Apocalipsis 6:1 - Nuevo Testamento Toba Maskoy

¹ Netamen asvet'o lhta mokhom Nepkesek Apketkok apkentaso amanie amhama nema aliepetkeskama, 7 lhta nema aliepetkeskama m'a. Asleng'o lhta akpaivoma lhema kaselha aniemhaikama m'a aiseksek alhta m'a 4 kaselha, malha apkelhtenioma lhta ntak heiano m'a: —¡Elheng no elanhono hengke'e! —lhta ntak.

Apocalipsis 6:1 Referans Kwoze

Apocalipsis 5:1

Asvet'o lhta nhan lhema vakkahak nema alpelhiangkamekamok akiennakha apmek apto apnema m'a aptanema apveske. Hanet nekha alhta nema aktalheskama vakkahak alhta m'a, mankomopvana lhta emaiesekhak enenlhet la m'a ngkanek nietnek lhta 7 aimenek nema alpathetkeskama m'a.

Apocalipsis 6:5

Netamen asvet'o lhta mokhom Nepkesek Apketkok hanetolhem'a aktaiekho lhta ngvakmok apkelentaskama nema aliepetkeskama. Asleng'o nhan hanetolhem'a lhta ngvakmok kaselha allaniemhaiangka m'a, lhta ntak heiano: —¡Elheng no elanhono hengke'e! —lhta ntak ma'a. Ka asvet'o lhta mokhom lhema etanlheng apaiseiam ma'a, apto apkanantema apmaikama alhta apmek lhema al·hanemmalhka nak nentoma.

Apocalipsis 19:6

Asleng'o lhta nhan nkeskama apkelpaqmeiasma enenlhet'avok, malha lhta ntak akpaivoma nak aiempek iemmen aksepkanmakha la'a, malha lhta nha ntak apiennaktema la apkelhtenioma, lhta ntak: —¡Aleluya, ietavek angeliavenkaskesok apvesai'a Eniapom Neten apto vanlha lhema aphapak apmopvana apanke! Ngkanek nkenavek aptema apveske kolhvave nak.

Apocalipsis 6:7

Ka asvet'o lhta mokhom Nepkesek Apketkok apkentaso mokhom cuarto nema aliepetkeskama, asleng'o lhta nhan cuarta kaselha allaniemhaiangka, lhta ntak heiano: —¡Elheng no elanhono hengke'e! —lhta ntak ma'a.

Apocalipsis 14:2

Asleng'o lhta nhan akpaivoma aiempek aniem'o neten, malha lhta ntak akiavai'a aksepkanmakha la iemmen. Malha lhta nhan apkelelhtenioma akiavai'a nkek ma'a, malha lhta nhan arpa la apentalhnema apkelpaivaskama enenlhet.

Apocalipsis 11:19

Asvet'a lhta nhan ma'a neten atong nema akmaiesekha Eniapom Neten apnemakha. Nietne lhta m'a konne iamet aiseksek aknaiangkolha metaimong nekha alqasemmalhka annemo mo'ok apvalho'ok lhnak nanek apkenmahai'akha etnangkok Eniapom Neten kanhan apkennemolhema. Mpelapkaske lhta apkelienmakmo m'a, akiennoma lhma, apkelelhtenioma, akievhekama lhepop kakpota nhan aliavai'a ahekho'ok ma'a.

Apocalipsis 6:3

Asvet'o lhta mokhom Nepkesek Apketkok apkentaso hanet aktaiekho nema aliepetkeskama m'a, ka asleng'o lhta akpaivoma hanet alhta ngvakmok ma'a kaselha allaniemhaiangka m'a, lhta ntak heiano m'a: —¡Elheng no elanhono hengke'e! —lhta ntak.

Hechos 4:20

Mongellapvankek ennengko'o angelvanma angetlhenek lhamakho aktakha alhta nenlengai'a kakpota nhan nelvetai'a —lhna aptemak Pedro.

Juan 1:29

Lhema aknem alhta ntak akiekai'a m'a, apvet'o lhta Juan aplhekmo Jesús ma'a, lhta aptak apkellano enenlhet'avok: —Ellammelhono ha'e, aplhekmek apto Nepkesek Apketkok apkapaskama Eniapom Neten, apto apkel·hatsoskama ta malha akientalhnema apkelpatmekama enenlhet lhmankek ham aniem'o meleliehekho apkellaskamakha Eniapom Neten.

Apocalipsis 4:8

Moklhem'a lhta nhan nnaiangkok 6 alhempanko'ok, nketsavhekhave lhta nhan aqto'ok aiempeiok kanhan av'alho'ok ma'a, nkennekmasengke lhta nhan lhamakho aknem, pelhasep nahan, lhta ntangkok ma'a: —Apokkenammap, Apokkenammap, Apokkenammap apanke memangveiam ngkolatsekama apveske Eniapom Neten apto vanlha lhema aknema apmopvana apanke, apto apnema tep nak nanek, apto nhan apnema kolhvave nak, apto ta nhan apvekta —lhta ntangkok altakneskasengko m'a.

Apocalipsis 5:12

lhta aptangkok apkeliennakteso apkelpaqmeiasma: —Nepkesek Apketkok apto lhta apmatnama nietavek ankek elhkak apmopvana kakpota nhan nema apketsekama akmennave, elhkak na aknema apiamo, apiennaktema nhan, nietavek na ngkolhek ak'o, ngkolhek na akiavenkaskesangka apvesai'a —lhta aptangkok ángeles ma'a.

Apocalipsis 8:1

Netamen asvet'o mokhom Nepkesek Apketkok apkentaso lhta aktakha nnelha septimo nema aliepetkeskama m'a. Mpelapkaske lhta akto metka akiennoma lhma m'a neten akvakmo nalhet lhema alanei'o aknem.

Apocalipsis 13:8

Asvet'o lhta nhan apkelteklhengko aptapno'ok naqtek ma'a kakpota ellahok akvesai'a aplhamakho enenlhet'avok lhmankek ham apkellelto mankolhnaikamok apkelvesai'a vakkahak alanemmalhko sekhek ankek tep nak nanek lhmankek ham. Ka vakkahak anak ma'a akto akiennaktema enneniek apankok ma'a Nepkesek Apketkok apto lhta nhan apmatnama.