Biblia Todo Logo
Bib sou entènèt

- Piblisite -




Colosenses 1:4 - Nuevo Testamento Toba Maskoy

4 ngkanek nelleng'a mota ania'a aknaikamok akiavai'a lhnak meliaskeiam ketlhengkap Cristo Jesús, avanhek nak na apkellasekhai'o apkellelto apkelpokkenammap ma'a.

Gade chapit la Kopi




Colosenses 1:4
18 Referans Kwoze  

Askeliavek ko'o ketlhengkap meliaskeiam apveske engankok Jesús, apkellasekhai'o nhan aplhamakho apkellelto apkelpokkenammap,


Ketlhengkap Elialheng'a, nietavek antangko mota gracias Eniapom Neten ngkanek ngvaneniek meliaskeiam anak ketlhengkap lhamakho aknem, ngvaneniek na apkellasekhammakpo apieseksek anak ketlhengkap ham.


Neksa nelelmalhnongkoma Eniapom Neten nketlheianvekhe mota engvalho'ok aknaikamo lhta aliennaktema meliaskeiam ketlhengkap nkeltemeskeskangke lhta akiavai'a apkenmakmekama, apkellasennaiangka lhta nhan po'ok akieplomo apkellasekhai'o, nnaianke lhta nhan alel·halhnekamok apvalho'ok nkovak ma'a apkelpasmoma Apveske engankok Jesucristo.


Ngkanek Eniapom Neten apto apeivomo panke', melelvangkamek na ketlhengkap ma'a apkelpasmomo lhta, apkellasekhai'o lhta nhan apkelpokkanma nak akvakmo nenvanlha nak.


Nelvetai'a lhta mota ennengko'o hengamelaiam Eniapom Neten, mongeliaskeiakmo lhta nhan hengellamelaiam ma'a, ngkanek Apto hengamelaiam aniapom. Enenlhet apto la apkasekhai'o mota po'ok, apto nhan nengaqtek ankek apasmekha Eniapom Neten ma'a, Eniapom Neten na apasmekha m'a enenlhet anak.


ngkanek asleng'a lhta apvesai'a lheiap avanhek na lhta apkasekhai'o, mei'askeiam nahan apveske engankok Jesús, kanhan apkellasekhai'o lhna lhta nhan apkellelto nak apkelpokkenammap


Ennengko'o lhennenga nellomaka lhta malha neletsepma, kolhva koka neliavek nentaikokhok mokhom enhalhnanko'ok ngkanek nellasekhavek engelialheng'a. Enenlhet meniasekhai'o la po'ok, malha apketsepma ntak m'a.


Koka apkelpasmakho la Cristo Jesús, mmaskek aktaqmelo m'a akiaqtemenammalhka nak nekhatkok nengammelhakha nlho ka la m'a, vanlha nkaimelhkak nkoitek mongiaskeiam anak kakpota nkotepkesek nengasekhai'o nak emmo'ok ma'a.


Ka hengke'e apkanemakha nak antangkok Eniapom Neten: Mangeliaskamek apvesai'a Apketka Jesucristo, kakpota nhan angellasekhalhkok na nenieseksa nak ennengko'o ngkanek apkanemakha antangkok ma'a.


Apvaktame lhta Timoteo hengke'e apkeniaktamo ham Tesalonica, apsantanie lhta ania'a aktaqmanma, avanhek na lhta akietnema meliaskeiam ketlhengkap, nengasekhai'o, avanhek nak na apkenmahai'a hengelvetekhak ketlhengkap ennengko'o, ennengko'o nhan ntak ma'a avanhek nemmahai'a angelvetekhak ketlhengkap.


Neksa nellengai'a lhta ania'a aktemakha apkellangiemhaikama ketlhengkap ham, lhta nkenok nelelmalhneskeskama mota metka nnelha Eniapom Neten eltemeskesek apkeliekpelkangveiakmo kiokho nkek aptemakha m'a, ellangkok na lhamakho aktemakha nema neniamo kakpota nhan neniekpelkemo aniem'o Espíritu apankok.


Atse lhta apvalhok apvo'o Tito hengke'e, apsantamo ania'a apkelvesai'a ketlhengkap, apkenmahai'o lhna lhta hengelvetak ennengko'o. Nkellaioseskeskangkek na lhta apvalho'ok ketlhengkap aniem'o atlheianma mota apvalho'ok ko'o, avanhek na lhta nhan altaikama apvalho'ok aniem'o ko'o m'a. Koka avanhek na akpaihekha evalhok asleng'o ania'a apsenta Tito.


nnengkek hengeltemeskeskamo Eniapom Neten apketkak aniem'o mongiaskeiam Cristo Jesús.


kolhva koka aptaiangkok ketlhengkap apkelpasmekha Cristo Jesús, judios, griegos, nema allasennaikama nema apkelianmoma, metnangko nak nema apkelianmoma, apkelennava'ak, ngkelvana'ak, aplhamakho apankavek.


Elelmalhna ta mota Eniapom Neten, ellapiosama ta nhan aniem'o Espíritu anmaikama. Elel·halhnama ta metka apkel·halhiongvaiam, ellapiosakpo ta nhan apkelelmalhneskeskama aplhamakho apkelpokkenammap anak.


Swiv nou:

Piblisite


Piblisite