Apocalipsis 3:8 - Nuevo Testamento Toba Maskoy

⁸ "Asiave ko'o lhamakho aptemakha apkelanai'a lheiap, asiavek na heliehekho lheiap niekhe ketsek meiennaktema, asiavek na metka apmangkaktema elhenek asvesai'a ko'o. Ka ngkanek amaieskese mota atong napaqtek lheiap, mamma ta enenlhet apmopvana la eniapekhak atong anak ma'a.

Apocalipsis 3:8 Referans Kwoze

1 Corintios 16:9

Mantek na enenlhet apkenmahai'a ellailhok askeltennaikama ania'a aktaqmanma hengke'e, koka apkakhangkek na helammelhaikama hengke'e.

Colosenses 4:3

Elelmalhnama ta nhan Apveske kakpota hengellangkok ngkeskama nempaieskama ania'a aktaqmanma kakpota angeliekpelkeskeskamhok qaselha akielhammalhka aniem'o Cristo, asnek ko'o kolhvave nak hengke'e nengaqlhengkasemmalhkelha nak aniem'o aspaieskama ania'a aktaqmanma nak.

Apocalipsis 3:7

—Etalhes no mokhom ania'a kakpota eniapaskesek ángel apno m'a iglesia akieto Filadelfia, ka ntak ania'a hengke'e: Apto nak Apokkenammap memangveiam ngkolatsekama, apto nhan have niapak anko ie', apto nhan akietnema llave apankok apveske David annenga. Apto nhan apmaieskama atong, mamma enenlhet apmopvana la eniapekhak ma'a, apkapekha apankek na atong ma'a, mamma nhan enenlhet apmopvana la emaiesekhak mokhom ma'a, ka aptak na m'a:

2 Corintios 2:12

Smak'ak aleltennasama ketlhengkap asmeiakho lhta akieto natemma Troade kakpota altennama ania'a aktaqmanma aplhenammap Cristo apto Apveske, apkelpenesave lhtoka apkenmahai'a ellailhok askeltennaikama m'a.

Hechos 14:27

Ka apkelvekho lhnak Antioquia m'a, apkellankesekho lhnak apkellelto iglesia m'a, ka apkeleltennaseiangka lhnak ania'a aktemakha Eniapom Neten apkelanai'a qaselha neksa apketlhengama m'a. Apketlheianmo nhan aktemakha apkelpasmoma mota Apveske kakpota eleltennasangkok na ania'a aktaqmanma metnangko nak judios kakpota meliaskamek na m'a.

Filipenses 4:13

Evankek koka mota nhan avaskapok aniem'o Cristo heiaikamok asiennaktema,

Lucas 12:9

Koka apkeleltennaso la ketlhengkap mangheliekpelkema ko'o, nkolhek hata nhan atlheno metka nema aliekpelkemo napaqtavek ángeles apanko'ok Eniapom Neten ma'a.

Apocalipsis 2:13

"Asiave ko'o apnek lheiap akieto akietnemakha nak aktanema aveske Satanas, man koka heieniekhak lheiap, meietnekhok nahan, mang na hei'askeiakmok lheiap neksa apmatnama alhta Antipas apto lhta nhan ma'a apaieskama mota ania'a asvesai'a ko'o, meietnekho lhta nhan ma'a Antipas, lhtoka apmatnamak ma'a akieto aknemakha Satanas.

Juan 17:6

Askeleltennaskek ko'o apvesai'a lheiap apkellelto hellaikamok alhta kakpota altakmelkeskesek. Lheiap enenlhet apanko'ok, apkelleliahakhavek apaivoma lheiap na m'a.

Apocalipsis 3:15

"Asiave ko'o lhamakho aptemakha apkelanai'a lheiap, have apmalhaklhemo lheiap, have nhan apmokhetma. ¡Ntase niekhe etnek apmalhaklhemo nlho la nhan apmokhetma!

Apocalipsis 22:7

—¡Kolhvavek hata avatamok ham! Aktaqmelakho nkek apkellelto apkenmama takha ania'a nak aktemakha akmak'akha ta ngkotnek akietno nak aktalhesammalhka vakkahak anak —lhta nna akto m'a.

Apocalipsis 3:10

Aptaqmelkaskek na aspaioma askanemakha etnek lheiap metka apkelvateskaiam heieplekama, ka ngkanek ataqmelkesek hata akvo'o ta aplengaiangko akientalhnema takhalhet lhmankek ham.

1 Timoteo 5:8

koka meleliahakho la m'a melpasmek na apketkak ma'a, mang na nkoitak meliaskeiam ma'a, tep ankek meliamolhma metlhok ma'a melioho nak mokhom Eniapom Neten.

2 Timoteo 4:7

ngkanek heiasennaikama aktaqmanma nkek ma'a, astemengke mota nhan malha kto nak soldado apmopvana la ennapakpok, malha nhan astemak ma'a apkelpaivasemmap la'a apvaiam anak akiensasemmalhka nak, molvateskakmok na moi'askeiam.

Apocalipsis 3:1

—Etalhes no mokhom lheiap ania'a kakpota eniapaskesek ma'a ángel apno m'a iglesia akieto Sardis, ka ntak ania'a hengke'e: Apto akietnema 7 espíritus aniem'o m'a Eniapom Neten kanhan 7 iav'a, ka aptak na m'a: "Asiave ko'o lhamakho aktemakha apkelanai'a lheiap, apketlheianme mota enenlhet'avok aphalhnankok mokhom lheiap, koka have m'a, apketsepma niekhe lheiap.

Apocalipsis 2:2

"Asiave ko lhamakho aptemakha apkelanai'a lheiap, asiavek na akientalhnema apmakmekama metka apiamasangveiam, asiavek na menmamo takha enenlhet meliamolhma, apkeliepkonke lhta nhan lheiap apkeltemakha enenlhet apkeleltammakpo apankave lhta nema allapaskamo, koka have ma'a, apkenmopvanka ania'a lhta m'a.

Judas 1:4

¡Ellaho toka m'a enenlhet'avok meliamolhma nak apkelvai'o lhna lhta mota ham apieseksek anak ketlhengkap! Apkelpasmekhek na lhta ketlhengkap ma'a, apkeliennengkeskamo lhna lhta nhan. Apkellaneiangkek na lhta lhamakho aktemakha qaselha ngkollatsekama atlheianmo apvalho'ok metka apiaqmongkasekha Eniapom Neten aniem'o aktaqmanma nke nak aptemakha, menmaiangkok na takha m'a apto lhema aphapak Apveske engankok Jesucristo. Tep nak nanek nlheianmek Eniapom Neten apaivoma etlhevangkok hata nema aliaqmongkaskesekha apkeltemakha m'a.

Juan 15:20

Kotlheianvakho no apvalho'ok astakha lhta askellano, nema asennaikama nak have apto neten apankek apveske apankok. Heliaqmasema lhta ko'o enenlhet, hata nhan ngkotnek ketlhengkap ma'a. Koka moklhem'a lhta nhan apkelleliehekho lhta aspaioma, eleliehekhok hata nhan aptangkolha la apketlhekmosekamok ketlhengkap ma'a.