Colosenses 2:2 - Nuevo Testamento Toba Maskoy

² Avanhek na asteniai'o eiempehek askeliatekhoho aplhamakho m'a askeltemo etlhengkesek apkelpasmommakpo, ellasekhakpoho kakpota nkovak akiokho nkek apkeliekpelkangveiam kanhan apkeliangveiakmo qaselha akielhammalhka nak apeneskamo lhnak nanek Eniapom Neten aplheianmo lhnak nanek eniapaksek Cristo,

Colosenses 2:2 Referans Kwoze

Colosenses 1:27

Hai, apmahai'o lhta nhan elvetaskesek qaselha akielhammalhka akiavai'a nkek apeneskamo lhnak nanek apmak'akha ta etnek kakpota eltaqmelkeskesek apkellangiemhaikama aplhamakho apkellavakha lhmankek ham, Cristo apvesai'a m'a, apmahai'a lhta Eniapaksek Eniapom Neten hengke'e, apsoiakmo lhta nhan alel·halhnekama nak apvalho'ok ketlhengkap kakpota elloka mota lhemek ma'a.

Colosenses 4:8

Allapaskesek hata ketlhengkap ham kakpota eleltennaksek aktemakha nellaniemhaikama hengke'e, kakpota elvaskapekhok ketlhengkap ham.

Colosenses 3:14

Koka akto neten ankek akiaspommalhka m'a ellasekho mota po'ok ngkanek nkotsantengkesek hata apkelpasmommakpo pankavek ma'a.

Romanos 16:25

Angeltakneskasangkok hata ennengko'o Eniapom Neten apto apmopvana hengeliennakteksek engvalho'ok, ka aktemakha nak asketlhekmoskama ania'a aktaqmanma aplhenammap Jesucristo. Lhennenga tep nak na nek apeneskamo lhema qaselha Eniapom Neten apmak'akha ta etnek, malha aposkama koka ntemak ma'a.

Filipenses 3:8

Koka lhamakho qaselha lhta m'a kolhva koka nlhenkek evalhok mankoliennaktema m'a, have kto nak qaselha altaqmelo nak asiekpelkangveiakmo nak Cristo Jesús apveske ehenkok, askelhakhangkek lhamakho qaselha lhta malha basura ntemak ma'a aniem'o lhta asmama takha Cristo,

Filipenses 2:1

Koka apkellangko la Cristo ketlhengkap apkenmopvanka'a kakpota eliatekhok po'ok, alpekhesangka la nhan apkellasekhai'o kakpota elpaieskeskamok apvalho'ok po'ok, akno la nhan mo'ok apvalho'ok kakpota nhan akiavai'a nkek la apkelietnai'o napa'at po'ok,

2 Pedro 1:3

Apmopvana nak Eniapom Neten hengeliekpelkeskaskek apto neten apankek nema apmopvana, elanak na qaselha hempelapkeskama, hengellavema lhta kakpota hengellangkok lhamakho qaselha alaimommalhkelha la'a angellanangkok na aktaqmanma.

Romanos 15:13

Hai, Eniapom Neten apto niapom al·halhnekama engvalho'ok angvetak aktaqmanma, ellangkok hata alpaihekha apvalho'ok kakpota nhan altaqmelaikama apvalho'ok apkellelto nak meliaskeiam apvesai'a m'a, ellaneskasangkok hata nhan apvalho'ok alel·halhnekama elvetak hata aktaqmanma aniem'o Espíritu Santo apmopvana.

Juan 10:30

Ko'o kanhan Eniapom anak enlhema ennengko'o m'a —lhta aptak Jesús.

Juan 6:69

Mangeliaskeiakmok na ennengko'o lheiap, neliavek na apto apokkanma Eniapom Neten lheiap —lhta aptak Pedro.

Hebreos 10:22

Ntasek angelteteskakhok Eniapom Neten engvalhok iokhalhmek ankek, mongeliaskamek nahan akiokho nkoie' ngkanek malha alalhnai'o engelvalho'ok, alalhnai'o nhan eniempeiok aniem'o m'a iemmen aktaqmanma nkoie.

1 Timoteo 3:16

Have niapak, qaselha akiemaskama engvalhok anak, nientelhek ankek aniangvomhok ma'a mongiaskeiam anak, ka aktonak ma'a Cristo nemo apaskamo nalhepop anak aptaiekho enenlhet apanke, netamen aplheianmo aktaqmanma aptemakha m'a Espíritu, apkelvetai'o nhan ángeles, nemo aleltennaseiangka nhan apvesai'a apieseksek metnangko nak judios, meliaskeiakmo nhan enenlhet'avok lhmankek ham, netamen na m'a apmammakpo takha neten akieplomo nemo ai'o kanhan nema aktaqmelkeskamo apvai'a.

Hebreos 6:11

¡Ntasek etlhengkese mota mokhom ketlhengkap ma'a metka akpensangveiam, metka nhan apkeliamasangveiam alleklemo apvalho'ok! Netamen etlhevangkok hata qaselha altaqmelo apkelel·halhanmo mota nkovak hata.

Colosenses 1:9

Neksa nellengai'a lhta ania'a aktemakha apkellangiemhaikama ketlhengkap ham, lhta nkenok nelelmalhneskeskama mota metka nnelha Eniapom Neten eltemeskesek apkeliekpelkangveiakmo kiokho nkek aptemakha m'a, ellangkok na lhamakho aktemakha nema neniamo kakpota nhan neniekpelkemo aniem'o Espíritu apankok.

Galatas 3:28

kolhva koka aptaiangkok ketlhengkap apkelpasmekha Cristo Jesús, judios, griegos, nema allasennaikama nema apkelianmoma, metnangko nak nema apkelianmoma, apkelennava'ak, ngkelvana'ak, aplhamakho apankavek.

1 Corintios 2:12

Netlhevankek ennengko'o Espíritu apankok Eniapom Neten, mok aktema koka apvalhok anak enenlhet melioho nak Eniapom Neten, hengeliangveskeskakmek Espíritu apankok Eniapom Neten qaselha hengellaikamok alhta Eniapom Neten aniem'o aktaqmanma nkek hengellanei'o.

Juan 17:3

Etlhevangkok hata aliennaktema apnenio'ok aniem'o apkeliekpelkangveiam lheiap apto lhema aphapak aknema apmopvana, apkeliekpelkangveiam na Jesucristo apto lhta apkapaskama lheiap.

Juan 16:15

Lhamakho apanko'ok anak Eniapom, ko'o nhan ehenko'ok ma'a, ka ngkanek ko'o asto lhkek aspaivoma aplengai'a ta Espíritu astakha ta alheianma, netamen na eleltennaksek hata nhan ketlhengkap ma'a.

Juan 5:23

Kakpota ellahok aplhamakho enenlhet Apketka, nnavek na ellahok Eniapom. Mang hata nkek ellahok na Apketka nak, mang na ellak'ok Eniapom apto lhta apkapaskama Apketka.

Juan 5:17

Koka lhta aptak Jesús apkellano m'a: —Ko'o Tata apmakmema lhamakho aknem, ko'o nhan asmakmema —lhta aptak Jesús.

1 Juan 5:7

Apkanet'olhema lhtoka nhan apkelvetaiangko m'a, apketlheianma nhan.

1 Juan 3:19

Ka nelpasmo la mota emmo'ok, nkotlheianvakhok hata mota engelvalho'ok nengelelto nelpasmekha Eniapom Neten apto haveniapak ma'a. Envanka'ak hata nhan angelteteskakhok napaqtek ma'a metka altaikama engelvalho'ok.

2 Pedro 3:18

Ntasek koka elvanengkesek lhamakho aknem nengamelaiam anak kanhan nenianveiakmo apkellaikamo lhta apveske engankok kanhan apto henvonkeskama tep Jesucristo. ¡Angeltakneskasangko toka apvesai'a m'a nenvanlha nak kanhan emanie nak metka nnelha! Amen.

2 Pedro 1:10

Ketlhengkap elialheng'a, apkellavema lhta Eniapom Neten, apkeliekiesaikamo lhta nhan ma'a, ntasek enmeivo mota m'a qaselha altaqmelo nak apvalho'ok kakpota mepallemmek.

1 Tesalonicenses 5:14

Elialheng'a, nengellapiosavek ennengko'o ketlhengkap neleltemo ennavaksek apkellelto la menmakmekama ham, eliatekho ta nhan ma'a apkellelto nak anmaiosak'a apvalho'ok, elpasem hata nhan meliennaktema nak, kakpota nhan etnangkok metka apkelpekhesammap apieseksek anak ham.

1 Tesalonicenses 3:2

Ka nellapaso lhta enialheng Timoteo ham apto nhan Eniapom Neten apkasennaikama, nenmakmekamo lhemek nahan nelpaieskama ania'a aktaqmanma aplhenammap Cristo, nellapaske lhta ham kakpota eliatekho, elpasmok nahan nkoliennak meliaskeiam ketlhengkap

1 Tesalonicenses 1:5

Have vanlha mo'ok engatno'ok alhta nentangkok neksa neleltennaskama lhta ania'a aktaqmanma apieseksek ketlhengkap ham, nellan'a lhta nhan qaselha hempelapkeskama aniem'o apmopvana Eniapom Neten kakpota nhan Espíritu Santo. Ka alpekhesangka lhta ketlhengkap metka apkaimommap akto have niapak ankek ania'a nengeltennaikama ennengko'o. Hai, apkeliavek ketlhengkap vanlha lhta mota nengeleltemo nkoltaqmelek apkakhaikamok neksa nengakhengveiam alhta ham.

Hechos 4:32

Apkelpasmekhek nak lhamakho qaselha apanko'ok apkellelto meliaskeiam, mamma lhnak na atlheianma la apvalho'ok qaselha apanko'ok apankavek la'a, aknemo mo'ok nak na apvalho'ok ma'a.

Lucas 1:1

Askeltavek altennaksek ania'a lheiap aktemakha lhta hengellanei'o Eniapom Neten nenieseksa ennengko'o. Mantek na enenlhet apnaktalhesaikamok aktemakha ania'a nak ma'a,

Romanos 2:4

Mevannama lheiap akiavai'a nkek apiamolhma Eniapom Neten, mepekhaksek na etaknevak lheiap apkelan'o la qaselha ngkolatsekama. Hai', have niapak ankek apto apiamolhma apankek Eniapom Neten ma'a, apkeltavek eiaqmongkasekha mo'ok apvalhok lheiap, elvataksek na qaselha ngkolatsekama apkelanai'a.

1 Corintios 14:31

Ntase ngkotnek ma'a apkaknekha nak apkelanmakha apketlheno la ania'a aniem'o Eniapom Neten kakpota eliangvomhok, elvaskapok nahan aplhamakho apkellelto apkellailhemo m'a.

Efesios 1:7

Apketsepme lhta Cristo akiangkenammalhko nhan ema apankok kakpota hengel·hatsoskakhak neksa hengenmaikama lhta mongeliamolhma, ka aptemeskesaiangka lhta nha apankek mongeliamolhma nak. Koka m'a apeneskamo lhnak nanek Eniapom Neten apkelanekha aptakha etnek hata aniem'o aktaqmanma nkek hengellanei'o.

Efesios 3:3

Heteskaske lhta nhan ma'a qaselha akielhammalhka akietnaikama apaqtek etnek hata, ketse lhta astalheskasak ko'o vakkahak ketlhengkap ma'a aktemakha ania'a nak.

Efesios 3:16

Askelelmalhneskaskek askeltemo ellangkok aliennaktema nkek apvalho'ok ketlhengkap aniem'o Espíritu apankek ma'a, aniem'o nhan apto apiavai'a apankek ma'a.

Colosenses 1:26

Aktemo lhta nhan ma'a malha akposemmalhka lhennenga la akietnemakha, kolhva koka Eniapom Neten apkelvetaskaskek apkellelto apkelpokkanma m'a.

Colosenses 2:19

Ka enenlhet'avok anak ma'a have apkellelto apkelpasmekha Cristo apto nak malha apqatek, apkellaikamok na aptekamok apiokha apkelvanengkeskama la'a, apkelelto nak apkennemolhema. Cristo apkelpasmekho nhan ma'a apkennemolhema apanke, malha aktonak apiokha nak lhema enenlhet nnankek alpasmekha alietetakha kanhan ahak kakpota nkovanamok ma'a apkeltemakha nhan ngkotnek Eniapom Neten.

Colosenses 4:3

Elelmalhnama ta nhan Apveske kakpota hengellangkok ngkeskama nempaieskama ania'a aktaqmanma kakpota angeliekpelkeskeskamhok qaselha akielhammalhka aniem'o Cristo, asnek ko'o kolhvave nak hengke'e nengaqlhengkasemmalhkelha nak aniem'o aspaieskama ania'a aktaqmanma nak.