Colosenses 3:12 - Nuevo Testamento Toba Maskoy

¹² Apkellamelaiam Eniapom Neten ketlhengkap kakpota nhan apkeliekieskangkek kakpota etneskesangkok na apkelpokkanma, ka ngkanek na ntasek elietnaho mota napaqta'a po'ok, etnangkok na apkeliamolhma, anmomhapak'a apvalho'ok, metka apkelloma, metka apkelpekheskama nhan.

Colosenses 3:12 Referans Kwoze

Efesios 4:32

Ellanamok koka altaqmelo qaselha, elietnaho napaqta'a po'ok, eltemeskesama ta nhan apankavek aptevasko la po'ok apieseksek anak ketlhengkap, ka aptemakha lhta Eniapom Neten aptemeskesaiangka lhta apankek meliamolhma lhta ketlhengkap aniem'o apkelpasmekha Cristo.

Efesios 4:2

Etnamok hata nhan koneng apankavek ketlhengkap, anmomhapak'a apvalho'ok ellanhok po'ok, mellammelho apnaqtevasemmap metka apkelpekheskama nhan aniem'o apkellasekhammakpo.

1 Juan 4:19

Nengellamelakmek ennengko'o Eniapom Neten ngkanek apmanie pankek hengellamelaiam ma'a.

Colosenses 3:10

Kolhva koka alhnankok apvalho'ok nlhenkek na akvanekamok lhamakho aknem akvaiakmo aknakho aptaiangkolha Eniapom Neten apto lhta apkelanai'a enenlhet, nlhenkek na akvakmo apkeliekpelkangvakmo ta apiokho nkek ma'a.

2 Pedro 1:10

Ketlhengkap elialheng'a, apkellavema lhta Eniapom Neten, apkeliekiesaikamo lhta nhan ma'a, ntasek enmeivo mota m'a qaselha altaqmelo nak apvalho'ok kakpota mepallemmek.

1 Tesalonicenses 5:15

Mellanko nkek eliaqmongkaskesekhak po'ok apkellaneskeskama la ngkolatsekama, ntasek koka mota eteniangkok ellanangkok qaselha altaqmelo apieseksek anak ketlhengkap kakpota nhan apieseksek po'ok anak enenlhet.

2 Corintios 6:6

Apkeliave mota ketlhengkap neltaqmelkasemmalhkoho, neliave na akto have niapak anke iokhalhme, apkeliavek na ketlhengkap metka nelpekheskama kakpota nhan nalhep'avek engelvalho'ok angellanhok emmo'ok, apkeliavek na ketlhengkap apnaikamok engelvalho'ok Espíritu Santo, nengellasekhai'o nhan emmo'ok iokhalhmek engelvalho'ok.

Galatas 5:6

Koka apkelpasmakho la Cristo Jesús, mmaskek aktaqmelo m'a akiaqtemenammalhka nak nekhatkok nengammelhakha nlho ka la m'a, vanlha nkaimelhkak nkoitek mongiaskeiam anak kakpota nkotepkesek nengasekhai'o nak emmo'ok ma'a.

1 Pedro 1:2

Eniapom Neten apkeliekiesaikamok ketlhengkap kakpota etnangkok apkennemolhema apankavek ma'a, Espíritu lhta apkelpokkanma m'a kakpota eleliehekhok ma'a, nkolalhnaksek na ema apankok Jesucristo. Askeltavek na ko'o Eniapom Neten eiavenkasok apkeltakmelkeskeskama apkellaniemhaikama, ellangkok na altaqmelaikama apvalho'ok ketlhengkap ham.

2 Timoteo 2:10

Koka asvaskapmek neksa aslengaiangko akientalhnema kakpota nkoltaqmelek apkellangiemhaikama apkellelto nak apkeliekieskama Eniapom Neten, apkelvonkasemmap hata nhan tep, elvetak hata nhan qaselha altaqmelo m'a metka anmaskengvaiam aniem'o meliaskeiam Cristo Jesús.

Romanos 1:7

Hai, nketlhenkek evalhok ketlhengkap ko romanos apkellelto apkellamelaiam kakpota nhan apkelleliekieskama Eniapom Neten etnangkok hata nhan apkelpokkanma m'a. Hai, askeltave ko'o Eniapom Neten kakpota nhan Jesucristo apveske engankok eltaqmelkeskesek apkellaniemhaikama, ellangkok na altaqmelaikama apvalho'ok.

Tito 1:1

Ko'o nak Pablo asto heiasennaikama Eniapom Neten, asto nhan heiapaskamo lhta Jesucristo kakpota atlhekmoksek aktemakha mongiaskeiam apieseksek ma'a apkellelto nak apkeliekieskama Eniapom Neten kakpota nkovak apkeliangveiakmo m'a aktemakha akto have niapak ankek nenganiemhaikama aktaqmanma,

Lucas 18:7

Eniapom Neten hata nhan epasmok ma'a apto enenlhet apkeliekieskama apkelienlhaneiakmo la'a apkenmalhnonkoma mota aknem anke kanhan pelhasep, melailhek hata nhan m'a,

Lucas 1:78

Avanhek ankek apkelietnai'o nengaqta'a Eniapom Neten, hengellangkek sekha akteiapma aknem

Marcos 13:27

Ellapaksek hata nhan ángeles alhma nkek ham, nelhkeiha, nepieiam, tep aknem kanhan mankolha aknem kakpota eniankesekhak apkellelto nema aliekieskama.

Efesios 4:24

Elpekkenekha koka malha alhnankok apvalho'ok aniem'o m'a Eniapom Neten, niavek ma'a qaselha nak akpeivomo, qaselha altaqmelo kakpota nhan iokhalhme nak.

2 Timoteo 1:9

Eniapom Neten hengelvongkeskangkek tep, hengeliekieskangkek nahan kakpota antangkok apkennemolhema hengelpokkanma, ma lhta niekhe hengelietemo ennengko'o m'a, koka tep nak nanek metka nnelha aktepekamo mota apeneskamo hengeltaqmelkeskesek hata nellaniemhaikama apmahai'o eniapaksek ma'a Cristo Jesús.

Filipenses 1:8

Apiavek koka Eniapom Neten avanhek heliepvaiam asmahai'a alvetekhak ketlhengkap ham aniem'o akiavai'a askellamelaiam aniem'o nhan Cristo Jesús.

Efesios 1:4

Amanie lhnak nanek apkelanai'a lhamakho qaselha lhma nkek ham, hengeliekieskangkek nak nanek na Eniapom Neten ennengko'o aniem'o nhan Cristo kakpota hengeltemeskesek na hengelpokkanma, angelloka metka neltemengveiakmo lhma' napaqtek ma'a. Avanhek ankek hengellamelaiam Eniapom Neten,

Romanos 9:11

Amanie lhnak nanek apkenmahai'a epalemmak m'a, mamma mokhom apkellanekamok qaselha ngkolatsekama, nlho ka la aktaqmanma, koka Eniapom Neten apkeltennaskangkek nak nanek Rebeca apselhiek eniasennama ta metno apketkok. Ka ntemak na aktalhesammalhka Vakkahak Eniapom Neten apaivoma: «Avanhe skamelaiam Jacob aselhtek Esaú», lhna aptemak Eniapom Neten. Apvankek Eniapom Neten apmak'akha la eliekiaqsek enenlhet, nkaqhok meliamolhma la'a nlho ka la apiamolhma kakpota emakmesama apmak'akha la enmeksek apkellanei'oho.

Marcos 13:22

ngkanek elvak hata apkelietkesammakpo Cristo, kakpota nhan apkeleltennasemmap ania'a apkenmopvanka'a ania'a. Ellanangkok hata qaselha mongenatkeskama kakpota nhan qaselha hempelapkeskama kakpota eliennengkesek aplhamakho enenlhet'avok lhmankek ham, nkomahak hata nhan eliennengkesek aptangko nak nema aliekieskama.

Marcos 13:20

Koka Apveske eiakvatesok hata aknem apkellengaiangko enenlhet'avok ma'a kakpota mesavhakpek apkeletsepma, ngkanek avanhek apkellamelaiam enenlhet apkellelto lhta apkeliekieskama.

Apocalipsis 17:14

Nkonnapalhkak hata akieplomo atlhelhma'ak ma'a Nepkesek Apketkok, koka koneng hata etneskasentak ma'a ngkanek apto Apveske neten apankek melhnok po'ok apveske la'a, Apiav'akha Apveske nhan neten apankek melhnok po'ok apiav'akha apveske. Etnangkok hata nhan apketlhelhma'ak apkellelto lhta apkellavommap anak, apkeliekiesammap nahan kanhan apkelleliehekho mota m'a —lhta aptak heiano ángel ma'a.

2 Juan 1:13

Nketlhenkek apvalho'ok atkak anak nialheng lheia, akto Eniapom Neten apkeliekieskama. Amen.

Romanos 13:14

Alpeivekha koka etnamok, eleliehekhok koka mota Apveske engankok Jesucristo, mellanko nkek nkonmama altakha la apvalho'ok aliaspongkomakha nak.

1 Corintios 13:4

Enenlhet akietno la apkasekhai'o po'ok, emankok apvalhok aptevasekpo la m'a, apiamo lhma apankek nahan, metka apiasepkeskama po'ok, metka aplhenaikama aktemakha apiangveiakmo kakpota nhan metka akiephesekama apkammakpo.