Colosenses 3:8 - Nuevo Testamento Toba Maskoy

⁸ Kolhva koka ntasek elvatesangkok lhamakho qaselha ngkollatsekama nak ma'a, ka aktonak nenloma, mangkeskama hennatheskama, ngkollatsekama, nentaknongkoma, ngkolatsekama engatong.

Colosenses 3:8 Referans Kwoze

Efesios 4:29

Melpaqmetama ngkollatsekama la apaivoma, ntasek koka elpaqmetama altakmanma kakpota nkoltaqmelkesek apkellangiemhaikama po'ok, nkoliangveskeskamhok nahan.

Efesios 4:22

Ka nkeniemai'ak na ketlhengkap ntasek elvatesangkok ngkollatsekama apkellaneiangko lhta mota lhennenga, etnangkok malha apkel·hatsosaikamok lhennenga apvalho'ok alpaisengkeskama aniem'o aliaspongkomakha nak apvalho'ok akmovana nak hengiennenkesek.

Efesios 5:4

Melpaqmetama nhan apkelpakmeiasma henmankaskama nak, melpaqmetama nke na malha aktaikama nke nak kakpota nhan qaselha ngkolatsekama, akhemo m'a, koka ntasek ma'a etnangkok gracias Eniapom Neten.

Colosenses 3:5

Ennapekha' ngkollatsekama anmahai'o apvalho'ok, elvatesamok apkenmensangveiam alhma, mellanamok qaselha malha alpaisengkeskama nak apvalho'ok, mellanko nkek nkoliatangkok apvalho'ok allapelhkasekama apnenio'ok ellanangkok qaselha ngkollatsekama, meleliehekho nkek na aliaspongkomakha nak apvalho'ok, metnamo nkek na apkenmeiavkesammakpo qaselhaha ngkanek malha apkeltakneskasekamok qaselha akiokha la alanemmalhka m'a.

Efesios 4:26

Hata nhan apkellavo la ketlhengkap, mellanko nkek nkoiavangkok akvakmo apkellan'o ngkolatsekama, melvenaktesamo nkek na aknem

Hebreos 12:1

Ka aplhamakma lhnak nanek enenlhet'avok alheno lhkek malha hengellanekama aptaiangkok ennengko'o m'a neksa nellaniemhaikama hengke'e. Ka ngkanek ntasek annengkenekha malha nelpatmekama akientalhnema la'a, ngkollatsekama nak nahan hengeliaseiangko mota lhma, kakpota anganiemhama metka akpekhai'a. Malha aktonak ma'a apkelpaivasemmap anak enenlhet apkeniema metka akpekhai'a ngkanek aholhek amai.

Colosenses 3:9

Elvatesamok hata apkenmopvanka ania'a apieseksek anak ketlhengkap ngkanek apkelieniavke lhta apkeltemakha lhennenga apkellanekamok alhta qaselha ngkollatsekama.

1 Pedro 2:1

Elvatesamok hata lhamakho aktemakha ngkollatsekama nak, neniennenkeskama, hanet engvalho'ok, neniasepkeskama emmo'ok apanko'ok kakpota nhan nentepkesaikama apvesai'a emmo'ok.

2 Corintios 12:20

Askak'ak ko'o m'a etnangkok asvaktamo ta ham ello'ok hellanhoho, ko'o telha nhan heliasangko lhma ketlhengkap asvaktamo ta ham. Askak'ak na ko alvetangvetak apkellatemommap, kno nak apkeliasepkeskama, apkelloma, atlhenammalhko nke apvalho'ok apanko'ok apankavek. Apkelentepkasekama apvesai'a po'ok aptaikamok apkenmopvanka ania'a, etlhenama apvesai'a po'ok aptakha la'a, elakpoho, lhamakho qaselha ngkolatsekama aptaiangkolha.

1 Corintios 3:3

ngkanek nheklhek apketlhengkeskama mokhom aliaspongkomakha nak apvalho'ok. Apkeliasepkeskama po'ok, apkeliamenammap nahan, malha enenlhet la aplhengkeskama akiaspongkomakha nak apvalhok.

Galatas 5:15

Koka aptaklho la po'ok, aptavo la nhan, ¡eniaho! Apnaqtevasekpe pankavek ketlhengkap ma'a.

Romanos 13:13

Koka elloka m'a malha atsak'elha lhma nak, ellanamok qaselha altaqmelo. Melpasengvom ankek melleskama etavangkok aptekamok, melleskama nak einangkok anmen, menmensangvomanke lhma, mellanamo nkek na qaselha ngkollatsekama, metka apkennapommap nahan, metka nhan apiasepkeskaiam qaselha apanko'ok la po'ok.

Judas 1:8

Nkaqhok koka apkellengai'a niekhe ania'a, apkellaneiangkek apankavek ngkollatsekama enenlhet'avok apkakhangko nak apieseksek anak ketlhengkap ham. Apketlhenakpave mota apankavek apkellelto apkelientalhnemo aniem'o alvanmeskama mota qaselhaha. Koka malha apkelpaisengkeskama apiempeiok mokhom aptaiangkok ma'a aniem'o meliamolhma, man na nkonmahai'ak eleliehekhok apkelientalhnemo, apkeltaknongkongkek na m'a alientalhnemo nak ma'a aknaiangko nak neten.

2 Pedro 2:18

Etlhenakpo apankavek apkelammakpo, koka aqhemo m'a, apkenmopvanka'a ania'a, apkeliennengkaskek ma'a atlhenkeskama nak apkelvatesaikamok meliamolhma kakpota etnokhak mokhom alleniem'o nak ma'a aliaspongkomakha nak apvalho'ok.

Santiago 2:7

¿Have nlho nhan nema apketsekama nak apkeltaknongkoma mota aktaqmanma apvesai'a Apveske apanko'ok ketlhengkap, he?

1 Timoteo 1:20

Ka aktonak ma'a apieseksek anak Himeneo kakpota nhan Alejandro, askangkongvakme lhta m'a Satanas kakpota melammelhek mokhom Eniapom Neten apvesai'a.

1 Timoteo 1:13

Niekhe lhennenga astaqnongkongke lhta apvesai'a m'a, asmenlhenaiangka lhta, askeltaknongkomo lhta nhan apkellelto apkellasennaikama apankok ma'a. Koka apiose lhta helanei'o Eniapom Neten ngkanek ma lhta nkoietnemak moi'askeiam anak, ma lhta nhan aihamok nkoietemo astemakha m'a.

Galatas 5:26

Metnamo nkek apkellammakpoho, mongelvankesalhkek nahan emmo'ok kakpota angellammelhalhka, metka nhan neniasepkeskama qaselha apanko'ok emmo'ok la'a.

Galatas 5:20

Neniavenkeskamo akvesai'a qaselha alanemmalhka akiokha, kakpota nhan aknema engvalhok, nentaknongkoma emmo'ok, nennapommalhka emmo'ok, nennathaikama, nenloma, nenteniaikama mota emmo'ok angammelhek, nenmopvana angelhpankesek emmo'ok.

Marcos 7:22

Aptevaskama aliemhapma, apvannaikamok qaselhaha, apkeltaiangkolha ngkollatsekama, apkenmopvanka ania'a, apiaspongkomakha panke' ngkolatsekama. Apnathaikamaha nhan, apkenmaikama ania'a, apkammakpoho, meihangveiakmo lhma nhan.

Apocalipsis 16:9

Avanhek anke lhta apkenmeiasma aplhamakho enenlhet'avok aniem'o akmate nkoie. Nheklhe lhtoka meliaqmongkasekhak mo'ok apvalho'ok ma'a, ma lhta nhan eliavenkaskesaikama apvesai'a Eniapom Neten apto akietnema apmopvana takhalhet'ok qaselha akmovana nak hentevaksek, apkeltaqnevakke lhtoka mota apvesai'a m'a.

Judas 1:13

Apkellanengke mota nhan qaselha henmankaskama, malha kto nak akiaqmopai'a nak alakhaiam iemmen alvata akiennaktema nkek atsenta nak qaselha apavok alhammalhka la'a. Malha nha aptangko nak apiav'a la apkeliaqmongkasekha mo'ok amai apanko'ok apkenmeiekhelha la'a. Ngkolhek hata nhan altaknongvakho, ngkolhek na allapaso akiav'akha nkek ienaqtesakha lhma mangkotnengvaiam annelha.

2 Pedro 2:7

Koka vanlha lhnoka apvongkeskamo tep Eniapom Neten Lot ma'a ngkanek apto apeivomo, aiosek nak na nentemak apvalhok apvetai'o apkeltemakha apkellanekamok ngkollatsekama meltaqmelkasemmakpo' apkennemolhema m'a.

Efesios 4:25

Ka nelpasmekha nak malha lhema neliokha ntakhak ma'a, ka nkeniemai'ak na metnangkek apkenmopvanka'a ania'a apieseksek anak ketlhengkap, etnamok hato ka nhan iokhalhmek ankek apketlheianma.