Colosenses 2:5 - Nuevo Testamento Toba Maskoy

⁵ Kolhva koka molhnemak apieseksek ketlhengkap ham, evalhok koka malha ntemak aknema ham, avanhek akpaihekha evalhok ngkanek avanhek apkeltakmelkeskamo apankavek apkakhaikamok ham, apketlhengkeskangkek na aliennaktema nkek meliaskeiam Cristo.

Colosenses 2:5 Referans Kwoze

1 Tesalonicenses 2:17

Ketlhengkap elialheng'a, nelvaktanie lhta ennengko'o nentangko lhta amaika'a ketlhengkap ham, hengeliepvamenke ennengko'o aniem'o ketlhengkap, niekhe nhan engelvalho'ok ketlhengkap, avanhek nemmahai'a angelvetekhak mokhom ham.

1 Pedro 5:9

Elammelh hata nhan akieplomo akiennaktema meliaskeiam ma'a, ka aliepkonma nak ketlhengkap nnavek na apkelvetai'a m'a apkelialheng'a aplhamakho lhmankek ham.

1 Corintios 16:13

Elel·halhnamok hata, eliennaktes hata nhan meliaskeiam anak, etnamok hata nhan apmakmosak'a. Eteniamok hata nhan apiempeiok neksa apkellangiemhaikama,

Hebreos 3:14

Ampakhasekha nke lhta mongeliaskeiam ennengko'o Cristo m'a, ka nelvaskapo la nhan akiennaktema mongeliaskeiam akvakmo aktakha nnelha aknem, netamen angelpasmekhak hata ma'a nenlhamakho qaselha apankok Cristo m'a.

1 Corintios 14:40

koka ntasek etnangkok aktaqmanma nak, nema apkelanmakha nhan neksa nemaknekhelha la'a.

Hebreos 6:19

Ka al·halhnekama engvalhok anak hentemeskaskek metka aktaikama engvalhok, malha aktonak tava apak akmaskeskama nak akievhekama loma nemmen la'a. Koka al·halhnekama engvalhok anak hengelentalhneksek hata m'a Eniapom Neten apnemakha akieto neten, tep ma'a ietamopai'a aphalhtemommap.

1 Tesalonicenses 3:8

koka hengeliennaktesakhave lhta nelleng'o ania'a akiennaktema mokhom meliaskeiam Apveske ketlhengkap.

1 Corintios 15:58

Ka nkanek na ntasek ketlhengkap elialheng'a askellamelaiam, elienna ta metka apkelvatesaikamok na apkenmakmesaikama Apveske engankok anak, have aqhemo nhan apkenmakmesaikama ketlhengkap ma'a.

Colosenses 2:1

Asmak'ak aleltennasama ketlhengkap avanhek ko'o askeliephaiekho asmakmekama aniem'o helasennaikama ketlhengkap kakpota nkoltaqmelek apkellangiemhaikama ham, ka nhan ma'a elialheng'a apkakhangko Laodicea, kakpota nhan aplhamakho apkellelto nak mangheliekpelkemelha nak.

1 Corintios 11:34

Koka annapo la mek amanie la apkenmahai'a enmeiakhak nemaknekhelha, ntasek etavokha ma'a apkakhaiangkolha apankave nak kakpota mellanie qaselha ngkolatsekama m'a akieto nak nemaknekhelha, metlhokiek na nema akiaqmongkasekha la'a apkeltemakha. Hai', vanlha m'a, hata asvaktamo ta mokhom astaikama la amaika'a ham, anmaskeskatak hata lhamakho aktemakha akientalhnema apkakhaikamok ham.

Hechos 2:42

Vanlha lhna mota apkellasekhai'o aktemakha apketlhekmosekamok nema allapaskamo, apkeltaiangkolha lhna lhta mota nhan apketlhelhma'ak, kakpota nhan aptaveikokho lhemek, kanhan apkelpasmekho apkelelmalhnongkoma m'a.

Hechos 20:21

Askeliatengke lhta judios kakpota nhan metnangko nak judios askeltemo eliaqmongkasekhak mo'ok apvalho'ok napaqtek Eniapom Neten kakpota nhan meliaskame Apveske engankok Jesús.