Efesios 2:12 - Nuevo Testamento Toba Maskoy

¹² Have lhta songkek apkelpasmekha Cristo ketlhengkap lhennenga lhta, ma lhta elpalhaqvaiakmok na ko Israel, mankollapvankek lhta nhan elpasmekhak aknemo mo'ok apvalho'ok lhnak nanek apkenmahai'akha etnangkok ma'a Eniapom Neten kanhan Israel, mankollapvanke lhta nhan etlhevangkok lhema apaivoma apeneskamo Eniapom Neten ellangkok hata nhan ma'a. Apkellomaka lhta nhan metka Eniapom Neten ketlhengkap lhennenga, mamma lhta nhan alel·halhnekama apvalho'ok elvetak aktaqmanma.

Efesios 2:12 Referans Kwoze

Galatas 4:8

Lhennenga lhta ketlhengkap apkellasennaikama qaselha neniava nak mankotno Eniapom Neten, ma lhta eliamok na aptemakha Eniapom Neten,

Colosenses 1:21

Apkellammelhme lhta ketlhengkap Eniapom Neten lhennenga, nketlheianme lhta apvalhok meliamolhma nak, apkellaneiangke lhta mota nhan ngkollatsekama.

1 Pedro 1:3

Angeliavenkaskesama ta apvesai'a Eniapom Neten apto apiapom apveske engankok Jesucristo ngkanek apietnai'avek nengaqta'a ennengko'o m'a, hengeltemeskesekho nhan malha la nempalleiam alhnankok aniem'o nhan aplhatekhangveiam Jesucristo. Kolhva nhan nnaiangkok ennengko'o alel·halhnekama engelvalho'ok have niapak anke

1 Tesalonicenses 4:13

Elialheng'a, nenmak'ak angelleltennaksek akmak'akha ta ngkotnek apkellangiemhaikama apkellelto nak apkeletsepma kakpota ketlhengkap mankollaiose apvalho'ok malha aptaiangkolha nak ma'a enenlhet'avok metka nak alel·halhnekama apvalho'ok elvetak hata aktaqmanma.

Efesios 4:18

Malha alpaiseiam na alketamekama apvalho'ok ma'a, taiepek na Eniapom Neten aniem'o meliangveiakmo, aniem'o nhan aliennaktema apvalho'ok.

1 Tesalonicenses 4:5

Melelto nkek na nkolhnangkok apvalho'ok alleltemo la enmensangvomo lhma, ka aptaiangkolha nak ma'a apkeliaskeiam Eniapom Neten.

Juan 15:5

Ko'o asto iamet uva, ketlhengkap koka m'a malha aktengok anak. Mang hata nkek helieniakhak helpasmekama ketlhengkap, ngkotnek hata ngkeskama akielhna. Koka helieniakho la helpasmekama, ngkotnek hata metka akielhna, ngkolhek hata nhan aliaqtemeno m'a, nkoliemak hata, ngkolhek na ankesakho kakpota nkoklhalhkak aiseksek talha.

Hebreos 6:18

Hai, meiaqmonkasekhek hata Eniapom Neten hanet qaselha nak aplheianma ngkanek mamma nkek apmopvana ania'a m'a. Nenlhamakho nengelelto nenteniaikamok hengeltaqmelkeskama Eniapom Neten ntasek nkolhnangkok alel·halhnekama engelvalho'ok angetlhevangkok hata qaselha aplheianmo Eniapom Neten hengellangkok hata.

Romanos 9:8

Koka akvesai'a m'a, mankollapvankek etnangkok Eniapom Neten apketkak aniem'o m'a aptaikamok judios, nlho ka la nhan po'ok enenlhet, vanlha koka aniem'o m'a apeneskamo lhnak nanek apaivoma aplheianma Eniapom Neten ellangkok hata.

1 Pedro 3:15

elpokkenkes apvalho'ok ketlhengkap Apveske Eniapom Neten, elpeneso ta mota ankok apkellatemmoikama la'a metka apkeliennai'o kanhan nalhep'avek apvalho'ok aktemakha akietnema alel·halhnekama apvalho'ok Eniapom Neten.

Hechos 28:20

Ka ngkanek allavama ketlhengkap kakpota aliekpelkok, alpaqmetkesama nhan, asmalhkek ko'o nnek henakteto knonemaie cadenas ngkanek al·halhnekama evalhok atak hata aktaqmanma, nnavek na askeltemo lhemek israelitas —lhta aptak Pablo apkellano.

Hechos 3:25

Ketlhengkap apkellelto aptavana'ak neptamen apkeleltennasemmap ania'a annenga, etlhevangkok hata nhan qaselha annemo mo'ok apvalho'ok apkenmahai'akha etnangkok Eniapom Neten kanhan apkelieihengka. Lhnak nanek aptemak Eniapom Neten apkanemo Abraham: «Nkoltaqmelek hata apkellangiemhaikama aplhamakho enenlhet'avok lhma nkek ham aniem'o aptaven neptamen lheiap», lhnak na nek aptemak Eniapom Neten.

1 Juan 3:3

Koka apkellelto nak alel·halhnekama apvalho'ok elvetak hata m'a, malha apkelalhnasekpe pankavek kakpota etnangkok malha apkennemo m'a apto apkelalhnasemmap ma'a.

1 Pedro 1:21

Eniapom Neten aplhatekhaskeiam Cristo, aptemeskeskamo nhan neten apankek ma'a, ka meliaskeiakmo nhan ketlhengkap Eniapom Neten aniem'o nhan apkeltemeskeskama Cristo, nnankek na alel·halhnekama apvalho'ok eltaqmelkeskeskamok hata apkellangiemhaikama m'a Eniapom Neten.

Hebreos 11:34

Aptaiangko lhnak nanek na malha apketsepankeskama talha akiavai'a, apkeniaiangko apkenmahai'a etekio'ok akieplomo pelettav akvenaktema m'a. Neksa meliennaktema lhnak nanek nan ma'a alvektamo apkeliennaktema mokhom aniem'o meliaskeiam, aknaikokho lhnak nanek na apkeliennaktema m'a kakpota ennapakpok ma'a. Apnaqtevasekho lhnak nanek na kempokhakme apkellammelhmakha m'a.

1 Timoteo 1:1

Ko'o Pablo asto heiapaskama Cristo Jesús apto niapom al·halhnekama engvalho'ok angvetak aktaqmanma. Hellapaskama koka m'a Eniapom Neten apto hengelvongkeskamo tep kanhan Cristo Jesús kakpota apaiaksek ania'a aktaqmanma.

2 Tesalonicenses 2:16

Jesucristo apto apveske engankok, Eniapom Neten apto eniapma'ak apto nhan hengellamelaiam, apkelpaieskaiam amota engelvalho'ok, hengellaiangko nhan aktaqmanma nkoie' alel·halhnekama engelvalho'ok qaselha nkovak hata.

Colosenses 1:27

Hai, apmahai'o lhta nhan elvetaskesek qaselha akielhammalhka akiavai'a nkek apeneskamo lhnak nanek apmak'akha ta etnek kakpota eltaqmelkeskesek apkellangiemhaikama aplhamakho apkellavakha lhmankek ham, Cristo apvesai'a m'a, apmahai'a lhta Eniapaksek Eniapom Neten hengke'e, apsoiakmo lhta nhan alel·halhnekama nak apvalho'ok ketlhengkap kakpota elloka mota lhemek ma'a.

Colosenses 1:5

Nnaiangkek nak na apkelvaskapma m'a aniem'o alel·halhnekama apvalho'ok etlhevangkok hata lhema qaselha nema alpokkenkeskama m'a neten, apkellengai'a lhta ketlhengkap aklhenammalhka ania'a nak

Juan 10:16

Apiangkek na aplhamakha nepkesek apkelloka mo'ok nekha, alaqlosengvakhak hata nhan ma'a, heleliehekhok hata nhan ma'a, netamen angvankesekhak hata aplhamakho atnekhak lhema apienaktemakha, lhema aphapak na apto apkellanekama m'a.

Juan 4:22

Lheia annemolhema ko samaria meliamok selha ellasennama ie', koka ennengko'o judios nengeliavek ngkanek nengelvongkasemmalhka tep anak aniem'o m'a judios.

Lucas 1:72

Apkelietnai'avek nak nanek na napaqta'a m'a nelieihengka, mang nak nanek na nkomahai'ak elvangkamok annemo mo'ok apvalho'ok apkenmahai'akha etnangkok ma'a.

Hechos 2:39

Lhnak na nek aptemak Eniapom Neten Apveske engankok aplheianmo have niapak ankek ellangkok ma'a apkellelto apkeliekieskama, ketlhengkap, apketkak, kakpota nhan lhamakho enenlhet'avok lhmankek ham —lhna aptemak Pedro m'a.

Efesios 2:19

Ketlhengkap metnangko nak judios mmaskek aptangko po'ok enenlhet apkelleniemai'a mo'ok apkellavakha, kolhva koka aptangkok apkeltemo lhemek apkelpokkenammap ma'a, aptangko nhan Eniapom Neten apkennemolhema.

Hebreos 8:6

Koka neten ankek aktaqmanma m'a aktemakha apmakmekama sacerdote Jesús aplhevai'a, melhnok ma'a sacerdote nenvanlha nak. Apsoiakmo songke alhnankok annemo mo'ok apvalho'ok apkenmahai'akha etnangkok ntasek ankek ma'a mangkolhnok lhennenga. Apsoiakmo nhan alhnankok apeneskamo aplheianma Eniapom Neten, neten ankek aktaqmanma mangkolhnok na m'a lhennenga.