Efesios 1:9 - Nuevo Testamento Toba Maskoy

⁹ kakpota angeliangvomhok ma'a apeneskamo lhnak nanek apmak'akha ta etnek aniem'o apiamolhma hengellanei'o, malha aposkama la qaselha apmahai'akha etneskesek apkelanei'o Cristo.

Efesios 1:9 Referans Kwoze

2 Timoteo 1:9

Eniapom Neten hengelvongkeskangkek tep, hengeliekieskangkek nahan kakpota antangkok apkennemolhema hengelpokkanma, ma lhta niekhe hengelietemo ennengko'o m'a, koka tep nak nanek metka nnelha aktepekamo mota apeneskamo hengeltaqmelkeskesek hata nellaniemhaikama apmahai'o eniapaksek ma'a Cristo Jesús.

Efesios 1:11

Hengeliekieskamo lhnak nanek na Eniapom Neten kakpota hengellangkok hata qaselha apmahai'akha la hengellangkok ma'a, aptemengke ma'a akietnaikama apaqtek nak nanek etnehek, aptemengke mota m'a apmahai'akha la etnek.

Efesios 3:11

Ka lhamakho qaselha nak tep nak nane mota apeneskamo aklheianma apvalhok Eniapom Neten elanak hata, koka apeneskangkek kolhvave nak aniem'o Cristo Jesús Apveske engankok.

Galatas 1:12

Have enenlhet hellaikamok asketlhekmoskama nak, vanlha koka m'a Jesucristo apto lhta nhan apkeltemo aiekpelkok

1 Timoteo 3:16

Have niapak, qaselha akiemaskama engvalhok anak, nientelhek ankek aniangvomhok ma'a mongiaskeiam anak, ka aktonak ma'a Cristo nemo apaskamo nalhepop anak aptaiekho enenlhet apanke, netamen aplheianmo aktaqmanma aptemakha m'a Espíritu, apkelvetai'o nhan ángeles, nemo aleltennaseiangka nhan apvesai'a apieseksek metnangko nak judios, meliaskeiakmo nhan enenlhet'avok lhmankek ham, netamen na m'a apmammakpo takha neten akieplomo nemo ai'o kanhan nema aktaqmelkeskamo apvai'a.

Romanos 8:28

Neliavek ennengko'o Eniapom Neten apkelpeneskasavek lhamakho qaselha kakpota nkoltaqmelkesek apkellangiemhaikama apkellelto nak apkellasekhai'o, Eniapom Neten apkellavekama nhan kakpota elieplavkesek na apkellanemakha la etnangkok ma'a.

Hechos 13:48

Nkelpaihekhek nak apvalho'ok metnangko judios apkellengai'o m'a, apketlheianmo lhnak na aktaqmanma Eniapom Neten apaivoma, meliaskeiakmo nhan apkellelto apkeliekieskama Eniapom Neten kakpota ngkoitek aliennaktema apnenio'ok mankotnengvaianlha nnelha.

Hechos 4:28

Koka lheiap alhta apneskamo m'a aktemakha lhta apkaniemhaikama Jesús.

Hechos 2:23

Koka ketlhengkap apkellangkongvaiakme lhta Jesús enenlhet'avok meliamolhma kakpota ennapok neten iamet aktenneskama m'a, apiamavek koka Eniapom Neten apmanie panke' akmak'akha ngkotnek ma'a.

Lucas 2:14

—¡Eleltamok apientalhnemo Eniapom Neten akieto m'a neten! ¡Elvetak hata altaqmelaikama apvalho'ok apkellelto apkellamelaiam la m'a nalhepop anak! —lhna aptaiangkok ma'a.

Lucas 12:32

—Mankoliet ankek apkellai'a ketlhengkap apkellelto nak helieplekama, apkanet apanke niekhe ketlhengkap, koka Apkeliapom anak hata eltemeskesek apkelveskai'e apkelpasmekha m'a aniem'o apiamolhma m'a.

Romanos 11:25

Ketlhengkap elialheng'a metnangko nak judios, melakpo nkek nkotlhenek apvalho'ok apkeliekieskama Eniapom Neten aniem'o nema apkeliamo apankave', have m'a. Nietne lhta apeneskamo Eniapom Neten akielhammalhka apmak'akha etnehek, napokha israelitas nkeliennakvaiakme lhta apvalho'ok akvakmo toka aknem ma'a aptaikamok meliaskeiam aplhamakho nak metnangko nak judios.

1 Corintios 1:21

Mankollapvankek enenlhet'avok eliekpelkok Eniapom Neten aniem'o apanko'ok apankave nak apkeliangveiakmo, koka apiangveiakmo nak Eniapom Neten nkeltavek nkolvongkesek tep aniem'o nhan ania'a apanko nak, apkeleltaiangko nak enenlhet'avok taikama nkek ma'a.

Galatas 1:15

Nkaqhok koka m'a Eniapom Neten heliekieskangke panke amanie asmahai'a atiemok av'alhok meme aniem'o aktaqmanma nkek helanei'o, apmahai'ak na heteskesek Apketka kakpota heiapaksek ma'a aleltennasangkok apvesai'a apieseksek metnangko nak Judios. Ma lhta ateniaikama enenlhet hetlhekmoskama la'a,

Efesios 1:8

Apkeltakmelkeskamo nhan nellaniemhaikama tep ankek ma'a hengellaiangko akiavai'a neliangveiakmo kakpota nhan neliamo qaselhaha