Colosenses 4:12 - Nuevo Testamento Toba Maskoy

¹² Apkapaskek na aklheianma apvalhok Epafras apto nhan apaivomolhema nak ketlhengkap, apto nhan apkasennaikama Cristo Jesús, vanlha mota apaqmetkeskama apkapiosekama Eniapom Neten kakpota eliennak akiokho nkek ketlhengkap apkelieplavkeskama apmahai'elha m'a.

Colosenses 4:12 Referans Kwoze

Romanos 15:30

Elialheng'a, akieplomo apvesai'a Apveske engankok Jesucristo kakpota nhan Espíritu apto niapom hengamelaiam, askeltavek helpasmekha helelmalhneskesek Eniapom Neten

Colosenses 1:9

Neksa nellengai'a lhta ania'a aktemakha apkellangiemhaikama ketlhengkap ham, lhta nkenok nelelmalhneskeskama mota metka nnelha Eniapom Neten eltemeskesek apkeliekpelkangveiakmo kiokho nkek aptemakha m'a, ellangkok na lhamakho aktemakha nema neniamo kakpota nhan neniekpelkemo aniem'o Espíritu apankok.

Filemon 1:23

Hai, ntasek ma'a, nlhenkek na apvalhok lheiap hengke'e askelaqlhengkasemmalhko nak lhemek Epafras aniem'o nellasennaikama Cristo Jesús,

Colosenses 1:28

Ennengko'o nelpaieskek ania'a aplhenammap Cristo, nellaskek na qaselha, netlhekmosenke mota akieplomo akiavai'a nkek neliangveiakmo kakpota etnangkok aliennaktema nkek apvalho'ok ketlhengkap apkanemakha nhan etnangkok Cristo m'a.

Colosenses 1:7

Epafras alhta apto apketlhekmoskama ketlhengkap qaselha nak ma'a, apto nhan nengellamelaiam netlhelhma'ak ennengko'o m'a, apto apkennengkasema apkasekhai'o Cristo apmakmekama nak apieseksek ketlhengkap ham.

2 Pedro 1:1

Ko'o Simon Pedro asto heiapaskama kanhan heiasennaikama Jesucristo, nlhenkek evalhok aplhamakho apketlhevai'a nak mangiaskeiam aktaqmanma nke', ka kto nak ennengko'o aniem'o nak Eniapom Neten kanhan Jesucristo apto apeivomo kanhan hengelvongkeskama tep.

Galatas 4:19

Ketlhengkap eietkak, mokhom aslengaiangko akientalhnema aniem'o ketlhengkap, malha kto nak engken la aklengaiangko akmaska av'alhok aniem'o apmahai'a etiemok atka. Hata nhan ngkotnek aslengaiangko akientalhnema akvakmo aknem etnangkok ketlhengkap malha Cristo.

Galatas 1:10

Motenia ko'o allekkasekama la apvalho'ok enenlhet hellanhoho, vanlha koka m'a asteniai'o nkollekkasama apvalhok Eniapom Neten. Ka astenio la ko'o nkollekok apvalho'ok enenlhet hellanei'o, nkomaskok hata asto hennenkasekama Cristo.

Romanos 15:14

Ketlhengkap elialheng'a, asiave ko'o apkeliamolhma apankavek ketlhengkap, apvanka'ak na eleltennasangkok po'ok.

Judas 1:24

Apvankek Eniapom Neten elpasmok ketlhengkap kakpota mellanankek qaselha ngkollatsekama, elalhnaskesek na apvalho'ok neksa apkeliamolhma. Eliantemakhek na akieto napaqtek aktaqmelakha nkek ma'a akieplomo akiavai'a alpaihekha apvalho'ok.

Hebreos 5:14

Koka apkellelto la aliennaktema apvalho'ok, apvanka'ak elioho qaselha aktaqmanma nlho ka la ngkollatsekama aniem'o aleltamekamok apkelvetai'a mota. Malha metno apketkok aptangko songkek ma'a, apvanka'ak etavangkok aptekamok aliennaktema.

Hebreos 5:7

Neksa apkaniemhaikama lhta Cristo hengke'e nalhepop anak apkenmalhnongkomo lhta akieplomo akiennaktema apkeleklhangvekama apkeltemo eiekakse' niekhe apketsepma. Ka aplengai'o lhta nhan Eniapom Neten ma'a aniem'o apkeliehekho mota m'a.

Colosenses 1:22

Kolhva koka apkeliepetkangvakhek mokhom ma'a Eniapom Neten aniem'o Cristo aptaiekho lhta nhan enenlhet apankek ma'a, apketsepmo lhta nhan apkeliaqmoiekha ketlhengkap, apkeltemeskeskamo nhan apkelpokkenammap ma'a, metka alpaieseiam apvalho'ok, metka apketlhenammap na meliamolhma.

2 Corintios 13:11

Hai, ka m'a, askeltavek ko'o nkolpaihekha mota apvalho'ok ketlhengkap elialheng'a ham, elienlhanmamok hata mota apkenmahai'a eletsavhongvomhok apkeliangveiakmo, eliatamo ta mota po'ok, elloka ta lhemek aknemo mo'ok apvalho'ok kanhan metka akmaska nak apieseksek anak ketlhengkap ham. Eniapom Neten apto niapom aktaqmelaikama engvalho'ok anak kanhan nengamelaiam, etnangkok apketlhelhma'ak amota ham.

1 Corintios 14:20

Elialheng'a, metnamo nkek malha akto nak nematkak mankoliamo nak, etnamok koka malha apkeliavo nak apkenmopvanka'a nak nkolketamama apvalho'ok, etnamok hata nhan malha akto nak nematkak mankolteniaikamok anak ngkolatsekama.

1 Corintios 2:6

Asketlhekmoske lhtoka apieseksek anak aliennaktema nak meliaskeiam akieplomo asiangveiakmo, have koka aniem'o nak enenlhet, nlho ka la m'a apkelemhama apmaniaie nak, akmaskengvaiam anak apkelientalhnemo.

Juan 12:26

Apkenmak'ak hata nkek etnangkok askellasennaikama, nkaimelhkek helieploma asmangkelha la'a, alhelhma koka motaha. Ko'o Tata ta nhan eltemeskasangkok neten apankavek ma'a.

Santiago 5:16

Ka ngkanek na ntasek etlhenek moklhem'a apnaqtevaskama la po'ok apieseksek anak ketlhengkap ham. Elelmalhneskes hata nhan po'ok ham kakpota ngkolhek altakmelkeskakmo m'a neksa apkellengaiangko anmaska apiempeiok, ka enenlhet la apeivomo nietnek akmovana apkenmalhnongkoma.

Santiago 1:1

Ko'o Santiago asto heiasennaikama Eniapom Neten kanhan apveske Jesucristo nlhenkek evalhok apkellelto 12 apkelpasmekhak apketkak neptamen Israel, apkakhengveiakmo lhma nkek ham lhamakho apkellavakha.

1 Tesalonicenses 5:23

Nengeleltavek na Eniapom Neten apto aktaqmelaikama engvalhok etnek na apkelpokkanma ketlhengkap, eltaqmelkesek apvalho'ok, apkelvanmongkoma kanhan apkeliokha kakpota etnangkok metka apkeltemengveiakmo lhma akvakmo apvaktamo ta apveske engankok Jesucristo.

Lucas 22:44

Avanhek ankek nak aplengaiangko akientalhnema m'a, koka niangveiakmek nak apkenmalhnonkoma Jesús ma'a, akteiapmo lhnak na apiemes ma'a malha ema lhna ntemak ma'a.

Lucas 1:1

Askeltavek altennaksek ania'a lheiap aktemakha lhta hengellanei'o Eniapom Neten nenieseksa ennengko'o. Mantek na enenlhet apnaktalhesaikamok aktemakha ania'a nak ma'a,

Colosenses 1:29

Avanhek na askeliephaiekho asmakmekama akieplomo asiennaktema, asmopvana nhan aniem'o Cristo.

Colosenses 4:9

Onesimo ta nhan etnek aplhelhma m'a, apaivomolhema apankave nak ketlhengkap, avanhek nellamelaiam ma'a, apto nhan hengasekhai'o, eleltennasama ta nhan lhamakho qaselha aktemakha akvetammalhka hengke'e.

Santiago 1:4

Koka nkaimelhkak elvaskapok akvakmo aktakha nnelha akientalhnema apkelvetai'a, netamen hata m'a nkovak aptaikamok apketsavhongvaiakmo apkeliangveiakmo m'a, nkolhnangkok hata nhan lhamakho aktemakha apkeltaqmanma.