie aklhekmo nak.

Efesios 2:11

Ketlhengkap apkellelto nak metnangko judios, kotlheianvakho no apvalho'ok apkeleltaiangko lhta judios aknaikamo nak nema aliaqtemanma nak nekha tkok apkellammelhakha aniem'o koka enenlhet, apkeleltaiangko lhta mota metka aliaqtemenammalhka nekha tkok apkellammelhakha ketlhengkap.

Efesios 2:13

Taiepe kanke lhta nhan ketlhengkap Eniapom Neten, kolhva koka nengaqtoie' aniem'o akiangkenammalhka ema apankok Cristo Jesús.

Efesios 4:17

Kolhva asmak'ak atnek allana aktaqmanma nkek hengke'e akieplomo apvesai'a Apveske, ¡metnamo nkek ketlhengkap aptaiangkolha nak melioho nak Eniapom Neten! Apkelieplavkaske mota alietnaikama apaqto'ok nkolietemo m'a.

Efesios 5:8

Lhennenga lhta nhan ketlhengkap apkellomaka ienaqtesakha lhma, kolhva koka apkelloka malha atsak'elha lhma aniem'o apkelpasmekha Apveske. ¡Etnamok hata malha atkak apommatema nak!

Santiago 1:27

Koka akto aktaqmelo nentaqmelkasemmalhko engankek napaqtek Eniapom Neten nentaikama mota amaika'a apkelieihekama kanhan lhentampak'a neksa alvetai'a akientalhnema, kanhan mongellankehe na hengellekhoho ngkolatsekama la enenlhet meliamolhma.