Apocalipsis 3:7 - Nuevo Testamento Toba Maskoy

⁷ —Etalhes no mokhom ania'a kakpota eniapaskesek ángel apno m'a iglesia akieto Filadelfia, ka ntak ania'a hengke'e: Apto nak Apokkenammap memangveiam ngkolatsekama, apto nhan have niapak anko ie', apto nhan akietnema llave apankok apveske David annenga. Apto nhan apmaieskama atong, mamma enenlhet apmopvana la eniapekhak ma'a, apkapekha apankek na atong ma'a, mamma nhan enenlhet apmopvana la emaiesekhak mokhom ma'a, ka aptak na m'a:

Apocalipsis 3:7 Referans Kwoze

Apocalipsis 1:18

Asto ehalhnankok, asketsepme lhta ko'o sekhe lhta, kolhva koka astakhek ehalhnankok metka akvaiam annelha ta aliekaikamok iantelhkapa, nietnek na llave ankok ngkolatsenkolha apkeletsepma.

Apocalipsis 6:10

Lhta antangkok akiennaktema nkek alpaqmeiasma: —Apveske, lheiap apto Apokkenammap memangveiam ngkolatsekama, apto nhan have niapak anke ¿Se lha aknem hata eliekpelkok lheiap eliaqmongkaskesekhak hata apkeltemakha enenlhet alhta hengennapma ennengko'o, he? —lhta ntangkok alpaqmeiasma apkel·hangok ma'a.

Juan 14:6

Ka apkatemmongka lhta Jesús ma'a, lhta aptak apkano: —Ko'o asto nak vanlha malha lhema amai akmaiangko akieto apnakha Eniapom, ko'o asto nhan have niapak anke niapom, askellaikamok na aliennaktema apnenio'ok enenlhet'avok lhma nkek ham.

Lucas 1:32

Nkovak hata aknem aptema neten apankek apiaspommap ma'a nematka nak, eleltangkok hata enenlhet'avok Apketka apto Apveske netne kanke nak. Apveske Eniapom Neten hata nhan eniangkok aptanema apveske aptanmo lhnak nanek na apiata nnenga David.

Marcos 1:24

—¡Aiai, manghengeliasamolhma Jesús ko Nazaret! ¿Apmak'a nlho hennaqtevaksek, he? Asiave ko'o Eniapom Neten apokkanma lheiap —lhna ntemak kasekapok av'alhok ma'a.

1 Juan 5:20

Nengeliavek na apvai'o lhta Eniapom Neten Apketka, hengellangkongvai'o lhta nhan aknema nengeliamo kakpota angeliekpelkangvomok ma'a apto have niapak anke nak niapom, nelpasmekhek na ennengko'o m'a aniem'o apketka Jesucristo. Koka apto Eniapom Neten, apto nha niapom have niapak anke, hengaikamok na akiennaktema enneniek nkotnengvaianlha nnelha.

Apocalipsis 19:11

Ka asvet'o lhta akmaihakho neten ma'a, apiangke lhta lhema etanlheng akmopai'a m'a. Apto lhta apkanantema m'a apvesai'a metka apietnekho hempasmoma, kakpota nhan apto iokhalhmek ankek. Apte lhta mota apveske apeivomo, apkennapommap nahan.

Apocalipsis 3:14

—Etalhes no mokhom lheiap ania'a nak kakpota eniapaskesek ángel apno m'a iglesia akieto Laodicea, ka ntak ania'a hengke'e: Apto nak amen, Apto nhan apvetaiangko aplhenekho mota nhan iokhalhmek ankek ma'a, meietnekho nhan, Apto nhan apkeniemai'a m'a lhamakho qaselha apkelentepkeskamo lhnak nanek Eniapom Neten ma'a tep nak nanek, ka aptak na m'a:

Apocalipsis 5:9

Ka apkennekmasengko lhta nhan lhema nennekmaskama alhnankok ma'a, lhta ntemak: —Vanlha lheiap apto akietemo nkek emok, emaiesekhak na nema aliepetkeskama vakkahak anak ngkanek apmatnangke lhta lheiap, apianmongkeskekho lhta ema apankok kakpota hengel·hatsoskakhak neksa hengenmaikama mongeliamolhma, henlaqlekho lhta nhan ma'a napaqtek Eniapom Neten nenlhamakho ennengko'o kakpota nhan apkakhangko natemma lhmankek ham, aknema apkelpasmekhak apketkak kanhan lhamakho aktemakha apkelpaqmeiasma.

Apocalipsis 1:11

lhta ntak heiano: —Etalhes no lhema vakkahak aktakha la apvetai'a, etsaskes hata 7 iglesias akieto m'a iokhalhma akiav'akha Asia, ka alvesai'a hengke'e: Efeso, Esmirna, Pergamo, Tiatira, Sardes, Filadelfia kakpota nhan Laodicea —lhta ntak nema aliatekama netamen ko'o.

Hechos 3:14

Apkeltaknongkongke lhtoka ketlhengkap apto Apokkenammap memangveiam ngkolatsekama, apeivomo nhan, apkeleltemo lhtoka ketlhengkap epaqnemekhak lhema ntekioma niapom.

Apocalipsis 1:5

Aniem'o nhan ma'a Jesucristo apto apvetaiangko panke, aplhenekho mota nhan akto have niapak ankek, apto lhta nhan aplhatekhangveiam apmanie apieseksek apkenmaskengvaiakmo, aptemo nhan takhaplhet'ok ma'a apkelveskaie lhmankek ham. Avanhek ankek hengellamelaiam Jesucristo, malha hengellalhnaskeskama lhta nhan engelvalho'ok malha alpaiseiam aniem'o nellanekamok ngkollatsekama, aniem'o lhta nhan akiangkenammalhka ema apankok ma'a.

Lucas 4:34

—¡Jesús ko Nazaret, manghengeliasamolhma! ¿Apmak'a nlho hennaqtevaksek lheiap, he? Asiavek ko'o lheiap apto apokkanma Eniapom Neten —lhna ntemak ma'a.

Apocalipsis 15:3

Apkennekmasengke lhta nhan apkennekmaskamo lhnak nanek Moises apto apkasennaikama Eniapom neten, kanhan nennekmaskama apvesai'a Nepkesek Apketkok, ka ntemak hengke'e: —Aliavai'a nkek qaselha apkelanai'a lheiap, hempelapkeskama nhan, apto apveske vanlha lhema aphapak aknema apmopvana apanke lheiap Eniapom Neten, apkelan'a mota qaselha akpeivomo kakpota nhan akto akietemo nkoie lheiap apto apveske takhaplhet'ok aplhamakho apkellavakha.

Apocalipsis 21:5

Koka apto lhta apnema aptanema apveske m'a, lhta aptak: —Askelan'ak ko'o alhnankok lhamakho qaselhaha —lhta aptak. Koka lhta aptak na mokhom heiano ko'o m'a: —Etalhes astakha nak aspaioma, akto have niapak ankek, nietavek mei'askamek lheiap —lhta aptak heiano m'a.

Apocalipsis 19:2

ngkanek apkeliekpelkek aptaiangkolha enenlhet'avok akietemo nkek ma'a kakpota nhan akto have niapak ankek, avanhek apiaqmongkasekha aktemakha akiav'akha ngkelvana alanaktema nak, nnaqtevaskek aplhamakho enenlhet'avok aniem'o anmensangveiam alhma. Eniapom Neten apiaqmongkasakhak na aktemakha aniem'o annapma apkellasennaikama m'a —lhta ntak akiennoma lhma m'a.

Apocalipsis 16:7

Asleng'o lhta ko'o mokhom po'ok apkeliatekama ntepke lhta m'a akieto m'a alvanlhemmalhkelha qaselha, lhta aptak: —Apveske Eniapom Neten apto vanlha lhema aphapak aknema apmopvana apanke, have niapak ankek lheiap apkeliekpelkemo aptaiangkolha aplhamakho enenlhet'avok, aptek na iokhalhmek ankek kanhan akietemo nkoie —lhta aptak.

Apocalipsis 4:8

Moklhem'a lhta nhan nnaiangkok 6 alhempanko'ok, nketsavhekhave lhta nhan aqto'ok aiempeiok kanhan av'alho'ok ma'a, nkennekmasengke lhta nhan lhamakho aknem, pelhasep nahan, lhta ntangkok ma'a: —Apokkenammap, Apokkenammap, Apokkenammap apanke memangveiam ngkolatsekama apveske Eniapom Neten apto vanlha lhema aknema apmopvana apanke, apto apnema tep nak nanek, apto nhan apnema kolhvave nak, apto ta nhan apvekta —lhta ntangkok altakneskasengko m'a.

Apocalipsis 2:1

—Etalhes no lheiap ania'a nak kakpota eniapaskesek ma'a ángel apno m'a iglesia akieto Efeso, ka ntak ania'a hengke'e: Apto nak apkenmaikama 7 iav'a akiennakha nak apoktong, apiaihema m'a aiseksek 7 alhvo'ok oro alapommatkeskama, ka aptak nan ma'a: