Colosenses 4:5 - Nuevo Testamento Toba Maskoy

⁵ Etnamok hata nema apkeliamo napaqtavek ma'a enenlhet'avok anak metnangko Jesucristo apkennemolhema, elelientemap neksa aklhengama aknem.

Colosenses 4:5 Referans Kwoze

1 Tesalonicenses 4:12

kakpota melelmongkalhnamaha! Netamen ellahok hata mota apkellelto nak apkeliaskeiam Eniapom Neten.

Santiago 3:13

Apno la lhema enenlhet apieseksek anak ketlhengkap aklheianma mota apvalhok apkanema eihok lhamakho qaselha, ntasek elvetaskesek ma'a nkotalhkak na apkelanai'a qaselha altaqmelo akieplomo koka nhan nalhepek apvalhok aniem'o aknema apiamo.

Romanos 16:19

Koka aplhamakho enenlhet apkelvet'ak ketlhengkap apkellelto apkelleliehekho apveske engankok, avanhek ankek apkelpaiesekha evalhok. ¡Etnamok hata mota nema apkeliamo elieplavkesek qaselha altaqmelo nak, meltamok koka m'a nema apkeliamo elieplavkesek qaselha ngkolatsekama nak!

Santiago 3:17

Koka enenlhet la akietnema aknema apiamo aniem'o m'a Eniapom Neten, apto malha alhnai'o apvalhok, apto nhan metka akmaska niapom apkaniemhaikama, apiamolhma, hengamelaiakmo mota, apietnai'o nhan napa'at po'ok, apneskamo po'ok apkellanei'o enenlhet apieseksek la'a, iokhalhmek na aplheianma, apkelanai'a nha mota qaselha altaqmelo.

1 Timoteo 3:7

Ntasek na etnek metno apketkok apkellai'o m'a apieseksek anak metnangko nak Jesucristo apkennemolhema kakpota nhan metlhenek ngkollatsekama aptemakha enenlhet, ngkanek malha apteiam kelha ngkotnek aveske keliaqhameio' al·hanma m'a.

Colosenses 3:16

Melieniekha nkek na ania'a aktaqmanma aniem'o Cristo, etlhekmosakpo ta apieseksek anak ketlhengkap, ennavesap nahan akieplomo apkeliangveiakmo. Etnamo ta nhan gracias Eniapom Neten, ennekmasamok hata nhan salmos, himnos kakpota nhan nennekmaskama aniem'o apvalho'ok apankave nak.

Marcos 4:11

Ka apkellatemmoiangka lhnak Jesús, lhna aptemak: —Nnek allangko eliangvomhok ketlhengkap qaselha akielhammalhka aktemakha aptema Apveske Eniapom Neten. Koka enenlhet'avok anak melpalhakvaiam nnek akmangka nema akietkeskama.

Santiago 1:5

Koka moklhem'a la ketlhengkap metka apkeliangveiakmo, ntasek elelmalhnama mota Eniapom Neten ngkanek apto nhan ma'a akleklemo mota apvalhok hengankok qaselha, metnak na hentaqheskamo la'a.

1 Pedro 3:1

Ketlhengka' ngkelvana'ak koleliehekho ta mota anakteiangka'a. Apno la atava' metno Jesucristo apnemolhema koliehekho ta nhan ma'a kakpota etnengvomok na Jesucristo apnemolhema aniem'o apvetai'a aktakmelkasemmalhko aptava, mankaimelhkak akiatekamok la enialhok ania'a aktaqmanma,