Colosenses 1:6 - Nuevo Testamento Toba Maskoy

⁶ akvai'o sekha lhta. Ka ania'a nak mpaihakhek aklengammalhka halhmankek ham, aliaqmongkaskesekho nhan mo'ok apvalho'ok enenlhet'avok apkellelto la apkellengai'a, ka aktaiangko lhta nhan ketlhengkap ma'a aliaqmongkaskesekho mo'ok apvalho'ok neksa apkenmaikamo lhta takha aktaqmanma nke nak apkellanei'o Eniapom Neten, kakpota nhan akto have niapak anke nak.

Colosenses 1:6 Referans Kwoze

Juan 15:16

Ma lhta heliekiesangkok ketlhengkap, ko'o koka nkeniemai'ak askeliekiesaiangko ehenke, ka askellapaso lhma nkek ham kakpota nkolhnangkok ngkeskama akielhna metka aktemongvaiam annelha. Netamen hata nhan ellangkok hata Tata apkelelmalhnengka la'a qaselha, akieplomo koka asvesai'a nak.

Filipenses 1:11

Hai, ellanangkok hata ngkeskama qaselha altaqmelo ketlhengkap ham aniem'o apkelpasmoma Jesucristo. Netamen hata nhan eltakneskasangkok, ellahok hata nhan Eniapom Neten apvesai'a apkellelto la apkelvetai'a enenlhet'avok ham.

1 Pedro 5:12

Hai, akiakvatema nkek vakkahak anak astalheskama aniem'o nhan hepasmoma astema emo'ok nengaqtek eialheng Silvano, astalheskek vakkahak anak askellanemakha etnangkok, kakpota elvetaskesek qaselha altaqmelo alleniem'o Eniapom Neten akiavai'a apkellamelaiam ketlhengkap ma'a, etlhengkes hata nhan alpaihekha nak apvalho'ok aniem'o apkellamelaiam ma'a.

Colosenses 1:23

Nkaimelhkek eliennakteksek meliaskeiam anak, metka apkelieniekha m'a alel·halhnekama apvalho'ok elvetak hata aktaqmanma aniem'o ania'a aktaqmanma apkellengai'a lhta, nema aleltennaskamo mota lhmankek ham. Ko'o nhan askeleltennaskama ania'a nak aniem'o lhta heiapaskama Eniapom Neten.

Romanos 16:26

Kolhva koka aplekvakhe', hengelvetaskaskek nahan, nlheianmek nak nane mota Vakkahak apkeleltennasemmap ania'a annenga apanko'ok ma'a. ¡Hai! Eniapom Neten apto menietsepmak aplekvakhek kolhva hengelvetaskaske alhnakho nkoie apmahai'akha lhta etnehek kakpota eleliehekhok, meliaskamek nahan enenlhet'avok lhmankek ham.

Romanos 1:13

Ketlhengkap elialheng'a ko Roma, avanhe lhta niekhe askeltemo atnentak amaika'a ham, koka heliasakha lhma lhta nnak ma'a. Asmak'a alhta niekhe apaiaksek ania'a aktaqmanma kakpota meliaskamek enenlhet'avok ma'a, ka stemakha lhta nhan ma'a mo'ok iokhalhma apkellomakha nak metnangko judios.

Juan 4:23

Eniapom Neten apto malha eniempehek, ngva'ak aknem kolhvave nak akto have niapak ankek aktemakha apkellasennaikama Eniapom. Nkoltemeskesek hata iokhalhmek ankek apkellasennaikama m'a aniem'o Espíritu apankok ma'a, ka apkeltemak etnangkok Eniapom ma'a —lhna aptemak Jesús.

Marcos 16:15

Netamen lhna aptemak Jesús apkellanemo apkeltamesaikamok: —Enmamok hata ketlhengkap lhmankek ham, eleltennasamok hata ania'a aktaqmanma m'a.

Marcos 4:8

Koka mo'ok aktek noka mpalveiakmok aktaqmelakha lhepop, ntasek ankek nak aktekteiapma m'a, lhema apvathetma apaktek na ngvaiakmok 30 apaktek, po'ok nak na 60 apaktek, kakpota nhan 100 apaktek ma'a.

2 Tesalonicenses 2:13

Ketlhengkap elialheng'a apkellamelaiakmek Apveske, vanlha mota ennengko'o nentaikamok gracias Eniapom ngkanek apkeliekiesaiangkek tep nak nanek apmaniaie apankavek ma'a kakpota elvongkesek tep aniem'o Espíritu apkeltemeskeskamo nhan apkelpokkenammap ma'a aniem'o lhta meliaskeiam ketlhengkap ma'a ania'a akto have niapak.

1 Tesalonicenses 2:13

Hai, nengeleltangke mota ennengko'o gracias Eniapom Neten aniem'o apkellengai'a, apkenmaikamok na takha ania'a aplhenammap Eniapom Neten netsavkeskama lhta ham. Apkeliangveiakme lhta ania'a aktaqmanma have aniemai'o enenlhet apanke, koka aniemai'o m'a Eniapom Neten. Hai, have niapak ankek ma'a aniemai'o Eniapom Neten ania'a aktaqmanma nak nkelentepkeskaske mota akiavai'a qaselha altaqmelo apkellelto nak meliaskeiam.

1 Tesalonicenses 1:5

Have vanlha mo'ok engatno'ok alhta nentangkok neksa neleltennaskama lhta ania'a aktaqmanma apieseksek ketlhengkap ham, nellan'a lhta nhan qaselha hempelapkeskama aniem'o apmopvana Eniapom Neten kakpota nhan Espíritu Santo. Ka alpekhesangka lhta ketlhengkap metka apkaimommap akto have niapak ankek ania'a nengeltennaikama ennengko'o. Hai, apkeliavek ketlhengkap vanlha lhta mota nengeleltemo nkoltaqmelek apkakhaikamok neksa nengakhengveiam alhta ham.

Colosenses 1:10

Netamen hata m'a nkovak akietemo nkek aptaiangkolha apkanemakha nhan etnangkok Apveske, kakpota nhan ellanangkok metka nnelha qaselha akleklemelha la apvalhok ma'a, ngkeskama qaselha altaqmelo, akvakmo akvanemo lhamakho aknem apkeliekpelkangveiam Eniapom Neten.

Filipenses 4:17

Have ko'o asteniai'a mokhom qaselha hepasmoma la'a, vanlha koka asteniak etlhevangkok nema akiaqmongkasekha ta aniem'o helpasmoma ko'o.

Efesios 5:9

Nkanek apommatema nak ntepkaskek ma'a neniamolhma, akpeivomo kanhan have niapak.

Efesios 4:23

Eliaqmongkasekha ta nhan alhnanko'ok alietnaikama apaqtek.

Efesios 4:21

have niapak ankek na apkellengai'o ania'a akto have niapak ankek aplhenammap Jesús, apkeliangveiakmek na apkelleliehekho m'a alietemo nkek na aptaiangkolha.

2 Corintios 10:14

Lhta mongetlhekmosengko la ketlhengkap, akhemo lhta ngkotnek nelammalhko, koka netlhekmoseiangkek ma'a, emmaniaie lhta nhan nelletsavkeskama ania'a aktaqmanma aplhenammap Cristo.

2 Corintios 6:1

Nenmakmesama ennengko'o Eniapom Neten, nellasnema nhan meltemeskesekhek koneng aktaqmanma nke nak apkellanei'o Eniapom Neten.

Romanos 15:19

hempelapkeskama, qaselha mongenatkeskama nhan aniem'o Espíritu Eniapom Neten apankok. Aspaieske lhta ania'a aktaqmanma lhamakho apkellavakha askempai'o lhta Jerusalen akvakmo iokhalhma Iliria.

Hechos 26:18

Kakpota nkotlheianvomok apvalho'ok elvatesangkok na apkelloma ienaqtesakha lhma m'a aniem'o nak anmaikama Satanas. Kakpota ellasekhekhok Eniapom Neten, elloka nhan atsak'elha lhma elieploma nhan Eniapom Neten, meliaskamek na asvesai'a ko'o. Netamen Eniapom Neten etneskesama ta apankek meleliehekho apkellaskamakha m'a, etneskesangkok na apkelpokkanma", lhta aptak heiano Jesús ma'a.

Hechos 16:14

Lidia lhta akvesai'a lhema ngkelvana, ko Tiatira lhna lhta m'a, ietamopai'a apmennave lhta alhakhama apkelelqama'ak alhto ka iama apkel·hanaktema. Nkai'avek na lhta mota Eniapom Neten ma'a, nkailhangke lhta nhan apketlhekmoskama Pablo aniem'o Apveske aptemeskeskamak ma'a.

Hechos 12:24

Ka akpaihekho lhnak apaivoma Apveske aklhamakho apkellavakha.

Hechos 11:18

Neksa apkellengai'a lhnak ma'a akmaskemo nhan apkeliamenammap Pedro m'a, apkeliavenkaskesaiangka lhnak apvesai'a Eniapom Neten ma'a, lhna aptaiangkok: —Neliavek kolhva ennengko'o apkenmamo takha Eniapom Neten enenlhet metnangko nak judios, apkeltavek na eliaqmongkasekhak mo'ok apvalho'ok ma'a kakpota ngkoitek aliennaktema apnenio'ok mankotnengvaianlha nnelha —lhnak aptaiangkok ma'a.

Efesios 3:2

Have niapak apkeliavek ketlhengkap Eniapom Neten heiapaskama kakpota alhenek ania'a apeneskamo lhta akietnaikama apaqtek etnek ma'a kakpota nkoltaqmelekha' apkakhaikamok ketlhengkap ham aniem'o apkellamelaiakmo m'a.

Romanos 15:28

Hata askellangkongvakho ta patakkom m'a, askeltavek aniakhak España, neksa alhengama nalhet amai hatelha atnek amaika'a ketlhengkap ham.

Juan 17:19

Aspokkenammalhko nak kakpota atlhekmosangkok helieplekama lheiap apaivoma akto aktaqmanma nkek, kakpota etnangkok na apkelpokkanma apkellasennaikama la lheiap.