Efesios 1:14 - Nuevo Testamento Toba Maskoy

¹⁴ Apkelientemongkeskamo apmanie hengellaikamok Espíritu apanke kakpota nkotlheianvakhok hata mota engelvalho'ok have niapak ankek angetlhevangkok lhamakho aktemakha apeneskamo apaivoma aplheianma etnek hata neksa akvai'a ta m'a akiokho nkek nema hengel·hatsoskekha neksa mongeliamolhma, antangkok hata nhan apkennemolhema m'a. Netamen hata m'a, nenlhamakho angeltakneskasangkok apvesai'a aniem'o akietnema akiavai'a nkek apmopvana.

Efesios 1:14 Referans Kwoze

2 Corintios 5:5

Hengellangkek ennengko'o Eniapom Neten Espíritu akto aktemeskeskama have niapak ma'a angetlhevangkok hata ma'a.

2 Corintios 1:22

Hennaktalheskamo nhan mongenatkeskama apankok engvalho'ok apvesai'a Espíritu Santo, akto aktemeskeskama have niapak ma'a apanko'ok ennengko'o Eniapom Neten.

Efesios 4:30

Meltemeskes na akmaiose apvalhok Espíritu Santo apkeniem'o Eniapom Neten, apto nhan ma'a malha mongenatkeskama la apiempeiok apkeltemeskeskama lhta ketlhengkap kakpota eliekpelkok enenlhet apanko'ok akvakmo ta m'a aknem apsavhomakha apkel·hatsoskekha neksa anmaikama moniamolhma.

Galatas 4:6

Ka nkeniemai'ak hengellapaskeskamo Espíritu apankok Apketka apkellaneiangkok engelvalho'ok, apaqmetkeskama nhan Eniapom Neten, ka aptak hengke'e: "Ta"

Romanos 8:23

Nellapentengkek na ennengko'o, niekhe akietnema Espíritu apkelientemongkeskamo lhta amanie hengellaikamok, nkaqhok koka avanhek nellengaiangko nengelel·halhanma ngkolhek hata hengeltemeskesakho Eniapom Neten apketkak akiokho nkoie, ngkolhek hata nhan akiaqmongkasakho mo'ok neniokha alhnankok nkanek neniokha nak anmaikama mota maniamolhma.

Efesios 1:12

Apkeltemavek na Eniapom Neten mongeliaskamek emaniaie engankavek Cristo kakpota angeltakneskasangkok apvesai'a aniem'o akietnema akiavai'a apmopvana m'a.

Hechos 20:32

Kolhva koka askenmalhnema Eniapom Neten eltaqmelkesek ketlhengkap elialheng'a aniem'o ania'a aktaqmanma hengamelaiam altakmelkeskeskama ta apkellaniemhaikama. Nietnek na apmopvana m'a kakpota elvanengkeskesek na apvalho'ok meliaskeiam, hata nhan ellangkok ketlhengkap ma'a aplheianmo lhta apaivoma ellangkok apkelpasmekha nhan apkelpokkanma.

1 Pedro 2:9

Ketlhengkap koka apkeliekiesaiangkek Eniapom Neten kakpota etnangkok apkennemolhema, apkellelto nhan sacerdotes apkellasennaikama apiav'akha apveske, apkellelto nhan lhema apkavakha apkelpokkenammap aniem'o apkenmama apianmongkeskama Eniapom Neten, apkeleltemo nhan eleltennasangkok lhamakho qaselha hempelapkeskama apkelanai'a m'a, aplaqlosengvekho m'a ienaqtesakha lhma ketlhengkap, aplaqlekho m'a akieto malha apommatmakha atsaskamo nke lhma

Hechos 20:28

Pastores aptaiangkok ketlhengkap aniem'o Espíritu Santo apkeltemeskeskama apkelemhama apmaniaie, ¡elel·halhnama ta mota ketlhengkap! Eltaqmelkes hata nhan apkellelto iglesia apankok Apveske, apkellelto lhta nhan apkenmama aniem'o ema apankok.

1 Corintios 1:30

Apkeliepetkasakhe lhta ketlhengkap Eniapom Neten Cristo, apto m'a malha apkeliangveiakmo apanko'ok, apkeltemeskeskamo nhan apkelpeivomo aniem'o m'a. Apkelpokkanmo nhan kakpota etnangkok Eniapom Neten apkennemolhema, apkel·hatsoskekho nhan neksa anmaikama moniamolhma.

Efesios 1:11

Hengeliekieskamo lhnak nanek na Eniapom Neten kakpota hengellangkok hata qaselha apmahai'akha la hengellangkok ma'a, aptemengke ma'a akietnaikama apaqtek nak nanek etnehek, aptemengke mota m'a apmahai'akha la etnek.